الموضوع: صور مؤلمة لطفل ‫#‏لاجئ‬ سوري قذفته الأمواج إلى سواحل ‫#‏تركيا‬

ربنا يحمي ولادنا و يحمي بلادنا و يقف مع المهجرين من الحروب و المجاعات.
الصوره دي خير دليل اننا لازم نحمد ربنا في كل وقت علي النعمه اللي احنا فيها.
ملحوظه: ماحدش تاني يتريق علي جملة: مش احسن ما كنا نبقي زي سوريا و العراق؟

لا حول ولا قوة الا بالله
ربنا لا تؤاخذنا بما فعل السفهاء منا

عشان الناس تعرف النعمة الى احنا فيها

لا اجد سوى مشهد احمد ذكى عندما قال" كلنا فاسدون لا استثنى احدا"
لا الحكام ولا الشعوب
لا الاوروبيون ولا العرب
لا السلطه ولا المعارضه
لا احد لا يتحمل جزء من الخطيئه

ولازم نعرف ان الحكومات من عرب وغرب رافضه تحمل اعباء اخواننا اللاجئين لان شعب اى دوله لا يتحمل اقتصام جزء من معيشته من اجل انسان اخر حتى احنا كعرب واشقاء بنتفرج على الصور ونتحسر ونبكى وندعى ونحسبن و بعدها كل منا يذهب لحياته وان قررت حكومه ادخال اللاجئين واقتسام مرتبات الموظفين فيها بين اهل الدوله واشقائهم اللاجئين حنلاقي وجه اخر للمجتمعات "قطعا لا اعمم ولكن الاغلب سيعترض"
الموضوع اكبر من صوره الموضوع هو حال العالم قلت الانسانيه وتفشت الماديه
ولاخى باسم اللى بيقول جمله" افضل من سوريا والعراق" لا يقصد ان نرضي بالامر الواقع ونترك السلبيات بلا علاج ولكن يقصد ان نستبعد اى بديل يؤدى لنشوب نزاعات غير محسوبه العواقب وانما اتخاذ الطريق الاطول للتطوير ولكن المحسوب العواقب لان اى حد حيتخيل انه فى يوم تكون الخيارات اللى قدامه افضلها ممكن يكون انه يشوف ابنه فى الصوره دى اكيد حتلاقيه بيقول الجمله دى بالرغم اننا فى المرحله الجايه لازم بدل الجمله دى نفكر اننا عايزين نبقى زى -----"اى دوله متقدمه"

النهايه انه بالرغم من قسوه الصوره وغيرها لازم نعرف ان كل اللى بنعمله اننا بنرمى المسؤليه على اى شخص اخر فقط لكى نكمل الحياه بضمير اكثر ارتياحا انما عن تضحياتنا او اقتطاعنا لجزء من دخولنا للمساعده لم ولن يحدث لانه الخيار الاصعب وبالتالى المسؤليه مشتركه من قرارات سياسيه لحكام "عرب وغرب" دون المسؤليه الانسانيه وانعدام المشاركات الاجتماعيه للشعوب لان الانسانيه جمعاء اصبحت تسعى وراء الماده والمصلحه لا الاخلاق والمبادئ

لنا ولهم الله .
تحياتى.