الجيل الجديد من هيونداى إلنترا 2016 ينطلق فى كوريا (صور)

**Hosam_Optrawy** · 11-09-2015 10:30 PM

**hesham fawzy h** · 12-09-2015 05:23 AM

**aymanshebl** · 12-09-2015 11:50 AM

جميلة جدا واخدة كتير من الاوروبى فى الشكل

**Hosam_Optrawy** · 12-09-2015 04:52 PM

المشاركة الأصلية كتبت بواسطة borio1704

شكرا جزيلا على التقرير...

واضح جدا إن العربية معمولة على نفس قاعدة عجلات الشكل القديم.. إذا ما كانش نفس الشاسيه

عموما.. يبدو إن دي سياسة هيونداي ( واتوقع كيا كمان ) خلال ال5 سنين الجاية.. يعني مش هنشوف تغييرات جذرية على المستوى الميكانيكي أو في جسم السيارة.. إنما أتوقع تغييرات كبيرة في مستوى التكنولوجيا والإلكترونيات..

والمفترض كده إن الأسعار ما تزيدش.. ده المفروض تقل لإن تكاليف التطوير قلت كتير.

كده الواحد اتطمن إن السيراتو بشكلها الحالي عايشة معانا كمان 5 سنين.

...

مظبوط ياهندسه نفس قاعدة العجلات لكن التطور في الجديده ان 53 % منها مصنوع من الصلب المقوى ، بزياده 32 % مقارنة بالحاليه ، دا معناه ان القديمه كان الصلب فيها حوالى 40 % تقريبا

الوزن هو هو

وحسنوا شويه العزل وتقليل الضوضاء

الايروداينمكس ومقاومة الهوا بقت أفضل بفضل التصميم الجديد وبقى 0.27 Cd بدل 0.28

مع بعض الأوبشنز الجديده ووسائل الأمان اللى طبعا مستحيل نشوفها في مصر

بالنسبه للموتور ففي علامة إستفهام بالنسبالى

الموتور ال 1600 المعلن عنه لحد دلوقتى بالنسبه للإلنترا هو GDi بقوة 132 حصان 161 نيوتن

الموتور دا أول مانزل كان 140 حصان 167 نيوتن ، ولما نزل في أوروبا بقى 135 حصان 165

دلوقتى بقت هيونداى بتقول عليه 132 حصان ، بغض النظر عن أسباب تنزيل الهورس باور في الموتور ، دا معناه ان بنسبه كبيره الموتور الموجود حاليا MPi ال 130 حصان هاينزل هو كمان ، او يعملوا الصح وينزلوا في كل الدول ال GDi ال 132 الجديد دا

بالنسبه للسيراتو ففعلا لسه قاعده معانا شويه حلوين ، لسه ال FaceLift وفى الغالب مابيكونش تغيير كبير وبعده سنتين تلاته على ماينزل جيل جديد