ايه المشكله في الزواج من واحده عنها 19 سنه؟؟؟

**medosalah** · 12-09-2015 04:41 AM

طبعا انا بعتبر المنتدي بيتي التاني وعندي حوار عايز اخد رايكم فيه

اولا انا الفتره اللي فاتت بدور علي عروسه.. الموضوع بقه ان في واحده قريبتي تقريبا فيها كل الصفات اللي انا بحلم بيها

مستوي جمال عالي.. مستوي اجتماعي محترم.. اهلها ناس محترمين جدا وطبعا قرايبي فانا اقدر اقيم الموضوع كويس .. العلاقه بينا وبنهم كويسه جدا .. البنت علي خلق .. ومحترمهمه ومحتشمه وعلي قدر كويس من التدين

المشكله بقي هو السن.. خهي سنها صغير شويه 19 سنه

فكنت عايز اعرف ارائكم وخبراتكم لو في حد خاض تجربه زي دي

من الناحيه الطبيه والفسيولوجيه انا عارف كويس ان ما فيش اي مشاكل بالنسبه للجواز او الخلفه
البنت بتبلغ عند سن 11 سنه وتبقي قادره علي الزواج من سن 18 سنه او قبل كده بسنتين كمان

بس المشكله في انها لسه اولي جامعه.. وانا لو عقدت النيه وخطبتها هيكون الزواج خلال سنه ان شاء الله
وهتكمل دراستها معايا عادي
هل كده انا هحرمها من انها تعيش حياتها وتعيش حياه الجامعه وكده..

مبدايا نا عندي 25 سنه

والمشكله التانيه اني لما اقدم علي الموضوع واكلم اهلها فده مش هيبقي هزار.. ول حصل مشاكل هكون السبب في خلافف في العيله .. علشان كده لم المح او اتكلم اطلاقا في الموضوع الا لما اكون متاكد ميه في الميه ودارس كل جوانب الموضوع

سعات بقول لنفسي اني ادي لنفسي فرصه وابحث شويه خارج العائله بس في نفس الوقت صعب الواحد يلاقي حد مناسب بسهوله وكمان لو اتاخرت شويه في الغالب البنت ممكن اي حد تاني يخطبها واكون خسرت كتيير .. برده اللي تعرفه احسن من اللي ماتعرفوش

ايه رايكم .. وايه تجاربكم بخصوص سن الجواز الصغير للفتاه

**ESO101** · 12-09-2015 04:55 AM

مناسبة لسنك ومش صغيرة طالما تخطت 18 سنة
الفرق بينكم مش كبير
تقدم لها .. وإعمل اللي عليك .. وهيا تقرر لو عايزة ترتبط حاليًا أو لاء
ربنا يتمملك على خير

**hesham fawzy h** · 12-09-2015 05:04 AM

عادى جدا .. وفرق السن مش كبير

بس جس نبضها هى الاول

و خلى بالك من جواز الاقرايب فى الخلفة .. فممكن تحللو الاول

**wawamoha** · 12-09-2015 08:29 AM

ما فيش فرق في السن اساسا .....اعتقد كده مناسب جداااااااااااا
صلي استخاره ...و اتقدم رسمي - ادخل البيت من بابه .....زز او عل الاقل ابعت اختك او والدتك او خالتك تجس نبض ام العروسه و العروسه ... بس اللي تبعته يكون حكيم ....... مش طايش و بتاع و ماله ما كله محصل بعضه ....

**ahmedsrs** · 12-09-2015 08:38 AM

بلاش زواج الاقارب مشاكلة اكتر من نفعه

**عبدالله برعى** · 12-09-2015 11:19 AM

ابعد عن السن دا... نصيحة مشاكلة كتير وغير معمر ولو عمر يبقي علشان العيال....وكمان ابعد عن القرايب الميزة الوحيدة انها جميلة.. بس. والجمال بعد الزواج بيثبت بالروح والتعامل...

**طارق _عبد السلام** · 12-09-2015 01:18 PM

سنها مناسب .. عايزين نقول مبروك

**medosalah** · 12-09-2015 02:59 PM

المشاركة الأصلية كتبت بواسطة hesham fawzy h

عادى جدا .. وفرق السن مش كبير

بس جس نبضها هى الاول

و خلى بالك من جواز الاقرايب فى الخلفة .. فممكن تحللو الاول

كلام سليم.. انا فاهم وعارف ايه المشاكل اللي ممكن تحصل واكيد هنحلل لنتاكد من عدم وجودها

وكمان هي درجه القرابه بعيده شويه .. يعني هي تبقي بنت بنت عمتي

**medosalah** · 12-09-2015 03:05 PM

المشاركة الأصلية كتبت بواسطة wawamoha

ما فيش فرق في السن اساسا .....اعتقد كده مناسب جداااااااااااا
صلي استخاره ...و اتقدم رسمي - ادخل البيت من بابه .....زز او عل الاقل ابعت اختك او والدتك او خالتك تجس نبض ام العروسه و العروسه ... بس اللي تبعته يكون حكيم ....... مش طايش و بتاع و ماله ما كله محصل بعضه ....

يا فندم العروسه تبقي بنت بنت عمتي

تقريبا احنا متربيين مع بعض

كل المناسبات والاعياد بيبقي اجتماعنا واحتفالنا عند عمتي .. يعني عارفين بعض كويس
اهل العروسه انا ليا عندهم مكانه كبيره واهلي ليهم عندمهم برضه مكانه كبيره جدا

والدي يبقي خال ام العروسه .. وهو اللي مجوزها كمان لزوجها ..

يعني العلاقات كويسه جدا

موضوع جس نبض اهل العروسه سهل جدا .. وانا كفيل اني اقوم بيه واعتقد انهم هيرحبوا بالموضوع كمان

المشكله في انها سنها صغير .. وخايف اهلها يوافقوا وهي تكون ليها راي تاني ومش عايزه ترتبط بدري فيقوم اهلها ضاغطين عليها

مش عارف ايه الحل؟؟.. هل ممكن ابدا باني اجس نبض البنت الاول ؟؟ بس خايف لما اهلها يعرفوا يضايقوا اني مكلمتهمش الاول
الموضوع مركب شويه

-

الموضوع: ايه المشكله في الزواج من واحده عنها 19 سنه؟؟؟

LinkBack

أدوات الموضوع

عرض

ايه المشكله في الزواج من واحده عنها 19 سنه؟؟؟ - انشر الموضوع فى :

-

-

-

-

-

-

المواضيع المتشابهه

معايه كده واحده واحده ربنا يكرمكم

بسرعة-حل مجرب لمن تفوته الصلاه او ينام عنها او يكسل عنها او يأخر موعدها

كده يبقي البنزين ها يترفع بس واحده واحده

الكلمات الدلالية لهذا الموضوع

المفضلات

المفضلات

ضوابط المشاركة