طريقك مسدودٌ مسدودٌ مسدود .. وهيفضل مسدود

**ESO101** · 05-09-2015 06:32 PM

المشاركة الأصلية كتبت بواسطة خالد الشاذلى

أولا الجواز لا غنى عنه وكل ما اتجوزت بدرى يبقى احسن

ثانيا لضمان نجاح الجواز لازم يتوفر شرطين الاول التوافق بينك وبين زوجتك يعنى تبقوا متفاهمين ودماغكوا واحده

الشرط التانى محدش يتدخل فى حياتكم مهما كان واولهم أمك وأمها وصحباتها

كده تضمن جواز ناجح وهتستريح باقى عمرك

أصل الزوجين مش عايشين في الكون لوحدهم
الحياة مليئة بالمنغصات
لو مكنش فيه سند قوي للعلاقة زي الحب هتبقى الحياة أصعب مما تتخيل
لو إعتبرت الأطفال سند تبقى واهم ... هما بيخلوا العلاقة تستمر .. بس

**خالد الشاذلى** · 05-09-2015 08:51 PM

المشاركة الأصلية كتبت بواسطة eso101

أصل الزوجين مش عايشين في الكون لوحدهم
الحياة مليئة بالمنغصات
لو مكنش فيه سند قوي للعلاقة زي الحب هتبقى الحياة أصعب مما تتخيل
لو إعتبرت الأطفال سند تبقى واهم ... هما بيخلوا العلاقة تستمر .. بس

ما أنا قولتلك لازم يكونوا متوافقين ودماغهم واحده ده هو السند بتاعهم

**volociximab** · 05-09-2015 09:57 PM

المشاركة الأصلية كتبت بواسطة eso101

يعني إيه حب مراهقين
وطبعًا الفتاة السيئة لا تطاق لا صالونات ولا غيره
الفرق إنك بتعرف طباع الفتاة اللي مشاعرك إختارتها ...
الصالونات بطيخة بالإضافة لإن مفيش مشاعر .. إرتياح .. إحترام لكن مش حب
فمين دا اللي هيغامر يدخل جوازة الصالونات إلا لو مش لاقي الحب
الصالونات للي معرفوش يحبوا
فبدون جواز أحسن من الجواز بالطريقة دي
محدش يتجوز حد مش بيحبه .. لأي سبب
هضيع حياتك

انا متجوز صالونات و مرتاح الحمد لله و كتير من جوازات الحب بتفشل و هذا ما اقصده بحب المراهقةحب منى و احمد. منىىىىىىىى.احماااااااد و يطلعوا يجروا وري بعض زى الافلام و يمسكوا ايدين بعض...بعد الجواز بتظهر حقائق فى سلوكه او سلوكها بتقتل الحب لانهم مشيوا ور عواطفهم

**ESO101** · 05-09-2015 10:07 PM

أخبر من تحب أنك تحبه يوميًا .. الحياة قصيرة .

**ESO101** · 05-09-2015 10:14 PM

المشاركة الأصلية كتبت بواسطة volociximab

انا متجوز صالونات و مرتاح الحمد لله و كتير من جوازات الحب بتفشل و هذا ما اقصده بحب المراهقةحب منى و احمد. منىىىىىىىى.احماااااااد و يطلعوا يجروا وري بعض زى الافلام و يمسكوا ايدين بعض...بعد الجواز بتظهر حقائق فى سلوكه او سلوكها بتقتل الحب لانهم مشيوا ور عواطفهم

أنا مش فاهم لحد دلوقتي قصدك بحب المراهقين
الجري ورى بعض و مسك إيدين بعض ؟
أصل الحب مش كدا ..

**Dreamer_Man** · 05-09-2015 10:46 PM

اتفق معاك كليا ESO101
لكن ما هو الحب من وجهه نظرك ؟
هل هو الراحة النفسية ؟
ام امرأة جميلة تنظر اليها فتشعر بالسعادة ؟
ام امرأة تقول لك سي السيد ؟
ام امراة مسئولة وست بيت من الدرجة الاولي ؟
.....

**عﻻء سالمان** · 06-09-2015 12:12 AM

الزواج رزق ربانى و الحب رضا.. رضا من أهلك عليك ورضا من اهلها عليها..و رغبة فى النجاح والإستقرار ودرجة تدين متقاربة ووالرغبة فى رضا الزوجة بتدليلها كطفلة عمال على بطال والرغبة فى رضا الزوج بعمل ما يحب واجتناب ما يكرة..رغبة من كل طرف فى تخفيف حمل الأسرة على الطرف الآخر .. اهتمام بالوﻻد فى النضافة والتعليم.. اهتمام بنضافة البيت واشاعة جو المرح ..مع عدم اﻹخﻻل بالتدبير ..وحفظ الأسرار الزوجية عن اى ماكان ..واليقين التام بأن الكمال مستحيل..وبعد دة كلة ممكن الأمور تسوء بسبب ابتﻻء ربانى.. والقرآن عطانا ثﻻثة امثلة واضحة لإمرأة صالحة تزوجت طاغية ونبيان تزوجا من خائنتين.. ونفس المصيبة لو جات فى الولد او البنت الى انت ما قصرتش فى حقهم وربنا ابتﻻك بسوء سلوكهم ومن هنا بتيجى اهمية الدعاء ..يعنى نعمل الى علينا ونكمل نقصنا بالدعاء ونتكيف مع الواقع امﻻ فى الحياة الأبدية الأفضل..

**A7medelfe2y** · 06-09-2015 02:09 AM

شكرا علي النصيحه الغاليه
وانا بأيد حضرتك فيها

**A.Saad** · 06-09-2015 10:31 AM

فيه حد مرة بارك الله له لانى مش فاكره قاللى على الاية الكريمة المتعلقة بالزواج

ربنا قال ما معناه وجعلنا بينهم تفاهم ورحمة
ليه ربنا عز وجل لم يقل حب

لان الحب ممكن يحصل لفترة وممكن يروح
لكن الرحمة ليها ديمومة اكبر
والتفاهم
وبعد الاتنين دول ما داموا موجودين الحب هيكون موجود

اسعى للتفاهم فى البيت واثناء التعارف ويكون فيه اتفاق على اساسيات الحياة
وتقارب فى المباديء
واتفقوا على كل التفاصيل

الحب مع الاختلافات المتكررة ومشاكل الحياة بيقل
وبيخللى الحياة صعبة

-

الموضوع: طريقك مسدودٌ مسدودٌ مسدود .. وهيفضل مسدود

LinkBack

أدوات الموضوع

عرض

-

-

-

-

-

-

المواضيع المتشابهه

الشكمان مسدود

طريقك مسدود يا ولدى مسدود

طريقك مسدود مسدود يا ولدي مسدود

طريقك مسدود يا ولدى مسدووود ( منقووول )

الكلمات الدلالية لهذا الموضوع

المفضلات

المفضلات

ضوابط المشاركة