مراتك ...ولا ...شغلك....(منقول)

**Abdelrahman** · 19-11-2008 07:11 PM

مراتك.......ولا.....شغلك !!!!!!!!!!!! !!!!!

(الجواب تحت)

كل نساء العالم يتهمن أزواجهم إنهم بيحبو الشغل أكثر منهم

وأنا بالأصالة عن نفسي ونيابة عن الرجال أعترف بأن هذا صحيح ............صحيح ...... صحيح ليه.....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل:

أولا .........الشغل بيصرف عليّ .... بس أنا اللي باصرف عليها!!!

ثانيا........في الشغل ممكن تزعق براحتك و زعيقك يجيب نتيجة...

مع مراتك صعب انك تزعق براحتك ومهما زعقت مش هيجيب نتيجة ...

ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك

أنما تزوغ من مراتك .. هيهات ..أنسى …..

رابعا ........في الشغل عندك مدير ممكن ترضيه لو اشتغلت كويس ....

إنما مراتك لو عملت قرد .. حمار .. أي حاجة مش ممكن ترضيها !!!

خامسا.......في الشغل من حقك تاخد أجازه....عندك عارض واعتيادي

دا غير يوم الجمعة....والعطلات الرسمية.....بصراحة الشغل خفيف ع القلب.....

إنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار أهلك مالوش ملامح......!!!!

سادسا .......في الشغل ممكن تترقى و تاخد منصب بيه....وباشا كمان ويبقى لك مكتب لوحدك .... و مراسل......و سكرتيره خاصة …. والكل يضرب لك تعظيم سلام....
في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج........... ولما تعجز... تقولك.....يا بركه

سابعا ......في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....

أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش

ثامنا.........ممكن تغير شغلك وتتنقل لغيره لو لقيت شغل أحسن منه...... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........

تاسعا......في الشغل...متأمن عليك عشان لو حصل لك حاجه...... ولو حصل لك حاجه......مراتك هي اللي هاتقبض التأمين

في النهاية ... بتحب مين أكتر...مراتك ولا شغلك ؟؟

أكيد مراتك ... أحسن يقع الإيميل ده في إيدها .. تبقى مصيبة

**moh_kamal67** · 20-11-2008 12:35 AM

لو سعيد فى شغلك يبقى شغلك
لو سعيد مع مراتك تبقى مراتك
لو سعيد مع اولادك يبقى اولادك
لو سعيد مع اصحابك يبقى اصحابك
لو سعيد مع اخواتك يبقى اخواتك
لو سعيد مع عيلتك تبقى عيلتك
لو سعيد مع امك وابوك يبقى امك وابوك
لو سعيد ...... يبقى اللى انت سعيد فيه
الانسان يحب اللى بيريحه ، اللى بيهتم بيه اللى بيقدره اللى بيخاف عليه
بيدور عليه وبيكون هوة اختياره
وبيبعد عن المجهول واللى بيزعجه وينرفزه ويعصبه او حتى يختلف معه فى الرأى
بيبعد عن وجع الدماغ ووجع النفسية ووجع القلب عامة
ده حتى انت بتكره عربيتك لو عملت فصل يضايقك او يعكر مزاجك
تحياتى لك والظاهر فعلا انك مستريح فى الشغل ومع المدام

**aif** · 20-11-2008 02:26 PM

المشاركة الأصلية كتبت بواسطة moh_kamal67

لو سعيد فى شغلك يبقى شغلك
لو سعيد مع مراتك تبقى مراتك
لو سعيد مع اولادك يبقى اولادك
لو سعيد مع اصحابك يبقى اصحابك
لو سعيد مع اخواتك يبقى اخواتك
لو سعيد مع عيلتك تبقى عيلتك
لو سعيد مع امك وابوك يبقى امك وابوك
لو سعيد ...... يبقى اللى انت سعيد فيه

مين سعيد ده ؟؟؟؟؟؟

**brown-eyes** · 20-11-2008 05:50 PM

سعيد ده واحد واقف بعيد كلنا عايزين نوصله

**Abdelrahman** · 20-11-2008 05:55 PM

آسف نسيت أعرفكوا بنفسي...............أنا سعيد

**brown-eyes** · 20-11-2008 06:34 PM

المشاركة الأصلية كتبت بواسطة Abdelrahman

آسف نسيت أعرفكوا بنفسي...............أنا سعيد

ههههههههههههههههههههههه
طب و واقف بعيد ليه

**moh_kamal67** · 20-11-2008 10:37 PM

سعيد ده ليس شخص او اسم على حسب ما تعلمنا فى النحو سنة 1972 اى سنة ثانية ابتدائى
بل هو حال او صفة على حسب ما تعلمنا فى النحو سنة 1974 فى رابعة ابتدائى
ولم يذكر فى كتاب محاسبة الشركات للخطيب ولا حتى المحاسبة العامة للجزار
والجزار ليس هو الجزار اللى تحت بيتنا فى العباسية ده كبير دكاترة المحاسبة فى الوطن العربى
وليس دكتور سنان ولا اطفال زى ما بيفتكر القارئ ، بل هو من تخطى الماجيستير والدكتوراه الى ان وصل الى استاذ فى زمن كان فيه السعيد اغلبية
ولم يدخل المنتدى ليرى ما وصلت اليه اللغة ، ولا حتى عرف يعرب
وطارقٍِِِِ يطرق الباب(بكسر القاف)
وتترجم بالانجليزية :
If you are happy with your work ' it's your work
or else
your Wife