الموضوع: تجربتي مع لانسر شارك ٢٠١٥ بعد ٧٠٠٠ كيلو

الواحد مشترك في المنتدي يجي من 6 سنين اول مره اشوف الناس بتتكلم مع بعض بالطريقه دي وكلامي ليس موجه لشخص بعينه حاسس اننا داخلين نفرض راينا علي بعض وخلاص- احترامي وحبي للجميع والاختلاف في الرأي لايفسد للود قضيه.

العربيه ضاعت ...الشركه هتفلس

للأسف اسمحلي أعارضك في نقطة الصني دي
أنا كان معايا صني 2009 الشكل الجديد اللي هي 2010 يعني مفيش وجه مقارنه بينها وبين الشارك
أخويا أخد الصني وانا اشتريت الشارك 2015 خليجي
من كام ركبتها اللي هي الصني يعني حسيت بفرق رهيب في كل حاجه
الشارك ممتازة مقارنه بسعرها
وأنا شايف ان موضوع الصاج ده مش بيفرق سواء محمل والا خفيف كله مع أي خبطه بيتبهدل بس انا بعتبره ميزه لما يكون خفيف عشان يخفف وزن العربية
التسارع ممتاز
صوتها عالي شويه بس هي مسألة تعود
العربية واسعة جدا من جوة
عاليه عن الأرض جدا ومع ذلك ثبات على الأرض ممتاز
عفشتها مش حاسس بمشاكل فيها
وعلى العموم مفيش عربية كلها مزايا أو كلها عيوب
كل عربية لها ما لها وعليها ما عليها
وفي الآخر لولا اختلاف الأذواق لبارت السلع
تحياتي

المشاركة الأصلية كتبت بواسطة dr.oun

بسم الله الرحمن الرحبم

انا سبب اني بكتب التقرير ده هو مجرد احقاق للحق مش اكتر و رأيي الشخصي في عربيه سمعت عنها كلام كتير زي لانسر شارك

اولا لو انت بتشتري العربيه بناء علي سمعة لانسر مكوه او بومه
فانصحك متغلطش غلطتي لانها مش زيهم اطلاقا
لا في جودة صاج و لا بويه و لا جوده خامات او جوده تقفيل
العربيه تقفيلها بصراحه من اسوأ العربيات اللي ركبتها في حياتي
للعلم انا ركبت ( سيراتو كوبيه ٢٠١١- لانسر ٢٠٠٣- نيسان صني ٢٠١٠ تقفيل مصري - فلوانس هاي لاين ٢٠١٢- فيكترا سي ٢٠٠٨ )
و بدون اي مبالغه و الله تقفيل الصني ٢٠١٠ برقبة الشارك ٢٠١٥ و لو حد فيكم شاف بعنيه و ركز هيعرف كلامي

طبعا العزل مش هتكلم فيه لان العربيه عزلها سئ جدا جدا جدا .... و لو مشيت بيها ٢٠ كيلو من غير ما تشغل كاسيت هتصدع

عفشة العربيه ناشفه و بتدبدب و ده طبعا ع عكس المفروض لان المالتي لينك المفروض طرية

الصاج ضعيف جدا جدا جدا اضعف صاج ركبته في حياتي و ان كنت متقبل ان كل الجديد صاجه ضعيف بس هي اضعف بمراحل عن ما كنت متوقع

البويه و ده عيب قاتل فيها لان بويتها ضعيفه اوي و من اقل خربوش بيجيب الصاج و ده طبعا ع عكس المكوه اللي كنت راكبها و دي لانسر برضو

الثبات و ده حاجه هي واخده فيه سمعه مش حقيقه اطلاقا العربيه فوق ال ١٥٠ ثباتها سئ و اقل مطب هوا هتلاقي العربيه رايحة جايه

فرامل العربيه مش قويه و مش ضعيفه اوي بس لازم كل ٣٠٠٠ كيلو ترجلش الفرامل الخلفيه و الا هتحس العربيه عجله بتفرمل من العجل الامامي بس

