برسونا ام سياز

**مهند سعيد** · 03-09-2015 12:06 AM

السلام عليكم يا شباب,

معلش كان عندي ثلاث اسئلة

1. هي العربية البرسونا 2015 افضل ولا السزوكي سيازز
2. اه هي عيوب البرسونا من وجهة نظر ملاك العربية
3. اه اخبار الresale للعربيات البروتن في مصر

معلش اصل انا محتار جدا و عايز حد يفدنى, انا مستريح للبرسونا والعربية عجبانى بس الناس بتقول ان العربية فيها عيوب و التوكيل مش كويس, بس الفكرة ان العربية سعرها مناسب حدا بالنسبالى..

أرجو الافادة.

**Dr\Mohamed** · 03-09-2015 10:35 PM

المشاركة الأصلية كتبت بواسطة مهند سعيد

السلام عليكم يا شباب,

معلش كان عندي ثلاث اسئلة

1. هي العربية البرسونا 2015 افضل ولا السزوكي سيازز
2. اه هي عيوب البرسونا من وجهة نظر ملاك العربية
3. اه اخبار الresale للعربيات البروتن في مصر

معلش اصل انا محتار جدا و عايز حد يفدنى, انا مستريح للبرسونا والعربية عجبانى بس الناس بتقول ان العربية فيها عيوب و التوكيل مش كويس, بس الفكرة ان العربية سعرها مناسب حدا بالنسبالى..

أرجو الافادة.

وعليكم السلام ورحمة الله وبركاته

بالنسبة لعيوب العربية معايا بعد عشرة سنة ونص ان العفشة خشنة دي اكتر حاجة مزعجة فيها والتابلوه مش فخم ومفيش بلوتوث
اما موضوع الاصوات والكركبة اللي الناس بتشتكي منها فاي عربية فيها حاجة مش مربوطة كويس اكيد هتعمل صوت
مسألة التوكيل لو عندي حاجة لا قدر الله مش بروح التوكيل بروح لصنايعي بره

اعادة البيع حسب المحافظة ....... عندي هنا سيئة جدا

للاسف معرفش حاجة عن السياز .......

اتمنى اكون افدت حضرتك

ربنا يوفقنا جميعا للخير

**carrier** · 05-09-2015 11:58 PM

المشاركة الأصلية كتبت بواسطة مهند سعيد

السلام عليكم يا شباب,

معلش كان عندي ثلاث اسئلة

1. هي العربية البرسونا 2015 افضل ولا السزوكي سيازز
2. اه هي عيوب البرسونا من وجهة نظر ملاك العربية
3. اه اخبار الresale للعربيات البروتن في مصر

معلش اصل انا محتار جدا و عايز حد يفدنى, انا مستريح للبرسونا والعربية عجبانى بس الناس بتقول ان العربية فيها عيوب و التوكيل مش كويس, بس الفكرة ان العربية سعرها مناسب حدا بالنسبالى..

أرجو الافادة.

السزوكي سياز

**Motarjim** · 07-09-2015 08:42 PM

خليك في السياز...أبرز عيوب البيرسونا العفشة الناشفة جدًا واستهلاك البنزين العالي وصوت الماتور المرتفع، دول سمات عامة موجودة في كل البرسونا/الجين 2. وقد يزيد عليها أصوات وتزييق تتفاوت من عربية لأخرى.

**carrier** · 08-09-2015 11:48 AM

المشاركة الأصلية كتبت بواسطة motarjim

...أبرز عيوب البيرسونا العفشة الناشفة جدًا واستهلاك البنزين العالي وصوت الماتور المرتفع، دول سمات عامة موجودة في كل البرسونا/الجين 2. وقد يزيد عليها أصوات وتزييق تتفاوت من عربية لأخرى.

تحليلك مبالغ فيه ......

خصوصا

فى الجين2 .....
ف لوتس
العالمية ادتها الخطوط العريضة لتكون عملاقة

انا ليا رأى ..... بروتون يعنى .... جين2 ... ببرستيج عالى جدا .... وبتتباع فى لحظات ... وعيوبها دلع

ف الجين2

طمانينة المرسيدس فى السفر ... وقوة الاودى فى الجرى ... وعفشة اللوتس فى الثبات

ملكة
فى المناورات مع الثبات مع المنحنيات وبسعر رخيص

**mody112** · 08-09-2015 12:53 PM

الاتنين اعادة بيع وحشة .
الاتنين توكيلهم سيء.
الاتنين قطع غيارهم غالية وان كنت اظن ان السياز اغلى نسبيا .
السياز لسه جديدة ومش منتشرة .
البيرسونا اشهر من النار ع العلم .
البيرسونا اقوى .
البيرسونا اثبت .
السياز انعم .
السياز اوسع .
السياز افخم .
السياز فيها كل الاوبشن اللى تتخيله .
استخير وتوكل .