احزروا معطرات سبينيس

**hanyelwaly2010** · 19-11-2008 02:55 PM

كنت في سبينيس سيتي ستارز كنت بجيب شويه حاجات و دخلت علي قسم السيارات ألي هناك في قسم المعطرات لقيت الاتي
1 المعطر الشجره الكبيره الخضره و الحمره 4.50
2 معطر الشجره الزغيره في السودا 1.50 و الصفراء2.50

فاشتريت شجرتين كبار واحده حمرا بالفراوله و خضرا بالتفاح دول مافيهمش مشكله
و اتنين صغيرين الصفرا مافيهاش مشكله اما السودا ألي ب 1.5 هيا ألي ركبتها اول ما نزلت للعربيه لان السودا احسم حاجه طلعت ريحتها غريبه زي ريحه العفن كنت فاكرها بلاك ايس طلعت الشجره مرنه و مبلوله و ريحتها كلونيه فا رجعتهالهم تاني

ملحوظه : كل الانواع دي امريكاني و لما جيت اخد واحده مكانها طلعو كل ألي ب 1.50 بايظين بس ليه الشجره الكبيره في كارفور 9جنيه و هنا ب 4.5

**Amrrr** · 19-11-2008 03:11 PM

اي حاجة عليها عرض بتبقى مشكوك فيها وانا كدة اتأكدت من حكايتك دي من الموضوع دا
حصلت معايا في حاجة مالهاش علاقة بالعربيات خالص ( جيل الشعر ) كان عليه عرض واشتريت وبعد مافتحت العلبة تاني يوم لقيتها اتحولت للون ابيض بدل ماتكون شفافة المهم انها باظت بعد مافتحتها بيومين ( من سبينس برصة ) والعرض كان تلات علب بتمن اتنين والتلاتة نفس الحكاية

**hanyelwaly2010** · 19-11-2008 03:27 PM

تقريبا الحجات دي بتبقي خلاص صلاحيتها هتنتهي فينزلو سعرها عشان تتباع بس انا عملت الموضوع ده عشان حرام حد يشتري الشجره ألي 1.5 و تطلع بايظه و انتا عارف الشعب المصري يلاقو الحاجه رخيصه فيشترو عشره

**Abdo_Eldesokey** · 19-11-2008 03:50 PM

من القواعد الصحيحة للشراء الابتعاد عن أي منتج عليه عرض خيالي لأنه بيكون فرز تاني أو مخلفات المصنع

يعني مثلا ً فيه عرض بيبقى موجود على مكن حلاقة الذقن Gillette Blue Plus ، كيس فيه 10 بـ 15 جنيه بس ، مع إن سعر الواحدة 4 جنيه

مع أول حلاقة بمكنة من دول هتكتشف إنها لا تصلح للاستهلاك الآدمي

**Osama_soliman** · 19-11-2008 04:46 PM

احذر احذر اى حاجة مش بسعرها المعقول

**mada121977** · 20-11-2008 12:48 PM

سبينس ده سىء جدااا وغالبيه الحاجات اللى فيه بايظه وغير صالحه للاستخدام
كنت شارى منهم عربيه بريموت برضه عليها عرض وكانت غاليه مش رخيصه وجيت اشغالها فى البيت لقيتها بايظه والفلوس راحت علينا ومن يومها حرمت حتى انى ادخله