الكاوتش اللي نازله بيه طبعا مش محتاج اتكلم عنه لانه المفروض يترمي في الزباله

تكييفها قوي جدا جدا ( كان معايا خليجي ) و ان كان في بعض الشكاوي من الشرق اوسط

طامتها الكبري فب قطع غيارها غاليه ناااااااااااار و مش موجوده حتي في التوكيل الريداتير مثلا ب ٣٦٠٠ جنيه فلتر البنزين ٩٠٠ جنيه

الموتور كويس بس صوته عالي بس مش الضجه اللي معمولاله دي مهواش طياره خالص زي ما بيتقال موتور عادي تقيل تحت ال ١٠٠ الي حد ما و فوق ال ١٠٠ بيفوق شويه

الفتيس معمر بس بينتش و ده مش عيب فيه ده طبيعي لانه مش cvt

الملخص و نصيحه لوجه الله متشتريش العربيه دي عشان شايفها منتشره
جرب العربيه بنفسك لو عجبتك اشتريها متعملش زيي و تمشي ع السمعه

و ميتسوببشي بجد فشلت تماما في فئة السيدان اذا كان في الشارك او الاتراج عربيات ورق ورق ورق

و زي ما قولت لحضراتكم ده رأي شخصي

نصيحه كمان متسألش جروب عربيه عن عربيتهم لانهم عمرهم ما هيقولو وحشه
الحمد لله بيعتها بعد ٧٠٠٠ كيلو

انا بعت بعد 10000 k والحمد لله اني خلصت منها حسبيا الله ونعم الوكيل في المستورد الي هو ديموند موتورز وغيرو وطبعا شاغلين بسياسة اليهود يعني يحسسك انك فعلان بتشتري جوهرة بجد تروح تشتري يقولك احجز واستنا و طبعا الي باع عربيتة مينفعش يستنا ويروح يتفع اوفر بريس علشان يركب

dr.oun قال الي انا عاوز اقولو احب ازيد عربيتي 2015 2 فئة
قطة قعديت علي سقف العربية اتبق اة والله

المشاركة الأصلية كتبت بواسطة esam_comm

انا هاحكي عن تجربتي مع العربيه دي
الشركه مسلماني قلوانس 2013 من الزيرو تمام جينا من شهرين جبنا 3 عربيات شارك زيرو قولت اجدد واخدها واسيب الفلوانس والله روحت استلمتها من التوكيل علي جراج الشركه وسيبتها ورجعت للفلوانس صادفت ان الرينو دخلت صيانه العربيه قعدت معايا اسبوع صوتها عالي جدااا ومزعج وفراملها حقيره والله هي والباور وسوء خامات وتقفيل والله الهيونداي الالنترا والاكسنت انضف منها انا من كتر حرقه دمي من جروب الشارك علي الفيس خرجت منه لانه غير موضوعي بالمره وحرام بيدبسو الناس في العربيه دي علي فكره الكلام ده بره مصر وانا الحمدلله عندي في مصر جيتا يعني مش بعيب علي الشارك علشان هدف معين والحمدلله بسوق من 20 سنه وركبت عربيات بعدد شعر راسي بس ده للامانه العربيه دي مش اكتر من حقيره وضعيفه جدااااااااااا مثال بسيط وانت علي كرسي السواق اضغط علي كسوه القايم بايدك للداخل وشوف التقفيل العربيه دي ياجدعان سعر مصنعها 8800 دولار يعني فستك
سؤال اخير للناس اللي بتشكر في الشارك هو قبلها حضرتك كنت راكب ايه

صح جدا

فعلا الشارك جوده اليابانى بشكل اقتصادى

متفق معاك 100% وربنا يجزيك خير ده كان انطباعي عنها لما ركبتها مع صديقي وكلامك اكده وان شاء الله مش هشتريها