ثقافه ولاد سليم اللبانين و مفيش صاحب يتصاحب

**Bassem Youssef** · 04-09-2015 11:57 PM

اغنيه قذره شغاله في ارجاء المحروسه 24 ساعه

مفيش حد مش بيشغلها تقريبا

من كام يوم خيري رمضان اللطيف استضاف السرسجيه اللي بيغنوا الاغنيه دي

و الانقح من كده واحده بتتصل بالبرنامج و مبسوطه بيهم و نفسها ابنها يطلع نجم شوباك زيهم

حسبي الله و نعم الوكيل

https://www.youtube.com/watch?v=BFe6DnnWb3I

**ahmedwagdy03** · 05-09-2015 11:16 AM

يعنى إيه سرسجية من فضلك . أصلى ماليش فى اللغة و من غير تريقة من حد

**hilal** · 05-09-2015 11:32 AM

إليك ما توصلت إليه عن معنى السرسجية (منقول بتصرف):
السرسجية هو مصطلح يشير لبعض أبناء العشوائيات الذين يتبعون أحدث صيحات الموضة بارتداء الملابس المزخرفة ذات الألوان الفاقعة، وبنطلونات الجينز Super dirty والأحذية الصينية المقلدة للماركات العالمية، ويطيلون شعرهم «المفلفل» بطرق متعددة، وينتشر بينهم تعاطى المخدرات وعقار «الترامادول» ليعزز عدوانية سلوكهم، واستخدام الأحزمة ذات التوكة المعدنية بالمشاجرات والمظاهرات التى صارت «سبوبة»، فهم يعملون لصالح من يستأجرهم ، ويمكنك أن تراهم فى أفراح الأحياء العشوائية، يتعاطون المخدرات علانية ويرددون أغنيات مثل «آه يا بنت يا محتاسة من شبرا للدرّاسة» و«البانجو مش بتاعى» وغيرها ، لكن الأخطر انتقالهم للعبة الاحتجاجات ليصبح لدينا «سرسجية السياسة» الذين تجمعهم كلمة السر «أساحبى»، وبالطبع فهؤلاء ليسوا متدينين لكنهم أبناء العشوائيات الفقراء المهمشين الذين لم يتعلموا ويتربوا بالقدر الكافى، لهذا يلجأون لممارسة «الفهلوة» بأحدث نسخها وأقصد التربح السياسى، فيستخدمهم مسئولو حشد المظاهرات. وهناك «السرسجية» الذين يشنون حملات البذاءات عبر وسائل التواصل الإليكترونى، لتحقيق ذاتهم وتعويض شعورهم بالتهميش والدونية، واستخدامهم كأدوات بالحروب الجديدة،

**moha sasa** · 05-09-2015 11:33 AM

- أجمل رد:-

https://www.youtube.com/watch?v=Fv7D0LPQLmc

**moha sasa** · 05-09-2015 11:36 AM

- أتمنى الراجل إللى بيرود على الثقافه دى بيشرح من قال الله والرسول ابتغاء وجه الرحمن الرحيم.

- مش لأغراض دنياويه حقيرة.

**SeiffoZ** · 05-09-2015 12:37 PM

هو انت شايف نفسك فوق البشر ليه؟ بتشتم فى كل الناس وتسخر من كل الناس؟ ليه؟؟

بتوع المهارجانات دول بيعبروا عن ثقافتهم وعيشتهم، ولازم تعرف ان المضمون اللى خرجوا بيه ده انعكاس لحياتهم واسلوبها.

**SeiffoZ** · 05-09-2015 12:40 PM

المشاركة الأصلية كتبت بواسطة moha sasa

- أجمل رد:-

https://www.youtube.com/watch?v=fv7d0lpqlmc

اللى يرشنا بالمياه نرشه بالدم.

ارى رؤوس قد اينعت حان وقت قطافها.

**Bassem Youssef** · 05-09-2015 01:24 PM

المشاركة الأصلية كتبت بواسطة seiffoz

هو انت شايف نفسك فوق البشر ليه؟ بتشتم فى كل الناس وتسخر من كل الناس؟ ليه؟؟

بتوع المهارجانات دول بيعبروا عن ثقافتهم وعيشتهم، ولازم تعرف ان المضمون اللى خرجوا بيه ده انعكاس لحياتهم واسلوبها.

ربنا يهدي بجد

انا قولت امتي اني فوق البشر و بشتم كل الناس ؟؟؟؟؟؟

هو انت زعلان علي بتوع المهرجانات كده ليه ؟؟؟؟؟؟

دول شويه شمامين كوله هما و اللي بيسمعهم :)

احنا ذنبنا ايه في الثقافه القذره بتاعتهم ؟؟؟؟؟

**eng.m7md.ali** · 05-09-2015 01:27 PM

انا شايف في ناس عاجبها اللون ده من الغناء .. مش عايز اقول فن عشان حرام انا شخصياً بهاجم اي نوع من ده مش عشان هما فقرا لا عشان بقي اسلوب حياة .. اي حد بيعجبه هتلاقيه بيشرب سواء مخدرات او حشيش او بيضرب الترامادول وبيسمع الاغاني دي عشان " يعلي مزاجه" .. الحمد لله انا مليش في القرف ده كله ولا بسمع بردو القرف ده بس مش معني اني فقير مثلاً او من عشوائيات اني اجباري لازم اطلع بالمنظر المقزز ده !!! في فقرا كتير ملهومش في اللون ده بس اللي يخليه منتشر ان المخدرات انتشرت كتير اوي اوي بين طبقات الشعب ولازم حاجة تعلي المزاج اكتر فا هتلاقي ابن الناس اللي راكب مرسيدس بيسمع القرف ده وهتلاقي ابن الفقير العشوائي بردو بيسمعوا .. متلومش علي الشعب قد ماتلوم عاللي سمح باانتشار ده سواء رقابة او مصنفات او اي حاجة تانية ليها دور

ولعلمك ده مش اول قناة تستضيفهم .. اون تي في بردو استضافتهم مع شريهان ابو الحسن اللي كنت بحب اتابعها بس قرفت منها بعد اللي حصل

**eng.m7md.ali** · 05-09-2015 01:31 PM

المشاركة الأصلية كتبت بواسطة SeiffoZ

هو انت شايف نفسك فوق البشر ليه؟ بتشتم فى كل الناس وتسخر من كل الناس؟ ليه؟؟

بتوع المهارجانات دول بيعبروا عن ثقافتهم وعيشتهم، ولازم تعرف ان المضمون اللى خرجوا بيه ده انعكاس لحياتهم واسلوبها.

ياباشا الراجل مغلطش في حاجة .. عندك استعداد ابن حضرتك يجيلك في يوم من الايام حالق شعره بالمنظر ده؟؟ طب حالق حاجبه بالمنظر ده؟؟ طب لابس بنطلون hyper slim زي اللي بيلبسوه ده؟؟ .. طب لو جالك في يوم وقعد يرقص زيهم هتعمل ايه؟؟

احنا كا ناس مش عايزين هويتنا تتغير للمنظر ده .. في ناس حابة كدة هما احرار وكل واحد ليه رأيه بس هو اللون اصلاً غلط