الموضوع: كيفية تغيير و تشغيل و حدة البلوتووث في الباسات b6

بسم الله الرحمن الرحيم

نظرا لتعدد الإستفسارات عن موضوع تغيير وحدة البلوتووث القديمة بأخرى جديده لتتمكن من التعامل مع أجهزة المحمول الذكية و الجيل الجديد من البلوتووث فقد قمت بعمل هذا الموضوع البسيط لشرح كيفية القيام بهذه المهمه بنفسنا و دون الذهاب للتوكيل

دي صور توضح عدم توافق الوحدة القديمة مع اجهزة المحمول الذكية (الجيل الجديد من البلوتووث)

أيضا أوضح هنا ان هذا الموضوع للساده أصحاب السيارات المجهزه أصلا بوحدة بلوتووث (التوب لاين او الكومفورت لاين)

أولا: عملية شراء الوحدة المناسبة:

سواء حتشتري من الحرفيين او اي إعلان ع النت او من ال Ebay لازم تخلي بالك من:

1-تاريخ الإنتاج حتلاقي مطبوع 3 احرف NGD و تحتها مثلا 10/15 ده معناه ان الوحده اتصنعت في الإسبوع رقم 10 من سنة 2015

2- رقم القطعة او part number و آخر إصدار في السوق رقمه 3c8035730E

3- موديلها لأن في إثنين موديل 1- العادي9w2 or 9w3 2- البريميم 9w7 و الفرق ان البريميم فيها مميزات متعدده مثل تحميل الكونتاكت على الشاشة و امكانية التعامل مع التليفون من خلال شاشة اللمس و الرسائل و الطلب السريع و خلافه

و هنا في موضوع مهم لازم تاخد بلك منه لو اشتريت من على ال Ebay و هو انك لازم تقول للبايع يطبعالكام صفحة اللي في الربط ده

http://www.myturbodiesel.com/wiki/bluetooth-9w7-module-voice-control-retrofit-swap-install-and-faq/

هما حوالي 9 صفحات و يحطهم مع الوحده قبل ما يشحن و ده علشان الجمارك المصرية لو ما شفتش الورق ده حتحول الوحده للعرض على وزارة الإتصالات و ابقى قابلني عقبال ما تستلم الوحده

ثانيا:- تركيب الوحدة: مكان الوحدة تحت مقعد الراكب الأمامي داخل صندوق مصنوع من الفل (الفووم)

1- قم بإطفاء المحرك و سحب المفتاح من الكونتاكت

2- تقوم بترجيع الكرسي للأخر مع رفع المقعد إلى أعلى درجة ممكنه و سوف ترى الصندوق امامك مباشرة

3- للصندوق الفل طرف (لسان) تثبيت داخل جسم السيارة و لإخراج هذا اللسان يجب الضغط برفق ناحية الخارج (إتجاهك) مع سحب برفق حتى لاينكسر اللسان

4- بعد خروج اللسان تقوم بسحب الصندوق و إخراجه من مكانه بهدوء

5- يوجد عدد 2 كابل : الأول كابل الداتا السميك و له راس تشبه المشبك بداخلها قفل لونه ابيض و علشان نفك الكابل نضغط برفق على زر بلاستيك ضغير مشرشر و نقوم بتحريك القفل الأبيض ثم نسحب الكابل من مكانه ز الثاني: كابل الإريل GSM و لونه موف و نفس الموضوع نضغط بمفك تست على زرار البلاستيك الى اسفل و نسحب الكابل

6- نقوم بتوصيل الكابلين السابق ذكرهما بالوحدة الجديدة

7- نقوم بإدخال الوحدة الجديدة داخل الصندوق الفوم و نرجعها مكانها اسفل المقعد و نتأكد من إدخال اللسان برفق إلى مكانه

8- نقوم بإعادة المقعد الى مكانه الطبيعي

ثالثا: تشغيل الوحدة:

1- نقوم بتشغيل محرك السيارة

2- قم بتشغيل خاصية البلوتووث في هاتفك الذكي

3- نضغط على زرار التليفون في الطارة متعددة المهام

4- نختار مستخدم جديد new user


5- سوف تقوم الوحدة الجديدة بالبحث عن الهواتف المتاحة

6- قم باختيار هاتفك من القائمة

7- اضغط OK لقبول كلمة السر password

8- سوف يظهر لك اسم التليفون و الشبكة على الشاشة أمامك




تم بحمد الله

المشاركة الأصلية كتبت بواسطة modybasha

لو سمحت انا عربيتى الفئة الثانية - الكاسيت العادى وعايز اركب بلوتوث اعمل ايه

في 3 حلول

1- التوكيل و ده طبعا غالي جدا (حوالي 5000 الاف جنيه للبريميم ...ممكن تسألهم على العادية هي تقريبا نص التمن)
2- انك تركب حاجة من السوق زي ما احد الزملاء قالك عند كلاريون او السجان و خلافهم و دول غالبا حايشيلوا الكاسيت القديم و يحطولك كاسيت جديد باللمس و فيه البلوتوث بتاعه (ثمنه في حدود 3 الاف)
3- ان حضرتك تشتري و حدة البلوتووث كاملة من بره مصر و تركبها هنا و انا كنت بعتللك الربط في الموضوع اللي حضرتك عملته ( ثمنها 300 دولار تقريبا بالشحن) + 200 -300 جنيه جمارك + التركيب