السلام عليكم ورحمة الله وبركاتة ....
%% تنـــــــــــــوية :: الموضوع طوويل حبتين %%
**مرفق بالبوست صور توضح تعديات المعرض ع ممتلكات الدولة واخر صورة مكان تخزين العربيات فى حالة حدوث كبسة من البلدية ع معرض**
موضوعي هيكـــون شكوي ( مع أن الشكوى لغير الله مذله ) وتحذير من مافيــــــا معارض سوق السيارات مدينة نصر # بس ممكن تكونوا سبب فى زوال الغمـــة دى من مدينة نصر # .
أولاً : الشكـــــــــــــــــــــ ـــــــــوي ..
معظم ويمكن الغالبية العظمى من معارض سيارات مدينة نصر وصلوا لحالة من الغوغائيـــة والبلطجــة وانعدام الضمير وعدم احترام الاخرين وبالبلدى كدة اخبط دماغك فى اتخن حيطة واللى عندك اعملوا !!
لو حضرتك زائر وجاى تخلص مهمة فى مدينة نصر مش هتعرف تركن عربيتك قصاد أى معرض والرد جاهز برضة دة مكان اكل عيش ومينفعش تقفلى الواجهة كدة ع اساس برضة أنة مأجر المحل بالرصيــــــف ( و دة ع اساس الوقفة دي هية اللى هتجبلة الرزق ميعرفش أن ربنــا هوة اللى بيوزع ومقسم رزق كل واحد بس هنقول اى شوية عالم مغيبة ) ولو نشفت دماغك وركنت ممكن توصل لخناقة ويتلموا عليك .. بالنسبة لسكانى وقاطنى مدينة نصر فمحدش فيهم يعرف يركن قصاد عمارتة دة لو تحتية معرض .
طبعا تيجى تبص تلاقي محل (باكية واحدة أو اتنين) ومسمي نفسة معرض ترتانة وواخد الرصيف كلة فارش علية لايقل عن 10 عربيات ويقفل مدخل العمارة عادى ولو طال يحطتلك العربية فى قلب شقتك فى البلكونة هيحطتهالك ! وطبعا بانرات اعلانات مش تبع الحــى ارزع وعلق باحجام كبيرة وعادى وشغال وناهيــــــك بقى أنك تسمع الفاظ قذرة وسب دين وخناقات وغسيل العربيات (يوم ويوم) بخراطيم المية وظروط الشارع والرصيف عادي اكنها عزبة ابوهم وتشوف اشكال ضالة مايعلم بيها الا ربنــا ,, فين رئيس الحى طب فين البلديــة طب فين شرطة المرافق وطبعا المحافظ مش فاضلنـــــــا !! حتى ولو ربنا فتحها عليهم وعملوا حملة ازالة بيوصلهم علطوول وتلاقي اصحاب المعارض شالوا ونزلوا العربيات فى لمح البصر من الرصيف ورجعوها وراء ولا من شاف ولا من دري وتحيــــــا مصر ويبارك للحى واجهزتة المتواطئة مع مافيا معارض السيارات .
فطبعا مقدمنـــــــاش غير حلين يأما رسمي ودة ناس كتيرة ماشية فية وحبالة طويلة ومظاهرات وعملنا يأمـــــا حل تانى ومعروف طبعـــــا وهيبقى حل دامي ومفيش اسهل منة (بس لسة وقتة ماجاش) ..
نسيت اقولكوا محافظ القاهرة الفذ والموقر اعلن عن انشاء مدينة لمعارض السيارات فى طريق العين السخنة ع مساحة 30 فداناً ونقل وضم سوق السيارات لية بس طبعا تجار السيارات اعترضوا وقالوا دة وقف حال دة ع اساس اللى هما بيعملوا دلوقتى دة مش وقف حال ! وطبعا الموضوع اتدرمغ علية ولا من شاف ولا سمع ,, اصحاب المصالح والسبوبة يحكمون كالعادة ..
ثانياً : تحذيـــــــــــــــــــــ ــــــــــــــر ..
