السلام عليكم
عندي مشكلة في لانسر 1600 سي سي ، هي ما شاء الله مش تاعباني في حاجه إلا الكونتاكت. لما باجي ادور بتغلبني ، المفتاح بيلف طبيعي بس لازم لما يوصل للاخر اضغط جامد جدا او اني اضرب بالمفتاح في اخر ما بيوصل بقوة وطبعا مرات بتدور من مرتين ومرات بتدور بعد 10 مرات ، ومرة واحده خلال شهووووور ما دارتش ودي من المرات النادرة جدا حدوثها وهي أننا طلعنا على البحر من الصبح وبعد العصر رجعت عشان ادورها ما دارتش وكنت بطلع المفتاح من الكونتاكت سخن جدا جدا وفقدت الامل ومشيت مع صاحب ليا ورجعت على 10 بالليل قولت يمكن تبرد وتدور ودارت من تاني محاولة الحمد لله.

طبعا خلال الشهور اللي فاتت والمعاناة دي شافها اكتر من ميكانيكي وكهربائي بس مش بكون رايح مخصوص اتنين قالوا لازم نفتح الكونتاكت وتسيبها وترجع وده صعب عشان شغلي فكنت بنفض وواحد قال الدينامو سويتش (السلف) ووديتها لميكانيكي قالي انسى مش من السلف ، مع العلم محدش بيعرف يدورها غير واحيانا مش بعرف ادورها ذي ما ذكرت (مرة واحدة) ومحدش مديني عقاد نافع فأرجو المساعدة