الموضوع: ما في عرايس حلوه اهه

المشاركة الأصلية كتبت بواسطة م أحمد

والدتك تعبت فيك اكيد و كفاية كنت بتعذبها و تصحيها من النوم و انت صغير على عياطك علشان تشوف انت عايز ايه

فى جواز الصالون شفت بنات مش عايز احلف بالله مش موجودين و لا على غلاف مجلة و لا ممثلة تيجى جنبهم حاجة...بس ناس محافظة على بناتها و مش عارضين و مرخصين نفسهم

و أيوة طبعا الجمال مش كل حاجة

جت معاك اوت ديه يا هندسه
بشهادة الكل بما فيهم والدتى انا اهدى طفل جه فى العائله - نادرا ما كنت بعيط (حتى وانا اقل من سنتين وده على حسب كلامهم)- مليش متطلبات - لدرجة انهم كانوا فاكرين انى مش طبيعى من كتر الهدوء اللى كنت فيه - واللى خلاهم مركزين معايا جدا ان اختى اللى اصغر منى بسنه كنت على النقيض تماما

طبعا الكلام اللى فوق ده لا يقلل من تعب وكفاح والدتى لبناء عائلتنا بكافة فروعها - الحمدد لله رب العالمين كل نجاح فى عائلتنا فى النهايه والدتى كانت هيه السبب فيه

ولكن انا بتكلم بشكل واضح وصريح - والدتى من الناحيه العمليه كانت ومازالت أم راااااااااااائعه شفاها الله وعافاها - ولكن صفات الزوجه المصريه اللى من وجهة نظرى انها كانت عند أمى بنسبة بسيطه برضو بتعكر صفو حياة كل اسره

كل زوجه وأم ليها مميزاتها وعيوبها - يعنى الزوجه المصريه الناجحه دائما تتسم بالصبر المهول على الظروف الصعبه لكن الطبيعى بتاعها انها بتنسى الابتسامه والضحكه - يزيد الانهيار شويه تبدأ تبص للى حواليها - تتنيل الدنيا شويتين تلاقيها بتقارن نفسها بجميلات التليفزيون ولبنان وتركيا وما شابه

نتكلم بصراحه - تقييمى للزوج المصرى من وجهة نظرى انه 60% بالكتير مقارنتا بأحسن زوج فى الدنيا
السؤال الزوجه المصريه كام فى الميه من احسن زوجه فى الدنيا؟؟؟؟؟؟ وياريت مننساش ان الزوجه المصريه مصنفه الاولى عالميا فى الكأبه (قرأت المعلومه ديه كتيييييييييير لكن مش متأكد من مدى جديتها)