الموضوع: اجيب كرايسلر نيون ولا ستراتوس ولا ابعد عن الاتنين؟؟

المشاركة الأصلية كتبت بواسطة scaniax

بص يا استاذنا لما تكون عربية قطع غيارها ناقصة و صنايعتها غاليين و مش كتير ة هى عربية ساقطة اصلا اذا كانت هى ولا النيون و الشركة برة بتستعر منهم و حولتهم من كرايسلر لدودج اللى هى الدرجة التانية من الامريكى يبقى المفروض معدل تسعيرها السليم يكون من 30000 لحد 35000 انما تقابل نصاب يقولك 60 و نصاب تانى يقولك 45 و ده انا شايفة حرام علشان العربيات دى بقالها سنتين تلاته عايشة على التوفيق و البدايل بالتالى اداءها كعربية قل كتير عن ايام ما كانت خارجة من المصنع و تجار قطع غيارها اصلا بيقولولك بنجيب بالطلب و باقى اللابة عايشين على اى باى و بهدله طيب اديلى عقلك هل تسعيرهم ليها منطقى ؟؟؟؟و لا بينصبوا

شوف انا متفق معاك جدا فى كل حاجة بخلاف كام حاجة كدة هو انت عرفت منين ان الشركة بتستعر منهم و حولتهم من كرايسلر لدودج؟؟؟؟؟؟؟ على فكرة هى شركة واحدة دودج /كرايسلر/بليموث. اختلاف اماكن التسويق يعنى امريكا باسم دودج او بليموث و اوروبا باسم كرايسلر

بخصوص التسعير يجوز عاملها restoration و تستحق القيمة الى طلبها فعلا

قطع الغيار نادرة بخصوص الاستراتوس على الاكسسوارات , وعلى فكرة فيها موتور نفس موتور النيون الـــ2000 CC

شوف[OVERLINE] الغاوى[/OVERLINE] مش هتفرق معاة دلوئتى النت مخلاش حاجة و فى مليون موقع لقطع الغيار و الاكسسوارات

:) :)

المشاركة الأصلية كتبت بواسطة mmw100100

شوف انا متفق معاك جدا فى كل حاجة بخلاف كام حاجة كدة هو انت عرفت منين ان الشركة بتستعر منهم و حولتهم من كرايسلر لدودج؟؟؟؟؟؟؟ على فكرة هى شركة واحدة دودج /كرايسلر/بليموث. اختلاف اماكن التسويق يعنى امريكا باسم دودج او بليموث و اوروبا باسم كرايسلر

بخصوص التسعير يجوز عاملها restoration و تستحق القيمة الى طلبها فعلا

قطع الغيار نادرة بخصوص الاستراتوس على الاكسسوارات , وعلى فكرة فيها موتور نفس موتور النيون الـــ2000 CC

شوف[OVERLINE] الغاوى[/OVERLINE] مش هتفرق معاة دلوئتى النت مخلاش حاجة و فى مليون موقع لقطع الغيار و الاكسسوارات

:) :)

استاذنا الغالي احترامي الكامل لرأيك بس الريستوريشن ما يعملش تسعير اعلي خالص بالعكس و بالنسبة للعربية دي قطع غيارها برة قليلة اصلا دة غير ان كرايسلر فاكتوري سبير بارتس بيقولوا علي اخر ٢٠١٦ هنوقف تصنبع القطع خالص اما بقي بالنسبة للانترنت فاتخن موقع في العالم معندوش تابلوه واحد و الناس في امريكا بيستوردوا انصاص من كندا لعدم توافر قطع الغيار اما بقي الموتور اللي زي النيون فهو متغير و اداءه زي الزفت لان الجير بتاعه اسمه ٤٠te و ده سحبه خشن جدا و زيته غالي stf+40 و ليه بديل زيت مش نفس الكفاءه atf+4 و من الاخر برضوا سعرها زي ما وضحت لحضرتك و غير كدة نصب اه بالمناسبة كرايسلر لما العربيه بتفشل بتسميها دودج علشان الكرايسلر عربيه درجة اولي انما الدودج بتخاطب الدرجة المتوسطة من الشعب و لو دخلت علي النت و بحست هتلاقي كلامي ده شكرا كان معكم احمد من كرايسلر

المشاركة الأصلية كتبت بواسطة virse

استاذنا الغالي احترامي الكامل لرأيك بس الريستوريشن ما يعملش تسعير اعلي خالص بالعكس و بالنسبة للعربية دي قطع غيارها برة قليلة اصلا دة غير ان كرايسلر فاكتوري سبير بارتس بيقولوا علي اخر ٢٠١٦ هنوقف تصنبع القطع خالص اما بقي بالنسبة للانترنت فاتخن موقع في العالم معندوش تابلوه واحد و الناس في امريكا بيستوردوا انصاص من كندا لعدم توافر قطع الغيار اما بقي الموتور اللي زي النيون فهو متغير و اداءه زي الزفت لان الجير بتاعه اسمه ٤٠te و ده سحبه خشن جدا و زيته غالي stf+40 و ليه بديل زيت مش نفس الكفاءه atf+4 و من الاخر برضوا سعرها زي ما وضحت لحضرتك و غير كدة نصب اه بالمناسبة كرايسلر لما العربيه بتفشل بتسميها دودج علشان الكرايسلر عربيه درجة اولي انما الدودج بتخاطب الدرجة المتوسطة من الشعب و لو دخلت علي النت و بحست هتلاقي كلامي ده شكرا كان معكم احمد من كرايسلر

