الموضوع: محدش عنده فكره عن كيا ceed الجديدة ؟؟

ماخوذ من صفحة كيا علي الفيس بوك ..
كيا سييد 2016 الجديدة متوفرة على النحو التالى:
HB-LX 159.900 EGP
HB-EX 169.900 EGP
HB-HL 182.900 EGP
ويمكنك التعرف على مواصفاتها والفروق بين فئاتها من خلال الرابط التالى:
Kia Cee'd | Kia Motors Egypt Official Website
كيا سييد ستيشن 2016 الجديدة متوفرة على النحو التالى:
SW-LX 165.900 EGP
SW-EX 185.900 EGP
ويمكنك التعرف على مواصفاتها والفروق بين فئاتها من خلال الرابط التالى:
Kia Cee'd Sw | Kia Motors Egypt Official Website

اما بالنسبة للارتفاع فا هي تقريبا ١٤ سم او ١٤.٥ لاني قريت الارتفعين في كذا مكان بس عامة ده نفس ارتفاع السيراتو

في نظري انا اتفرجت عليها في معرض اباظة الي في شارع النزهة مصر الجديدة .. هي عربية تحفة جدا و انا فضلت ال SW في حجم الشنطة فارقة كتير عن العادية و العربية طولها فارق 20.5 cms و اعتقد ده فرق لا يزكر قدام فرق حجم الشنطة الي هتستفيد بيه .. مع العلم ان حجم الكابينة واحد في ال٢

انا مقتنع انها احلي شكلا عن ال سيراتو و الكارينز .. بس الشكل وجهات نظر

بالنسبة للخامات و العربية من الداخل فا انا حاسس انه في فرق في الجودة لصالح السييد بنسبة ١٠-١٥٪ مثلا و دي وجهة نظري برده لما بصيت عالعربيات في المعرض و ان كان فرق لا يذكر بس حسيته ..

انا بفضل الكارينز في الحجم جدا اوسع و اكبر بفرق كبير غير حجم الشنطة الضخم و ميزة انها ممكن تبقي ٧ راكب، بس هي اغلي تاني فئه تقريبا ب٢٠٥ الف (مش متاكد من سعرها اوي) فا برده دا عامل يخليك تفكر و هتخدها ببعض الاوبشنز اقل من الهايلاين السييد الي هي ارخص ..

انا في حيرتك برده و مستني اسمع من ناس اشتريتها او حتي الاقيها مشية في الشارع اوقف صاحبها اساله :D
و بقارن بينها و بين السيراتو و محتار جدا في ناس بتشجع عالسراتو اكتر لانتشارها و الكلام المعروف ده و انها اوسع و ناس بتشجع السييد لانها في الاصل موجهة لسوق اوروبية و شكل مختلف و اجدد ..
و يا رب نوصل لحل بقي :D

انا معايا العربيه الsw highline و بصراحه العربيه ممتازه و مش واطيه زى ما الناس فاكره عنها ........ و من جوه تحفه و فيها حبه مميزات مكنتش متوقعها و اللى عايز يجيب العربيه يتوكل على الله .... عفشتها الخفيه multi-link و التقفيل بتاعها كويس جدا و فيها 6 airbag و ده من الحاجات اللى خلتنى اشتريها

المشاركة الأصلية كتبت بواسطة kareemkaram

انا معايا العربيه الsw highline و بصراحه العربيه ممتازه و مش واطيه زى ما الناس فاكره عنها ........ و من جوه تحفه و فيها حبه مميزات مكنتش متوقعها و اللى عايز يجيب العربيه يتوكل على الله .... عفشتها الخفيه multi-link و التقفيل بتاعها كويس جدا و فيها 6 airbag و ده من الحاجات اللى خلتنى اشتريها

اولا الف مبروك علي العربية
ثانيا ممكن تحكلنا علي المميزات الغير متوقعة ؟؟
و لو ممكن تدينا feedback عن العربية بشوية تفاصيل اكتر .. السحب و استهلاك البنزين و العفشة ناشفة ولا كويسة ؟
و لو ممكن تقولنا اشتريتها منين ؟ حجزت من الوكيل و استنيت .. ولا اشتريت من معرض علي طول .. و لو من التوكيل كان مدة الحجز اد ايه ؟؟
شكرا ليك و ربنا يباركلك فيها ;)

المشاركة الأصلية كتبت بواسطة l@ncer

السلام عليكم ورحمة الله وبركاتة

محدش ياشباب عنده فكره عن الكيا الجديده ceed ..
العربية شكلها تحفة واسعارها تقترب من الكارينز كمان وبينزل منها نوعين بفئاتهم
واحدة هاتشباك hb والتانية سبورتس واجن sw

لو حد ربكها او عنده معلومات ياريت يفيدنا

ده فيديو للهاتشباك

https://www.youtube.com/watch?v=ssvps0tqxji

وده فيديو للواجن

https://www.youtube.com/watch?v=eahfi4ztjei

حضرتك هيا هيا السيراتو موتور وعفشة اختلاف الشكل الخارجى والصالون حاجات بسيطة قوى واختلاف جنوط

انا كمان اشتريت العربية واستلمت امبارح (ستيشن).
انطباعى الاول عنها انها عربية سلسة مريحة قوية وشكلها مختلف خامات جيدة امان اكتر (6 ايرباج+عفشة مالتى لنكس. بتنافس فى اوروبا مركات كبيرة وكمان الفئات بتعتها اولى وهاى لين بس (مش زى السيراتو 100 فئة ) ودة ميزة وكمان الفئة الاولى تقريبا فيها كل حاجة.