اهم حاجة الأصل الطيب.
سيبك من الألوان والدلع اللى بتشوفه اغلبه تمثيل والله. علشان ميضحكش عليك. الأصل الأصل الأصل. وتكون مناسبة لمستواك الاجتماعى والثقافى قدر الامكان. مش محتاج اتكلم عن موضوع التدين دى حاجة مفروغ منها اكيد.
ربنا يوفقك لما فيه الخير.
عرض للطباعة
اهم حاجة الأصل الطيب.
سيبك من الألوان والدلع اللى بتشوفه اغلبه تمثيل والله. علشان ميضحكش عليك. الأصل الأصل الأصل. وتكون مناسبة لمستواك الاجتماعى والثقافى قدر الامكان. مش محتاج اتكلم عن موضوع التدين دى حاجة مفروغ منها اكيد.
ربنا يوفقك لما فيه الخير.
سرد بسيط لبعض الحقائق
الجواز بالشكل ( او بيطلق عليه القبول ) ده رقم 1 و بعد كده بيجى بعديه الاهل و المستوى و الدين و التعليم و السن
لو واحده شكلها مش اوى بتعنس حتى لو متدينة و اهلها محترمين و تعليمها كويس بص حوليك هتلاقى منهم كتير جدا علشان محدش يقول الشكل مش مهم ....
الحلوة بتتجوز بسرعه لو معندهاش مشاكل نفسيه او عضوية او اهلها رد سجون او معتقلات
الحلوة بتتجوز من مستواها او مستوى اعلى سواء علميا او ماديا او اجتماعيا
الى نص و نص شكلا او واقعه ممكن تتجوز من مستوى اقل او تشيل هيا مصاريف الجوازه كلها هيا و اهلها لو فرضنا ان حد اتقدم من اساسه
فيه بنات فيها كل حاجه اهل و تعليم و شكل و شخصيه بس نسبتهم قليله اوى و بيتخطفوا
فيه رجاله بتتغاضى عن الشكل و دى طريقة تفكير معرفتش اوصل ليها شخصيا هههه و معتقدش هوصلها فى يوم من الايام
فرص الزواج للبنات بتقل بنسبة 10...20% كل سنه تقريبا بعد ما تكسر حاجز ال24 لحد ما تتلاشى بعد ال30 لو شكلها مش حلو و لو حلوه او مقبوله بيبقى فيه نسبة 25% بتكمل معاها لحد ما توصل 35....
اف
سرد بسيط لبعض الحقائق
الجواز بالشكل ( او بيطلق عليه القبول ) ده رقم 1 و بعد كده بيجى بعديه الاهل و المستوى و الدين و التعليم و السن
لو واحده شكلها مش اوى بتعنس حتى لو متدينة و اهلها محترمين و تعليمها كويس بص حوليك هتلاقى منهم كتير جدا علشان محدش يقول الشكل مش مهم ....
الحلوة بتتجوز بسرعه لو معندهاش مشاكل نفسيه او عضوية او اهلها رد سجون او معتقلات
الحلوة بتتجوز من مستواها او مستوى اعلى سواء علميا او ماديا او اجتماعيا
الى نص و نص شكلا او واقعه ممكن تتجوز من مستوى اقل او تشيل هيا مصاريف الجوازه كلها هيا و اهلها لو فرضنا ان حد اتقدم من اساسه
فيه بنات فيها كل حاجه اهل و تعليم و شكل و شخصيه بس نسبتهم قليله اوى و بيتخطفوا
فيه رجاله بتتغاضى عن الشكل و دى طريقة تفكير معرفتش اوصل ليها شخصيا هههه و معتقدش هوصلها فى يوم من الايام
فرص الزواج للبنات بتقل بنسبة 10...20% كل سنه تقريبا بعد ما تكسر حاجز ال24 لحد ما تتلاشى بعد ال30 لو شكلها مش حلو و لو حلوه او مقبوله بيبقى فيه نسبة 25% بتكمل معاها لحد ما توصل 35....
افضل سن لزواج البنات فى رأيى 20...23 و للشباب 25...27
انا بدات ادور من سن 26 بس علشان مسافر و بدور صالونات ملقتش لحد الان 29 هههه
من ضمن 30 صالون دخلته او اقل فيه 3..4 بنات شكلها مقبول او جيد و الباقى ربنا معاهم من ضمن ال4 دول تقريبا مافيش حد فيها توافق اجتماعى و علمى ...
