الموضوع: رسالة لن تصل إلى حبيبتي

المشاركة الأصلية كتبت بواسطة OlaOsman

أعانك الله في شدتك و عوضك خيرا.

انا بس لية سؤال: هو ايه اللي وصل الموضوع لحب جارف كده قبل ما تعرفوا رأي الأهل؟ مش المفروض الأول كنت تخليها تقول لأهلها كل ظروفك و تعرفوا رأيهم و بعدين تبقوا تقربوا من بعض؟ انا مش قصدي حاجة لا سمح الله.. انما متهيألي انكوا أخطأتوا بالتعلق ببعض اوي كده مع موقف الأهل الرافض بشدة ده.

والله يا أستاذه علا أنا من أول يوم سألتها بخصوص الموضوع ده (وأهلها كانوا مسافرين).. ردت عليا إنها تقدر تقنعهم وإنهم مش هايمانعوا
ومع ذلك في المرات التالية سألتها إذا كانت متأكده من إن أهلها لما يرجعوا هايوافقوا.. وهي أكدت ليا ده (طبعا واضح إنها كانت حالمة زيادة عن اللزوم)

فأنا طبعا من أول يوم أطمئنيت أنا وهي بالنسبة لموافقة الأهل (على أساس إنها أدرى بأهلها)

المشاركة الأصلية كتبت بواسطة OlaOsman

حاجة تانية كمان، يمكن انت شروطك في البحث عن زوجة ما تتناسبش مع حالتك الاجتماعية، يعني طبيعي ان فيه أهل ما يرضوش يجوزوا بنتهم اللي لسه في العشرينات و آنسة لحد سبق له الزواج و معاه طفل - مش باقول ان ده صح، انما الأغلبية كده. فليه ما تدورش على واحدة ليها نفس ظروفك أو مشابهة ليها؟ يمكن يكون ربنا كاتب لك الخير مع واحدة تانية و يكون ميسر الأمر اكتر من كده و تداووا انتوا الاتنين جراح بعض بدل ما تعذب نفسك كل شوية برفض أهل واحدة تتعلق بيها و تتعلق بيك و بعدين ربنا مايريدش ليكوا الزواج.

أنا بالفعل كنت بأدور من قبلها.. وربني وفقني ليها.. وبعد ما هي أكدت ليا إن أهلها هايوافقوا... فتحنا قلبنا لبعضنا.. وكنا متفاهمين أكثر مما كنت أتوقع

أنا واقف عندها ومش قادر اتحرك، لأني شوفت كتير قبلها عرايس وماكانش في تفاهم.. لكن هي كانت فاهماني ومريحاني أكتر من أم الطفل (زوجتي السابقة)

المهم أنا مفيش أي مشكلة ما بيني وبينها.. يعني التفاهم تام..
لكن الأهل رافضين حتى إنهم يقابلوني (إن شاء الله يرفضوني ساعتها).. لمجرد إن حالتي الاجتماعي هي مجرم (قصدي مطلق)

المشاركة الأصلية كتبت بواسطة OlaOsman

ربنا يعوضك خير يا رب و يرزقك بما فيه الخير و يرضيك بيه.

آمين يا رب
وربنا يرزقك ويرزق الجميع بالخير
ومتشكر لحضرتك

خليك صبور وحاول معاهم باستمرار وهي مدام بتبادلك نفس الشعور اكيد هتصبر وهتستنى
واهلها لما يلاقوها مصممة على رأيها هايرضخوا في النهايه ان شاء الله
انا شوفت حالات كتير يكون اهل البنت رافضين لاي سبب من الاسباب
ومع اصرار البنت قلبهم بيلين
وربنا يقدم اللي فيه الخير ليك وليها

ربنا معاك و لا يأس مع الحياة ولا حياة مع اليأس
و حاول مرارا و تكرارا مع اهل البنت اللي بتحبها
ماتبصش وراك واللى فات فات و ربنا معاك و يوفقك