إستفسار هااااااام بخصوص نيسان سنترا 2016

**momozozo** · 06-09-2015 06:33 AM

السلام عليكم جميعاً :

- بعد إذنكم أعضاء المنتدى الكرام ؛ هل لدى أحدكم معلومة مؤكدة بشأن السيارة نيسان سنترا 2016 فيما يخص الآتي :

1- هل لم تتوافر السيارة بعد لدى الوكيل والمعارض (موديل 2016) , أم أنها موجودة حالياً ؟

2- إذا كانت موجودة , فهل تقفيل مصري أم تايلاندي كسابقتها 2015 ؟ وإن لم تكن موجودة بعد , فهل توجد معلومة مؤكدة بشأن تقفيل السيارة 2016 ؟

3- الفئات المطروحة من موديل 2016 ؟

4- أسعار الفئات ؟

5- الإضافات الموجودة في الموديل الجديد ولم تكن موجودة في الموديل السابق ؟

**dreslam** · 06-09-2015 09:00 AM

السنترا من ٢٠١٦ حتبقى تقفيل مصري ان شاء الله ولسه متحددش الفئات بالتحديد والاسعار لكن الكلام على انها فئه واحده او اتنين لا اكثر.الفئه اللي حتتطرح في السوق قريبا ان شاء الله حتزيد تكييف تاتش ديوال زون وبلوتوث في الطاره وحيشيلوا منها الباركينج سينسور وغالبا السبويلر.السعر حيبقى في حدود ١٤٠ -١٥٠ وان كان الاقرب ١٤٠ الف انتظر كل الحاجات دي خلال اقل من شهر ان شاء الله

**momozozo** · 16-09-2015 07:45 AM

شاكر رد حضرتك ، ويا ريت لو فيه جديد تعرفنا ، لاني بفكر احجز قريب ومدخل سنترا في مقارنات مع فلوانس ومع كروز

**bassemali** · 06-10-2015 12:28 AM

تبقى التوليدو.. والكروز.. والشارك.. افضل منها 100 مره.. كفايه انها عربيات مستورده مش تجميع مصري اللي مليان قرف زي الصني.. وزي غيره

**Eng. Ashraf H** · 13-10-2015 10:36 PM

الاخ الفاضل momzozo انا النهارده كنت في السبع الي في المعادي و شفت السينترا الجديده ٢٠١٦ وهي بالفعل تجميع مصري و فئتين فقط الفئه الهاي لاين ب 150 الف و زي م اتفضل الاخ الفاضل dreslam و قال شالو منها السينسور بارك و السبويلر وهيزودو ا بلوتوث و تكييف تاتش دوال زون و ابانوس في الباب و التابلوه ( تاتش مصري خالص الابنوس ده ) و الفئه التانيه ب ١٤٠ الف و مش عارف هيكون فيها ايه . الي انا مستغرب منه ان النيسان صني ال سوبر صالون ب ١٣٢ الف يعني ارخص من السينترا الهاي لاين ب ١٨ الف بس . فواضح ان السينترا المصري دي هتكون عربيه علي ادها و هتنافس الكروز بس .
تحياتي .