اغلب بنات كليات القمه مش حلوين اقل من المتوسط و الكليات الاقل من كده بيبقى عندهم وقت فراغ يتعرفوا على شباب و كده فما بتقعدش كتير فى بيتهم لو حلوه
النت و الفيس بوك سرع عمليه الارتباط و التعارف للاجيال الجديدة و الوضع اختلف عن 2008 وقت ما اتخرجت
اغلب الاهالى او الشعب المصرى عموما بقى مادى
متدورش استنى لما نصيبك يجيلك
واضح ان المشكله دي عامه و ان فعلا معظم الناس بيجي ليهم عرايس مش مقبوله شكلا
و ده نفس اللي حصل معايا و خلاني استغربت امبارح
بصراحه الموقف خلاني صعبت عليا نفسي
لأني بالمقياس العادي ممكن يتقال عليا متعايبش
و اللي بيجي في الضياع الاليم
فى الغالب فى التلقيدى او الصالونات العريس بيشوف العروسة اول مرة فى اول زيارة يعنى ما بيبقاش شافها قبل ما يدخل البيت او يرتب اللقاء و ده يخلى فيه مشكلتين رئيسيتين فى الموضوع اولهم ان الوسيط الى جايبلك العروسة هو كمان ماشافهاش و ده حصل معايا فى 50% من الحالات ....ثانيهم ان الوسيط بيبقى شاف العروسة و عارف مواصفاتك بس بيستعبط او بيعمل عبيط او بيجامل العروسة و اهلها و ده حصل معايا فى بقيه الحالات
طول ما الشخص بيروح عميانى و بيعتمد على وصف الوسطاء زى الى بيشترى عربية عميانى و بيعتمد على وصف السماسرة او البياعين ههههه فى الاخر هتلاقيها مقلوبة ولا نصين ولا مشيسه ههههه
انا مش ضد التقليدى لأن بيناسب الشخصيات الخجوله نوعا بس مش شايف مانع انى اشوف البنت من بعيد لبعيد قبل ما ادخل بيتهم او افتح حوار معاهم لأن برضه فيه بنات بتتخنق من الى شافها و مشى و ممكن ينقوا عليك هيا و اهلها او يدعوا عليك وراد جدا
فعلا دي مشكلة كبيرة بس خلي بالك الجمال بيبقي نسبي ممكن انت تشوف عروسة تقول عليها انها مش جميلة و غيرك يشوفها جميلة والعكس صحيح ...
أنا برضه في نفس مشكلتك انا شفت عرايس كتير و اللي فعلا كانت جميلة بالنسبة لي كان مستواها المادي أعلي مني بكتير وده اللي خلاني أرفض ..... والحقيقة بدأت أزهق ووالدتي كمان زهقت مني بسبب كتر المشاوير دي بدون نتيجة ........ بس أرجع أقول الجواز قسمة و نصيب و العزوبية أرحم من اني اتجوز واحدة انا مش مقتنع بيها ......
جضرتك بتقول بلاش نحط الجمال في المرتبه الاولي..طب سؤال وجاوب بصراحه؟؟
لو وجدت انسانه متعلمه ومثقفه ومن اسره محترمه وست بيت شاطره ولكن جمالها متواضع جدا . هل هتقبل بيها؟؟؟؟؟؟
ممكن الافضل اننا نقول ان بلاش الجمال يكون المقياس الاوحد.. يعني برده مع الجمال لازم تكون البنت من اسره محترمه ومتعلمه بدرجه كويسه ودماغها مش فاضيه ومتدينه وتراعي ربنا وهاديه ومطيعه وست بيت شاطره ومش نكديه وكريمه
لو لقيت الجمال مع اغلب الصفات دي يبقي تدوس علطول
شوف حضرتك انا هاقولك على كام حاجه كده وبعدها هاجاوب على سؤالك
انا ابتدت علاقتى الفعليه بالارتباط وما شابه وانا عندى 17 سنه - الدنيا كلها بالنسبه ليه كانت مبنيه على حاجه واحده بس - أجمل بنت فى الشله تبقى بتاعتى - اى بنت مش حلوه وشيك وستايل كنت بنفض لها تماما - كان عندى مبدأ ان زوجتى لازم تكون جميله جداااااااااااااا وده ليه ؟؟؟؟؟ علشان لما اصحى الصبح محسش ان واحد صاحبى نايم جنبى
بالمناسبه انا مش من الرجاله اللى بتتباهى بالحريم اللى معاها - بالعكس انا كنت مقضى فتره محترمه فى حياتى خناقات ومشاكل بسبب البنات اللى معايا وان فيه حد بص لهم - بمنتهى البساطه انا شرقى وغيور حتى النخاع
وانتهت الفتره ديه نهايه مأساويه بدون دخول فى تفاصيل
انا تقريبا داخل على 40 سنه وهاجاوبك بمنتهى الصدق
والله والله والله والله لو لاقيت واحده بالمواصفات اللى ما عدا اخر كلمه (اللى هيه كريمه) لأنى مش فاهم معناها هاتزوجها بدون تفكير وهاكون اسعد انسان فى الدنيا
الزوجه رزق - والرزق ده كذا حاجه فى الاول بتفكر فى الجمال والجسم بس - وبعدها كله بيبقى بلح - بيتبقى لك يا برنس الاخلاق والطباع والتربيه وانها توقف معاك وتحافظ عليك وعلى بيتك
يا معلم اللى يقولك ان الراجل هو اساس البيت صدقنى ده بيضحك عليك - الزوجه هيه اساس البيت - الاساس مش مهم يكون حلو قد ما يكون قوى ويعتمد عليه - لكن كل ما كان الاساس حلو عمرنا ما هانقول لأ - المهم يبقى متين وقوى