تحذيــــــــــر واجب من معرض تايجـــر تريد لتجارة السيارات الكائن فى 29 شارع أحمد الزمر , السويسري أ قبل سوق سيارات امام محطة كار جـــــاز مدينة نصر .. التحذير دة عشان اللى شايل شقي عمرة وحابب يشتري حاجة مستعملة ويجي فى الاخر يدبس فى حاجة مستعملة وتكون مغيرة حاجة أو ملعوب فى عدادها أو فابريكة وهية راشة ويضيع شقي عمرة ,, يفكــر الف مرة قبل مايشتري منهم حاجة ولازم تتفحص فى التوكيل ويكون معاك حد ثقـــــة وبيفهم جدا فى الحاجات دي . وميغروكوش البسمــة الحلوة والتعامل الراقــــــي وأنت صاحب مكان وفوق راســـــنا لأن بعد العقود والبيع لو طالوا يكسروك أو ليك حق عندهم مش هتاخد حاجة وهيتقالك اللى عندك اعملة !! موقف من مواقف (ويعتبر عينة من العينات) حصل قدامنـــــا لواحد اشتري عربية ورجع بيها تانى للمعرض وكان طالب يرجعها وياخد فلوسة ومعرفناش السبب لأنهم اخدوة جوة المعرض عشان ميعملش شوشرة وطبعا قالولوا ملكيش حاجة عندنا واضرب راسك في الحيطة العميل خرج برة المعرض وزعيق بشكل هيستري واللى مخليهم بيتكلموا بثقة كدة أن** واحد منهم اسمة امير ودة المسئول عن كل حاجة يقولك أنا عميد فى المباحث وهوة شكلة اصلا اخرة ملازم أول وهما طردوا من الشرطة ** المهم الراجل يعرف حد فى القسم بعتلة عربية بوكس بظابط بعساكرها لغاية باب المعرض وطبعا اللى كان فالقنـــــا من الصبح انة عميد مباحث ومش عارف جاب وراء أول ماشاف البوكس وانة مستعد يرجع الفلوس واهم حاجة عندة راحة العميل والراجل رجع العربية واخد فلوسة ومشي ! (واكمن العميل عارف حد فعرف يتصرف لو حد غيرة كان استعوض ربنا) وطبعا لو سايب عربيتك تتباع عندهم وحد من اللى ماسكين المعرض اتزنق فى مشوار ممكن ياخدها يخلص مشوارة ويرجع يركنها عادي جداا .. خلى بالكوا من المعرض دة * المعرض اصلا عبارة عن مجموعة شركاء مع بعض وكل العربيات اللى واقف عندهم دة مش بتاعهم دة ناس عارضة عندهم وهما ليهم نسبة من البايع والمشتري * ومن اللى شغالين فية أن كان ( أمير / أحمد / شريف / خالد ) وصبيانهم .
الخلاصـــــــــــــــــــ ـــة :
# لو هتشتري مستعمل يبقي من افراد وتوفر أنت نسبة العمولة واهم حاجة الفحص في التوكيلات لأنة هيجبلك تفاصيل عن العربية اكثر ..
# لو هتشتري جديد يكون من التوكيل أو معارض الثقــة ولازم يكون معاك حد فاهم كويس وأنت بتستلم لأننــا استلمنــــا لحد من قاريبنـــــا عربية زيرو من معرض سمير ريان وكانت راشـــة باب يمين واتباعتلنا ع انها فابريكـــــــة يعنى من الاخر متديش ثقة جامدة فى أى اسم كبير لأن وارد يضحك عليك بعد انعدام الضمير وكلة تحت بند التجارة وفهلوة وشطارة البياعين .....
#مافيا #سوق #السيارات #مدينة #نصر #الحي_العاشر #حى #مدينة_نصر #معرض #تايجر #تريد #لتجارة #السيارات #نصابين #معارض #السيارات #محطة #كار_جاز #شرطة_المرافق #محافظة_القاهرة #عربيات #مستعملة #عربيات #فابريكة #زيرو #نقل #سوق_السيارات #مقاطعة #تعديات #ع #ممتلكات #العامة #اشغالات #الطريق .