محدش يتجوز حد مش بيحبه
نصيحة صغيرة ممكن تنقذ حياتك من البؤس
سمعت النصيحة ياولدي ؟
:breakpc2:
عرض للطباعة
محدش يتجوز حد مش بيحبه
نصيحة صغيرة ممكن تنقذ حياتك من البؤس
سمعت النصيحة ياولدي ؟
:breakpc2:
فإن كرهتموهن فعسى أن تكرهوا شيئا ويجعل الله فيه خيرا كثيرا
ممكن تحبها بعد الجواز علي فكره
تسريح باحسان بس استحمل اللي هيجري من اهلك و اهلها :)
Do not get married in the first place
والله ممكن تكون متجوزها عن حب وبعد الجواز بفترا تلاقى امها بتدخل فى حياتكم وتلعب فى دماغ مراتك وتطلق برضو العيشه قسمه ونصيب
وفيه كلمة سخيفة جدًا بيسمعها العازب دائمًا
( عايزين نفرح بيك )
اوعى تخليهم يفرحوا فيك :dontudear:
ان كنت تقصد الحب الذي هو الراحة النفسية التى تجدها عندما تتقدم لبنت ربما اوافقك
اذا تزوجت بنت الحلال ستجد بها من الصفات ما يجعلك تحبها و اذا تزوجت فتاة احببتها حب المراهقين و كانت سيئة فسيموت الحب بعد خفوت المشاعر بعد الزواج
أولا الجواز لا غنى عنه وكل ما اتجوزت بدرى يبقى احسن
ثانيا لضمان نجاح الجواز لازم يتوفر شرطين الاول التوافق بينك وبين زوجتك يعنى تبقوا متفاهمين ودماغكوا واحده
الشرط التانى محدش يتدخل فى حياتكم مهما كان واولهم أمك وأمها وصحباتها
كده تضمن جواز ناجح وهتستريح باقى عمرك
All you need is love
يعني إيه حب مراهقين
وطبعًا الفتاة السيئة لا تطاق لا صالونات ولا غيره
الفرق إنك بتعرف طباع الفتاة اللي مشاعرك إختارتها ...
الصالونات بطيخة بالإضافة لإن مفيش مشاعر .. إرتياح .. إحترام لكن مش حب
فمين دا اللي هيغامر يدخل جوازة الصالونات إلا لو مش لاقي الحب
الصالونات للي معرفوش يحبوا
فبدون جواز أحسن من الجواز بالطريقة دي
محدش يتجوز حد مش بيحبه .. لأي سبب
هضيع حياتك
وبعدين الحب مش معناه المثالية في الطباع
ومفيش إنسان طبيعي 100%
كل واحد عنده مشاكل نفسية أو إجتماعية
كل المطلوب إن تعرف المشاكل دي وتعرف تتعامل معاها
المشكلة إنه لو صالونات هتيجي على نفسك عشان تتقبل مشاكلها و صبرك هينفذ
لكن لو بتحب هيكون فيه دافع قوي وهتبقى مبسوط لإنك بتتعامل مع شخص بتحبه
انا متجوز صالونات و مرتاح الحمد لله و كتير من جوازات الحب بتفشل و هذا ما اقصده بحب المراهقةحب منى و احمد. منىىىىىىىى.احماااااااد و يطلعوا يجروا وري بعض زى الافلام و يمسكوا ايدين بعض...بعد الجواز بتظهر حقائق فى سلوكه او سلوكها بتقتل الحب لانهم مشيوا ور عواطفهم
أخبر من تحب أنك تحبه يوميًا .. الحياة قصيرة .
اتفق معاك كليا ESO101
لكن ما هو الحب من وجهه نظرك ؟
هل هو الراحة النفسية ؟
ام امرأة جميلة تنظر اليها فتشعر بالسعادة ؟
ام امرأة تقول لك سي السيد ؟
ام امراة مسئولة وست بيت من الدرجة الاولي ؟
.....
الزواج رزق ربانى و الحب رضا.. رضا من أهلك عليك ورضا من اهلها عليها..و رغبة فى النجاح والإستقرار ودرجة تدين متقاربة ووالرغبة فى رضا الزوجة بتدليلها كطفلة عمال على بطال والرغبة فى رضا الزوج بعمل ما يحب واجتناب ما يكرة..رغبة من كل طرف فى تخفيف حمل الأسرة على الطرف الآخر .. اهتمام بالوﻻد فى النضافة والتعليم.. اهتمام بنضافة البيت واشاعة جو المرح ..مع عدم اﻹخﻻل بالتدبير ..وحفظ الأسرار الزوجية عن اى ماكان ..واليقين التام بأن الكمال مستحيل..وبعد دة كلة ممكن الأمور تسوء بسبب ابتﻻء ربانى.. والقرآن عطانا ثﻻثة امثلة واضحة لإمرأة صالحة تزوجت طاغية ونبيان تزوجا من خائنتين.. ونفس المصيبة لو جات فى الولد او البنت الى انت ما قصرتش فى حقهم وربنا ابتﻻك بسوء سلوكهم ومن هنا بتيجى اهمية الدعاء ..يعنى نعمل الى علينا ونكمل نقصنا بالدعاء ونتكيف مع الواقع امﻻ فى الحياة الأبدية الأفضل..
شكرا علي النصيحه الغاليه
وانا بأيد حضرتك فيها
فيه حد مرة بارك الله له لانى مش فاكره قاللى على الاية الكريمة المتعلقة بالزواج
ربنا قال ما معناه وجعلنا بينهم تفاهم ورحمة
ليه ربنا عز وجل لم يقل حب
لان الحب ممكن يحصل لفترة وممكن يروح
لكن الرحمة ليها ديمومة اكبر
والتفاهم
وبعد الاتنين دول ما داموا موجودين الحب هيكون موجود
اسعى للتفاهم فى البيت واثناء التعارف ويكون فيه اتفاق على اساسيات الحياة
وتقارب فى المباديء
واتفقوا على كل التفاصيل
الحب مع الاختلافات المتكررة ومشاكل الحياة بيقل
وبيخللى الحياة صعبة
ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لآيات لقوم يتفكرون
نصيحة صحيحة لكن مش على اطلاقها
اولا , هو مطلوب و ضروري , لكن لوحده غير كافي
ثانيا , لو بصيت له بس و تغاضيت عن باقي العوامل التانية , بيبقى الوضع اسوأ مما لو كنت متزوج عن غير حب
معادلة صعبة , و حلها صعب جدا
في الاخر هو رزق
زي ما الف واحد بيعدوا قدام المعرض اللي واقفة في الE-Class و منهم اللي بيعدي يبوسها و يمشي كل يوم :)
لكن اللي بيشتريها , هو اللي ربنا رزقه بفلوسها , حتى لو كان معدي بالصدفة