الأحوال الجوية : ايه حكاية الطقس دة

احنا في الاسبوع الاول من شهر 9 ونهاية شهر الصيف

الجو الاصفر والتراب ده .. متعودين عليه في الربيع شهر 3 و 4 و 5 .. وبيحصل مرتين تلاته بس

السنة دي الجو الاصفر حصل في اوقات مش متعودين عليها .. زي شهر 1 اللي فات كنا في الشتا
وخلال الشهور الماضيه حصل حجات غريبه كتير مش متعودين عليها ولا وقتها

الايام دي نفس الحكايه .. الجو اصفر .. وده مش بيحصل خالص في الوقت ده

وفي اخبار عالميه اتنشرت على bbc بتقول ان الشتاء القادم هيكون اسوء شتاء من 30 سنه

وبنفس الوقت " وحيد سعودي " بتاع الارصاد الجويه بينفي ده .. بس انا مش واثق في كلامه اوي

لأنه ماجبش سيرة الجو الاصفر ده ولا لمح ليه وبيقول ان الايام دي الجو طبيعي زي كل سنه .

وانا شايف ان الجو مش طبيعي ومش زي كل سنه .

المناخ بصفه عامه بيتغير للاسوء سواء صيفى او شتوى احنا فسدنا الارض كتير غازات واحتباس حرارى وثقب الاوزون ومخلفات بترمى فى الماء الخ ولسه موضوع زوبان القطبين فى اعتقادى انه خلال ال50 سنه القادميه حيكون المناخ كارثى وممكن يرجعنا للعصور الوسطى
ظهر الفساد فى البر والبحر بما کسبت ایدی الناس

في مصر اصبح طبيعي انك تشوف الفصول اﻻربعه في نفس اليوم

مين اللى قال ان الجو وحش فى مصر - اللى قال كده اخوان

اصدقائى المقيمين بالسعوديه منزلين على الفيس صور غريبه جدااااااااااااا - انعدام الرؤيه بسبب العواصف الترابيه
ربنا يسترها علينا
بغض النظر عن المعلومات والتحليل اللى بتنتج من هيئات الارصاد المحليه والعالميه - انا متأكد ان الجو فى مصر بيزداد سوءا كل فتره وده احساسى الشخصى من سنة 1990 وحتى الان - فى اعتقادى ان شهر اغسطس اللى فات انا مشوفتوش قبل كده

"الأرصاد": انخفاض حدة الظاهرة الترابية غداً.. وتوقعات بسقوط أمطار الجمعة |اليوم السابع

الكــــــــيــــمــــتريل
على الشرق الاوسط كلة

اقتباس:

---

المشاركة الأصلية كتبت بواسطة zarif

الكــــــــيــــمــــتريل
على الشرق الاوسط كلة

---

- جيبت منين الكلام الكبير ده يا كبيير.

- مفيش تفاؤل ولا تشاؤم فى الاسلام.

- كميه تَطير فى الردود مشفتش زيها قبل كده.

- واحد يقولك أصل الجو ده أنا مشفتش زيه قبل كده؛ وبقى العادى والطبيعى نشوف الفصول الأربعه فى يوم واحد!!!!!

- والتانى يقولك ظهر الفساد بما كسبت أيدى الناس والتالت يقولك ده عشان الإرهابيين.

+ الإنسان إللى بيعتمد على التفاؤل والتشاؤم بحيث يجعل لهما سلطانا على نفسه فقد اوى الى وهم ورَكن الى سراب وضل السبيل.

تفاءلوا بالخير تجدوه

اقتباس:

---

المشاركة الأصلية كتبت بواسطة moha sasa

- جيبت منين الكلام الكبير ده يا كبيير.

---

سيرش شوية وانت هتعرف كل حاجة

اقتباس:

---

المشاركة الأصلية كتبت بواسطة zarif

سيرش شوية وانت هتعرف كل حاجة

---

- تمام. ده اسمه التحكم فى الطقس.

بص يا سيدى فى تغير مناخى طبيعى الى هو ان الشتاء بتاعنا يبقى اقل حراره مع الوقت ليه عشان منخفض جوى كان فى جنوب ايطاليا بيتحرك على عشرات السنين و بدا يوصل مصر و هيبقى مناخنا شتاء زى جنوب ايطاليا زمان بينما هما هيرتفع عندهم الحراره الصيف بقى فالاختباس الحرارى نتائجه اضعاف على الدول الغير صناعية مش بتطلع دخان و ثانى اكسيد الكربون ضيف على ده الجو الصحراوى المحيط بالمنطقه هتعرف ليه بقى اسوء و هيفضل يبقى اسوء و الحمد لله على كل شىء

و اه العاصفه الترابيه على الشرق الاوسط او معظمه

- الفرق بين ظاهرة النينيو و النينا.

- المصدر:-

https://ar.wikipedia.org/wiki/%D8%A5...86%D9%8A%D9%88