فااااااااااااار

**khaloooda** · 11-09-2015 11:03 PM

سؤال لو سمحتو يا جماعة
مشكلة تبدو بسيطة وهايفة لكن مؤرقة جداااا

عندي في البيت فار
حاولت اصطياده بكل الطرق اللي تتخيلوها
دورت عالنت
سألت ناس كتير
جربت طرق تقليدية ووصفات عطارين
مصيدة - لزق - سم - رش من شركات الرش ..... الخ
مفيييييييييييش فايدة

سمعت عن جهاز صغير كده زي جهاز الناموس بيعمل بالموجات فوق الصوتية اللي لا يتحملها الفار ولا يشعر بها الانسان فيسارع الفار بالهروب
حد يعرف اجيبه منين
او يعرف طريقة غير الطرق العادية او المنتشرة عالنت او بين الناس ينصحني بيها

القرف كله ان عندي طفل صغير بيحبي وخايف عليه
غير ان الفار من اكبر عوائل الامراض ... بيحمل وينقل كم من الامراض والبكتريا غير عادي

؟؟؟؟؟؟؟؟

**طارق _عبد السلام** · 11-09-2015 11:34 PM

شوف المشكله دى حصلت عندى من فتره وفعلا كان عامل قلق في البيت واكل سجاجيد وبوظ الغساله..

فحاولت بكل الطرق الطريقه الوحيده الفعاله.... كانت المواجهه :) العصايه مش هتنفع نهائى... الحل الوحيد تتسلح بشوذ... تشوف عندك حذاء جلد يكون برقبه او عادى وتلبسه وفى اثناء هروب الباشا وراه بالقدم .. الموضوع هيكون سهل جدا لو عرفت مكانه في المطبخ مثلا او في حجره واقفل عليكم الباب واتعامل معاه هتجيبه يعنى هتجيبه...... انا نجحت مع تلاته.. بالطريقه دى.......... لكن الجهاز مش فعال... فيه حاجه اسمها لصقه الفئران في الصيدليه لكن بتنجح مع الحجم الصغير..... والمصيده انت وحظك

**nilmaster** · 12-09-2015 12:03 AM

السؤال هل انتم محددين مكانه يعنى لو فى مطبخ اقفل باب المطبخ باستمرار عشان تحدد اقامته
لو فى المطلخ غالبا بيبقى تحت البوتاجاز او تحت الثلاجة
هات جبنه رومى وحط عليها سم فران وحطها فى ورقه على الارض
احنا عانينا من الموضوع دة ورسيت على انى جبت لزقه قويه جاططها على الارض تانى يوم لاقيته ملزوق بيطلع فى النفس

**dede_dodo88** · 12-09-2015 12:14 AM

للأسف مهياش مشكلة بسيطة لأنك بتتعامل مع كائن ذكي و كل الطرق التقليدية من مصيدة و سم او لازقة بقوا نادراً ما بيخدعوا الفار..
حصلت مرة عندي من كام سنة في المطبخ و كل الطرق فشلت فمكنش في سبيل غير المواجهة و الموضوع كان صعب جداً بسبب كترة الكراكيب في المطبخ, بس المهمة نجحت بعد كام ساعة من المطاردات المستمرة..
الله معك..

**volociximab** · 12-09-2015 01:33 AM

السم اخطر على الطفل من الفار
الحل هو المطاردة و لازم جزمتك تكون جامدة لان الفيران بتعض

**khaloooda** · 12-09-2015 01:54 AM

انا عارف الاوضة اللي هو فيها لكنه مش بيطلع من مخبئه الا بمزاجه
تخبط .. تكركب.. تعمل عفريت
مفيش فايده

**wawamoha** · 12-09-2015 02:10 AM

المواجهة لازم 2 عل الاقل ...واحد ينكش وراه و التاني يصطاد و يا سلام لو 3 للتغطية .....
المصيده فعاله لو حطيت فيها الاتي :
راس سمكه
2- او جناح فرخه مشوي ....
3- لازم تكون الامصيده جديده او مغسوله ماماتش فيها فار قبل كده

**J A G U A R** · 12-09-2015 02:11 AM

حاول تدخله ف اوضه فاضيه او البلكونه عشان ميهربش ف حاجه وافضل وراه بالعصايا على دماغه لغايه ما تجيب اجله .. دي طريقتي معاه وربنا يوفقك عشان ده كائن مؤذي جدا