أفضل عربية مستعملة في حدود 120 الف
السلام عليكم
لو سمحت محتاج مساعدتك في عربية مستعملة في رنج 120 ألف تزيد حاجة بسيطة او تقل جامد مفيش مشاكل :d
انا معايا نيسان صني 2004 و مرسيدس e240
المرسيدس متعبة بأمانة بالنسبة لي كعربية للاستخدامات العامة والركنة وسط البلد والزحمة وخلافه والصني مريحة جدا في استهلاك البنزين والزحمة بس طبعا العربية هوا وأنا اتعودت علي ثبات المرسيدس ومفيهاش كماليات
فانا عاوز حاجة مستعملة اوروبي او ياباني حلوة في الرنج ده تكوني سهلة في استخدامها وفي نفس الوقت مكلبشة علي الأرض لان الثبات ده هو الي هيخليني أبيع النيسان وأجدد والزيرو الي في السعر ده معتقدش انه هيفرق في الثبات عن النيسان
معلش طولت عليكو :d
المهم في السعر ده لقيت فيه
جيتا 2008
فانتازيا 2009
مرسيدس c180 موديل 2003
كورولا 2010
فيكترا 2008
مين في دول أقدر أعتمد عليه علي الطرق السريعة من حيث الأمان والثبات والسحب ؟؟ في نفس الوقت يرحيني زي النيسان ملفش عليها في التوكيل وقطع الغيار
أنا كنت مستقر علي الجيتا بس ناس كتير خوفوني منها
والكورلا مريحة بس سمعة الكرولا القديمة في لثبات مش حلوة ومشاكل الفتيس معرفش في اي موديلات
و في نفس الوقت عاوز أجيب حاجة هاي لاين فيهم
ولو فيه اقتراحات تانية مفيش مانع :d