شكرا احمد بيك ......عندك دليل "لينك" او موقع مثلا على الكلام دة ............
""" كرايسلر لما العربيه بتفشل بتسميها دودج علشان الكرايسلر عربيه درجة اولي انما الدودج بتخاطب الدرجة المتوسطة من الشعب """"

شكرا كان معكم محمد ..... صحيح شوف كدة و قولى رايك https://en.wikipedia.org/wiki/Dodge

المشاركة الأصلية كتبت بواسطة scaniax

الاسبيرو قطع غيارها كلها متوفرة و اغلب قطع غيار العفشة هى دايو نوبيرا ولا نوس و الموتور له اوبل الايكو تك و صاجها بالهبل فى كل حته سواء رفرف او وش و الفوانيس موجوده جديد و الاشارات هتواجهك فيها حاجتين الاولى هى بطانة الابواب و دى موجوده فى بورسعيد انما فى اتر من سروجى بيكسيهم جلد و بيبقى شكلهم احلى من الفابريكة اساسا و مشط الاسبراتير الكهربا و ده لازم تجيبة استيراد اصلى علشان الصينى اللى فى السوق بيخرف و مضروب و المشط تمنه 200 جنيه مش غالى خالص

انما بقى بالنسبة للاكسارا فهى بقى كل حاجتها موجودة و رخيصة جدا بملاليم انا اول مرة اشوف مرايا كهربا ب 170 جنيه فى حياتى حتى يومنا ده و اسكاترا ب 220 جديده و ب 250 استيراد و فانوس ب 160 امامى جديد و ب 250 استيراد و عربية ثابتى و اكتر من رائعة فى الجرى كل حاجة فيها ممتازة بجد خليك فى العربيتين دول و انت تكسب

اولا شكرا لحضراتكم جدا
ثانيا انا فعلا بعد لما صرفت نظر عن الكرايسلر لاني مش حمل مصاريفها و الشحططة علي قطع الغيار و بالذات اني معايا حاليا لادا ... يعني عكس دة خالص ... قطع الغيار رخيصة و متوفرة جدا .... فبالفعل دورت زيادة و لاقيت الناس شاكرة في الاكسارا 2 و ال 1 كمان ... و كمان لاقيت ناش شاكرة في البروتون ويرا ... فبفكر في حاجة منهم
لو حد عندة اي خبرة ياريت يساعدني ... و شكرا جزيلا

و يا جماعة انا اسف اني عملت الخلاف دة ما بينكم ... الاختلاف لا يفسد للود قضية ... و لولا اختلاف الاذواق لبارت السلع ... يغني كل واحد له رأية و قناعته الشخصية

بص يا باشا

للصدف السعيده انا معايا اكسارا 2 + نيون 2000+ سي 4

للحق الاكسارا 2 من افضل السيارات اعتماديه وتوفيرا وسهوله في الاداء بشرط الحاله الجيده

ولاكن امتعهم بالنسبه لي انا النيون بلا جدال

افضلهم قوه وراحه في السفر و تحمل المشقه هي النيون 2000 مع الاداء الممتع بس مش سلل زي الباقي

نصيحه حسب كلامك هات اكسارا 2

ووجب القول ان لي تحفظات علي كلام الناس لان انا الي معايا العربيات وعارف كل حاجه الي ليهت والي عليها

المشاركة الأصلية كتبت بواسطة peter fawzy

و يا جماعة انا اسف اني عملت الخلاف دة ما بينكم ... الاختلاف لا يفسد للود قضية ... و لولا اختلاف الاذواق لبارت السلع ... يغني كل واحد له رأية و قناعته الشخصية

يا استاذ بيتر مافيش اى خلاف خالص المنتدى المحترم دة معمول علشان كلة يستفيد و العموم ربنا يوفقك فى شراء عربية كويسة

المشاركة الأصلية كتبت بواسطة mmw100100

يا استاذ بيتر مافيش اى خلاف خالص المنتدى المحترم دة معمول علشان كلة يستفيد و العموم ربنا يوفقك فى شراء عربية كويسة

طبعا شعور متبادل استاذ محمد انا اتشرفت بيك و بمشاركتك و بالنسبة للاستاذ بيتر الاكسارا ١ ارخص و احسن من ال ٢ علشان اسعار قطع غيارها احسن و ارخص انما اكسارا ٢ هى موتور ان ٧ زى البيجو ٣٠٧ و دة يلب غلوها و الجير الاوتوماتيك بتاعها رائع انما الاكسارا ١ تتركب مانيوال بس و موتورها معمر اكثر منةال ٢ و بيتحمل الحرارة العالية بس المهم قبل كل حاجة الحالة العامة