الموضوع: طريقة تغيير زيت فتيس كيا سيراتو 2010 وكارينز 2011 كامل (6.8 لتر)

المشاركة الأصلية كتبت بواسطة m.al-hefnawy

العربية بتاعتي معايا بقالها سنتين أول أما جبتها غيرت فلتر زيت فتيس والزيت بس وقتها الميكانيكي قالي موبيل atf 320 ومن فترة قريبة عرفت إن زيت موبيل مش نفس مواصفة زيت الفتيس الموصى به من كيا وبيقلل العمر الافتراضي للفتيس لأنه مواصفته dexron مش sp iii.

بدأت أدور على نوع زيت كويس بالمواصفة atf sp iii ودا المكتوب في الكتالوج بتاع العربية وكان معايا صديق معاه كارينز 2011. المهم ربنا وفقنا ولقينا زيت ميتسوبيشي atf sp iii ودا نفس المواصفة بتاع الكيا والهيونداي ودا شكل العبوة:



العبوة دي 5 لتر بتتباع في مراكز خدمة ميتسوبيشي وتمنها 325 جنيه وفي التوكيل في بنها كان سعر اللتر الواحد 130 جنيه وقالو إنهم بيغيروا 3.5 نص بس بالفلتر لكن ما طلبنا تغيير الزيت بالكامل قالو عاوزين مصنعية 1500 جنيه عشان يفكوا الفتيس وطبعا دا كلام مبالغ فيه جداً.

ملاحظة: الزيت دا ما ينفعش للسيراتو الشكل الجديد زيتها مختلف

كنا محتاجين للسيراتو والكارينز حوالي 14 لتر فجبنا 3 عبوات.

طريقة التغيير: (السيارة في وضع p)

1. فك طبة زيت الفتيس وتفريغ الزيت منها.
2. بعد التصفية، يتم فك كارتيرة الفتيس وفك الفلتر وتغييره بآخر جديد (تمنه 80 جنيه أصلي).
3. تنضيف الكارتيرة والطبه ويوجد بالكارتيرة من الداخل قطع مغناطيس يتم وضعها مرة أخرى عشان الرايش يعلق فيها.
3. وضع سيليكون على حرف الكارتيره (أنبوبة بـ 10 جنيه) سيليكون حراري لونه رصاصي.
4. تركيب الكارتيره بالمسامير الخاصة بها وربط الطبه.

ملاحظة: اللي خرج من الفتيس في التصفية دي لا يزيد عن 3.5 لتر يعني تقريبا لسه فيه قدهم جوه الفتيس

5. هانحط 3 لتر زيت فتيس من مكان مقاس زيت الفتيس.

بعد كده عندنا في الفتيس خارج خرطومين للريدياتير واحد داخل وواحد خارج:

في السيراتو خرطوم الخارج من الفتيس هو اللي تحت يتفك الخرطوم من الردياتير عن طريق أفيز

في الكارينز خرطوم الخارج هو اللي فوق تفك الخرطوم بتاعه من الردياتير برضه

6. يتم تركيب ماسورة رفيعة بخرطوم في خرطوم زيت الفتيس (المكيانيكي استخدم فلتر بنزين لانوس أو نوبيرا راكب في خرطوم عشان السن بتاعه هو اللي كان بيدخل في خرطوم الفتيس)

7. تشغل العربية، يبدأ يخرج الزيت القديم (المتسخ) ولما يبدأ يظهر الزيت الجديد تبطل وتركب الخراطيم والأفايز بتاعتها وتزود من فتحة مقاس الزيت 4 لتر إلا ربع زيت.
وبكده تم تغيير الزيت بالكامل.

شكرا للشرح المفصل
- هل حدث اى اعراض غير مستحبه فى الفتيس بعد تغيير الزيت بالكامل .. يعنى تأخر نقل او لخبطه خفيفه او ما شابه

. هانحط 3 لتر زيت فتيس من مكان مقاس زيت الفتيس.

بعد كده عندنا في الفتيس خارج خرطومين للريدياتير واحد داخل وواحد خارج:

في السيراتو خرطوم الخارج من الفتيس هو اللي تحت يتفك الخرطوم من الردياتير عن طريق أفيز

في الكارينز خرطوم الخارج هو اللي فوق تفك الخرطوم بتاعه من الردياتير برضه

الافضل بعد فك الخرطوم من الرادياتير .. اننا ننفخ مدخل ماسوره دخول الزيت الى الرادياتير .. علشان الزيت القديم اللى جوه الرادياتير يروح على الكرتيره و بعدين نفك الطبه و نصفى الزيت القديم .. و بعدين قفل الطبه و وضع الزيت الجديد

. تشغل العربية، يبدأ يخرج الزيت القديم (المتسخ) ولما يبدأ يظهر الزيت الجديد تبطل وتركب الخراطيم والأفايز بتاعتها وتزود من فتحة مقاس الزيت 4 لتر إلا ربع زيت.

- لماذا لم يتم تزويد الزيت اثناء خروج الزيت القديم اثناء التدوير ؟؟ .. اعتقد حيكون افضل و أأمن


- سؤال بخصوص الفالف بودى
- التدوير على البارك حيطلع الزيت القديم اللى فى الكونفرتر .. هل حيطلع الموجود فى الفالف بودى كمان ؟؟ ( اعتقد لا )
- انا كنت عايز اعمل نفس الخطوات .. بس عايز افضى اللى جوه الفالف بودى برضه .. فكنت بافكر يعنى بعد قفل الطبه و وضع الزيت الجديد .. يتم اثناء التدوير لاخراج الزيت القديم انى اغير من ال p الى النقلات r و d اثناء خروج الزيت القديم علشان الزيت الموجود فى الفالف بودى كمان يتغير ( و يتم التزويد بزيت جديد اضافى من ماسوره المقاس اثناء خروج القديم ) ؟؟
هل ده ممكن ؟؟ ام سيتسبب فى حدوث مشكله

شكرا على الموضوع

المشاركة الأصلية كتبت بواسطة احمد المصرى

بس بالشكل دا الزيت القديم والجديد هيتم الخلط ما بينهم ولا ايه رايك


ملحوظه اخيره انا جربت انى اشغل العربيه بدون ما احط الزيت الجديد حسب نصيحه واحد فى المنتدى علشان انزل كل الزيت بتاع الفتيس وكان هيحرقلى الفتيس سامحه الله ولكن الطريقه بتاعتك مختلفه عن طريقته علشان كدا مش قادر احكم على الطريقه ال حضرتك بتقولها

هل حدثت اى اضرار من ذلك ؟؟

- هل لاحظت تغير فى اى شيئ فى اداء الفتيس ؟؟

كم المده التى دارت فيها العربيه بدون زيت ؟؟

ارجو التوضيح بالتفصيل

شكرا