فااااااااااااار

**4fun14** · 13-09-2015 02:33 PM

الفيران بقت محصنة فعلا
اخر فار طلعلى كسرلى المصيده واكل الاكل بالسم ومجرالهوش حاجه..جبتله قطه قعدوا يلعبوا سوا وكان بيجرى القطه قدامه ابن اللذينا
اكلته اسمنت وحطيتله طبق مياه عشان احنطه..اتغذى ع الاسمنت ومعطشش تقريبا وكل يوم الاقى البيت مدغدغهولى
فضلت ادعى عليه لغايه ماختفى مش عارف راح فين

**volociximab** · 13-09-2015 02:50 PM

8هههههههههههههه
السمك ليه تأثير عنيف على الفار
مصيدة و بقايا سمك ..الفار مش هيقاوم و هتلاقيه مشرف فيها

**michohat** · 13-09-2015 04:07 PM

حضرتك بتقول ان مكان الفار محدد في الشقه في غرفه لو امكن تعزل الغرفه دي وتقفل منافذها عن الشقه كلها وتشيل منها اي حاجه ممكن تبقى اكل وشرب
و هتحط اكل في مصيده وتسيبها ف الغرفه
و اكل تاني من غير سم بره المصيده (سمك او بقايا سمك ) و علبه صغيره فيها مياه (وهنا هنحط السم ) وتتقلها ب زلطه او حاجه علشان لو نط فوقها او لعب حواليها مش تتقلب
في سم بيتباع عند محلات المبيدات شكله شكل السمسم المحروق في اكياس بلاستك صغيره يادوبك كام حبايه الكيس ده يتحط على المياه
واقفل الغرفه عليه يومين ثلاثه وهو هياكل السمك وهيعطش ولما يشرب هيموت في مكانه

**volociximab** · 13-09-2015 05:48 PM

السم خطر جدا على الاطفال -سم الفيران قااااتل خصوصا السم الاسود المسمى فوسفيد الزنك
يا باشا احنا وراء بيتنا غيط و الطريقة مجربة
بقايا سمك جوه المصيدة(مش بعيد تلاقى اكتر من فار فى المصيدة) لكن اى اكل تانى ممكن الفار يتقمص و يمشى

**amr011111** · 15-09-2015 08:39 AM

مصيده مع لانشون هتلاقيه فيها بعد فتره بسيطه ولو سمك يبقى افضل

**A_AMR_86** · 16-09-2015 12:10 PM

انا اتحطيت ف الموقف دة قبل كدة

ومعلومة مهمة لازم تعمل حسابك عليها
ان الفار كائن ذكى جدا انا كنت بتكلم مع واحد دكتور بيطرى وفاتح صيدلية بيطرية وبيبيع سم فران
فكان بيقولى ان الفار ذكى يعنى مينفعش مثلا تحطلة سم ف نص الغرفة او ف مكان واضح
ان السم لازم يتحط ف حتة مستخبية جدا ويكون متغطى ويا سلام لو علية شوية كراكيب صغيرة مثلا جرنال
علشان اولا الفار لما بييجى ياكل مش بياكل ف حتة واضحة او جسمة مكشوف وكمان من طبيعتة انة بيحب يكركب ويدور ويستخدم رجلة ويدور وبعدين يلاقى الاكل

دة لو حبيت تستخدم سم الفران

بس طبعا زى باقى الاعضاء الافاضل ما قالو
الحل الاسرع هو المواجهة
1- تحدد اقامتة
2- تلبس جزمة قوية وبنطلون جينس ( عندك انتر فيو مع الفار)
3- مساحتك ف ايدك مطوتك ف جيبك
4- الثقة بالنفس ان داخل مش هتطلع الا وانت مطلعة برة الشقة او مموتة
5- تدخل الغرفة وتقفل الباب
6- قدامك حلين انك تموتة او تهربة بره الشقة لو عاوز تهربة بره الشقه هتفتح الشباك علشان من المواجهة يخاف ويهرب

نسيت حاجة مهمة انك حاول تعرف الفار دة بيدخل ازاى

هل مثلا من الشبابيك الخارجية
بس غلبا بيدخل من المنور
فعليك انك تركب سلك صلب على الشفاط من المنور
وسلك صلب لشباك المنور وممكن يكون بيدخل من صرف الغسالة مثلا

النصر يا بطل

**wmz** · 18-09-2015 08:01 PM

العهدة علي الراوي

طريقة مبتكرة تخلص منزلكِ من الفئران تماماً | المصري اليوم

**volociximab** · 18-09-2015 09:39 PM

الفار اتعمل عليه موضوع اكثر من 800 مشاهده

كان عند جدتى قط و كان بيطارد فار
الفار نط من الدور التالت

و القط وراه ههههههههههههههههههه

**ehabouf** · 19-09-2015 10:04 AM

افضل حل الغلة (راكومين) من عند مديرية امن القاهرة عبارة عن قمح متغطي بمادة بتسبب سيولة للدم في الفار وبيموت بعد ماياكله ب 3 ايام
حط الكيس كله (علشان ياكل ويشبع) في اي مكان متدار (فوق الدولاب مثلاً) وهو حاعرف يوصله بطريقته