مشوارى مع تجديد رخصة السياره فى ساعه واحده- وخدمة فورى
مساء الفل عليكم جميعا
المفترض رخصة سيارتى تخلص 5 سبتمبرالحالى.
وتصريح سيارة مراتى يخلص فى شهر أكتوبر المقبل.
اليوم روحت جددت رخصة سيارتى فى ساعه واحده فقط
وحبيت اعرض عليكم تجربتين للاستفاده
انا طلبت شهادة المخالفات عن طريق موقع نيابة المرور وجاتلى فى 48 ساعه.
وروحت النهارده فحصت ودفعت الضريبه - فى منتهى الدلع - وكان لسه بيفتحو شباك المخالفات لما الباشا وكيل النيابه وصل- وانا كنت باستلم رخصتى الجديده وخارج.
قولت اسال على خدمة فورى علشان اعمل عربية مراتى - موظف شباك فورى غمزلى وقالى اسال الاستاذ ده!!!
سالت البيه، قالى تدفع مخالفه وضريبه وتامين اجبارى - وبعدين تطلب توصيل الرخصه للمنزل
يقومو باعتينلك تصريح 3 شهور:mad2: وبرضه هتروح المرور علشان تغيره
فريح نفسك واعمل مشوار واحد وخلص بنفسك من المرور.
الخلاصه
خدمة دفع المخالفات من موقع نيابات المرور افضل وانجزت معايا زى الفل.
فورى الناس زعلانه منها هناك وانا مش ناوى اقرب لهة.
بالتوفيق جميعا.