الي الخبراء في المنتدي أفيدوني في هذة الورطة اول سيارة لي ومش عارف أتصرف أفيدوني رجاء

انا أسف لو هطول عليكو انا اشتريت عربية كروز ٢٠١٥ من القرش من شهر ٣ الي فات وبعدين وصلت دلوقتي الي ٤٠٠٠ كيلو واتصلت بتوكيل علشان اعرف هغير زيت ال٥٠٠٠ أمتي لقيت التوكيل بيقولي انتا كدة عديت اربع شهور والمفروض ل٥٠٠٠ كيلو لأربع شهور وأنتا كدة عديت عدد الشهور وأنتا كدة خرجت من الضمان وفين كتاب الضمان بتاعك قولت له مش معايا قالي انتا شاري من أني معرض قولتلو القرش قالي روح هاتو منو وتعاله نشوف هنعملك اه كلمت القرش قالي انتا مختوش مننا لا هات صورة الرخصة وبعد ثلاثة تعالو خود مننا والتوكيل قالي متحركش العربية من مكنها للماتور يتحرق انا مش عارف اعمل اه حاسس ان انا مشلول وخايف تحرك العربية وانا قريت هنا في المنتدي ان التوكيل بيحوط زيت غير الي المفروض يتحط ال هو dw50 والتوكيل بيحوط dw30 اعمل أية مش عارف افيدوني ولا اروح بنزينة وانا أجيب الزيت وانا اول مرة أجيب عربية والناس مخوفني من متور الكروز أفيدوني بسرعة رجاء يا أهل الخيرة

معرض القرش قالك اية ؟

قالي هات صورة الرخصة وبعد ثلاثة ايام هنديك كتاب الضمان وقالي روحلوهم وزعق فيهم قلوهم العربية دي مش بتعاتكو وخارجو من عندكو لازم تغيرو لي زيت اصبر لحد ماخود الكتاب ولا اروح في اي مركز صيانة والضمان يضيع عليا حد يقولي دة انا بثق في كلمكو وجبتها من كتر ماقريت عنها في المنتدي دة

انا رايى تستنى

او تشد عليهم فى التلفون و تخدها منهم على طول

رايك اخليني مع التوكيل احسن

وانا كمان

علشان الفتيس

متشكر جداً جداً ليكو

طبعا خليك مع التوكيل و روح للقرش تقفش عليهم و خد كتيب الضمان. ده حقك

ياباشا بلاش الطيبه الزياده دي
امسك القرش امسح بكرامته الارض وخد كتاب الضامنان
واطلع على التوكيل خد حقك كاااااامل صدقني هما بيستضعفوا الي قدامهم ويتمادوا فيها لو وريتهم العين الحمرا هما الي هيجروا وراك
عالم تخاف متختشيش قال ضمانك راح قال ليه هوا لعب عيال

انا روحت التوكيل وبصراحة دخلت الصيانة قولت عايز اعمل صيانة ٥٠٠٠ قالي حاجز قولتلو لا قالي مش مشكلة دخلي العربية وخد الرخصة والعربية دخلت علطول مسالنيش علي حاجة قولتلو اصل الكول سنتر قالي انتا كدة تخرج من الضمان وعملي فيلم كدة قالي معلش دول جايبن كول سنتر من راية والحمد لله العربية اتصلحت خود مني تركيب فلتر وتغير زيت بس وقالي المصنعية علينا

مبروك على الصيانة. بس برضوا ماتسكتش و خد كتيب الضمان و جدول الصيانة عشان يثبتولك فيه في التوكيل كل صيانة انت بتعملها. عشان لو لا قدر الله حصل حاجة في العربية تقدر تثبت ان كل صياناتك عندهم و تعملها على الضمان

اخبار عيب الفتيس ايه عشان ناوي اشتري وبسمع كلام كتير اوي وقلق بصراحه

بص بصراحة العربية الحمد لله جميلة جداً جداً والفتيس مفهوش حاجة والحمد لله شغال زي الفل بس العربية مش بتاعت جري بس ثبات وفخامة وتكيف وهمي