الموضوع: اخيرا لقيت حاجة اقولها للاسكندرانية

السلام عليكم .
الاخوة الكرام من فترة طويلة وانا شايف الصراع والنقاش الحادث بين الاسكندرانية والمصيفين وبين قوسين اللى بيتقال عليهم الفلاحين وكنت ارى هذا الصراع يتجدد كل صيف وينتشر على صفحات الفيس والمنتديات والحقيقة كنت انأى بنفسى عن هذه النقاشات مع رغبتى الملحة ولكن كنت اقاوم وكان موقفى يتلخص فى الاتى
- كنت ارى الاسكندرنية محقين فى عدم استمتاعهم بمدينتهم فى الصيف
- كنت ارى الاسكندرنية مغالين فى تحاملهم الذى قد يصل للسباب
- كنت ارى المصيفين احيان كتير بيعملوا حاجات تكسف انا شخصيا لا ارضاها
-انا شخصيا وانا من عشاق اسكندرية وعشان ميتقالش عليا حاجة غيرت اقامتى للاسكندرية من اكتر من 10 سنوات ولما احب اروح باسرتى للبحر استنى لشهر 9 لما المصيف يخلص والمصيفين يروحوا وبقيت اكره الصيف واحب الشتا زى الاسكندرانية بالظبط
اما سبب كتابتى للموضوع انى قرأت الوضوع بتاع ولاد سليم اللبانين والحقيقة كن اقراها اللبنانيين وقعدت اضحك لانى فوجئت ان اسكندرية برضه فيها حاجات تكسف لان الاغانى دى بالذات دايما من سنين طويلة الاقيها شغالة فى المحلات وكمان دايما الاقى شباب راكب موتسيكلات ولازم كل موتسيكل فيه صندوقين خشب فيهم سماعتين كبار وحواليهم نور ومشغلين اغانى مكنتش بافهم منها اى حاجة وكنت اقول فى نفسى هو ايه ده دا غلبوا الفلاحين وكنت احاول جاهدا افهم الاغانى دى بتقول ايه لكن ابدا
لحد ماقرأت الموضوع http://www.nilemotors.net/Nile/475675-a.html
وعرفت ان ده اغانى اسكندرانى وفوجئت ان فيها لبانيين وعزبة محسن وخورشيد ولوانى مش عارف يعنى ايه لبانين ؟ بيبيعوا لبن يعنى
الخلاصة ارى ان محدش يعاير حد وكلنا مصريين وعاوزين نحافظ على اسكندرية وعاوزين نخلى ا الريف يبقى زى اسكندرية جميل ومتحضر