شيفرولية اوبترا

**a7mdaly** · 06-09-2015 10:41 PM

السلام عليكم اخواني الكرام
الحمدلله ربنا وفقني ولاقيت اوبترا 2008 مانيوال فابريكة كلها لون فضي عداد شرعي 136000 كم وسعرها الراجل بيتكلم في 70000 جنيه وهو مش ممانع ان اكشف عليها في التوكيل
كنت عايز اعرف العداد ده كدة كويس ولا ادور على حاجه عدادها اقل وكنت عايز اعرف منكم سعرها كدة كويس ولا ايه؟ وعايز اعرف ايه رايكم فيها واكشف في انهي توكيل هو بيقول اوتوماستر او منصور اللي في مصر الجديدة في حتة تانية افضل؟ علما اني هجيب العربية دي قسط فلازم تكون نمرة واحد لو فيه حاجة ياريت ماحدش يخبي ويقولي عليها
واسف ع الاطالة يا اخواني

**A7medelfe2y** · 06-09-2015 11:59 PM

معرفش كلامي مدي صحته ايه لانها بتختلف من عربيه للتانيه ومن طريقه سواقه لاخره ومن عداد كله سفر وعداد تاني كله اتعمل داخل الببلد
بس انا بصفه عامه مبشتريش عربيه عدادها اكتر من 100000 كحد اقصي
واما جيت اشتري جبت الافيو 17000 وبفضل الله معملتش فيها حاجه خالص وهي دلوقتي 26000 في 3شهور

**a7mdaly** · 07-09-2015 12:12 AM

المشاركة الأصلية كتبت بواسطة a7medelfe2y

معرفش كلامي مدي صحته ايه لانها بتختلف من عربيه للتانيه ومن طريقه سواقه لاخره ومن عداد كله سفر وعداد تاني كله اتعمل داخل الببلد
بس انا بصفه عامه مبشتريش عربيه عدادها اكتر من 100000 كحد اقصي
واما جيت اشتري جبت الافيو 17000 وبفضل الله معملتش فيها حاجه خالص وهي دلوقتي 26000 في 3شهور

اشكرك ع الرد بس انت ممكن تشتري عربية عاملة 150000 مثلا وتكون متصانة اوي وحالتها حلوة ولا برضة اخرك 100000