السلام عليكم يا شباب...انا كنت عايز اخد رأيكم هل اجيب بيجو 301 هاي لاين 2016 ولا رينو ستب واي 2016...انا عارف ان ديه فئة وديه فئة وفيه فرق في الوسع وكده بس انا سؤالي اكتر على الاعتمادية والمشاكل والاعطال والاداء...ولكم جزيل الشكر
عرض للطباعة
السلام عليكم يا شباب...انا كنت عايز اخد رأيكم هل اجيب بيجو 301 هاي لاين 2016 ولا رينو ستب واي 2016...انا عارف ان ديه فئة وديه فئة وفيه فرق في الوسع وكده بس انا سؤالي اكتر على الاعتمادية والمشاكل والاعطال والاداء...ولكم جزيل الشكر
بسم الله الرحمن الرحيم
أخى الفاضل
لا أرشح لك أى من السيارتين. أنا شخصيآ لست متقنع بالبيجو 301 و بكل أسف كثرت فعليآ الشكاوى من وكيل رينو حتى صارت رابطة ملاك الرينو هى أكبر محارب للوكيل نفسه.
من فضلك حدد سقف للميزانية لأساعدك فى إختيار سياره لأن الإختيارات لا نهائيه بدون وجود سقف للميزانيه.
هداك الله لأرشد أمرك و أقومه
السلام عليكم و رحمة الله و بركاته
سقف ميزانيتي حوالي ١٣٥ الف وانا بحاول اشوف عربية تجمع مابين الشكل والاعتمادية وكماليات معقولة وعوامل امان وللاسف السوزوكي سياز كانت في اختياري وحاجزها بس التوكيل باع الحاجزين لصالح المعارض وانا رافض اني ابقى عرضة لجشع التجار فعشان كده لقيت ان دول احسن عربيتين في الميزانية ديه...لو حضرتك عندك اقتراح تاني اكةن شاكر ليك :)
بسم الله الرحمن الرحيم
أخى الفاضل
ميزانية 135000 جنيه (مع إمكانية زيادة سقف الميزانيه 4000 جنيه) تتيح لك شراء الآتى:
1 - إم جى 3 = 109000 جنيه
2 - سبرانزا تيجو = 118000 جنيه
3 - بروتون بيرسونا = 120000 جنيه
4 - بريليانس فى 5 = 134000 جنيه
5 - تويوتا ياريس = 131000 جنيه
6 - سيات إبيزا = 136000 جنيه
7 - فيات بونتو = 140000 جنيه
8 - كيا ريو = 131000 جنيه
9 - ميتسوبيشى شارك = 137000 جنيه
10 - نيسان صنى = 127250 جنيه
11 - هيونداى أكسنت = 130000 جنيه
أعتقد ان شرح مميزات و عيوب 11 سياره أمر جد عسير لذلك إختار منهم ما تود عقد القارنه بينهم ثم أبلغنى لنبدأ رحلة البحث و المقارنه.
ملحوظه: بعض الماركات المذكوره بها فئات أعلى و فئات أقل لذلك أنا كتبت لك الفئه المناسبه للسعر الذى حددته أنت ولكن هذا لا يعنى أنها متوافره و متاحه فى السوق
هداك الله لأرشد أمرك و أقومه
السلام عليكم و رحمة الله و بركاته
ألف شكر لردك واهتمامك يا سيدي الفاضل انا فعلا دورت وعملت مقارنات في العربيات في الفئة السعرية ديه فمبدأيا انا عندي تحفظ على الماركات الصيني لاعتبارات الانتشار والعمر مع الوقت واعادة البيع...والفيات متعقد منها عشان دايما صحابي او قرايبي اللى عندهم فيات بيعانوا من مشاكلها وصيانتها...بالنسبة للريو والاكسنت فدول واخدين معدل عالي فى الحوادث وعوامل الامان والسلامة في الضياع فبالنسبة لي مش في الحسبة....الشارك الرقم ده اول فئة يعني مفيش عوامل امان ولا اي كماليات...الياريس دسه فئة مانوال اعتقج عشان الاوتو ب 150 الف....البروتون عربية محترمة جدا كموتور وثبات وصاج لكن سفاحة بنزين وضيقة من جوا وكماليات مفيش....الصني للأسف سمعتها بقت زفت من مشاكل وتوكيل...السيات معرفش عتها حاجة اوي بس اعرف ان السيات قطع غيار غالية وانتشار لسه بتقول يا هادي
عرفت بقى انا في حيرة ازاي...انا صراحة بقالي 5 شهور بعمل دراسة لكل العربيات اللي في الفئة السعرية ديه وفي الاخر لقيت احسن 3 يحققوا عوامل امان وكماليات وانتشار وشكل كويس جوا وبره كانوا ال301 والستب واي والسياز والاليزيه كانت ناقصة معدل الانتشار....من هنا انا عملت التوبيك اللي فوق :)
معلش انا عارف اني تعبتك وجزاك الله كل خير
بسم الله الرحمن الرحيم
أخى الفاضل
1 - لله الحمد و المنه أننى من ملاك الماروتى منذ 6 سنوات. وإن إستخدامى لهذه الصغيره ثقيل بما لا يصدقه الكثير من الناس. إننى تقريبآ لا أستخدم السياره داخل المدينه و لكننى أسافر بها إلى أى مكان مهما كان بعيد
2 - إلا أننى منذ عامين قد قررت أن أغير سيارتى و أشترى سياره جديده لا أجد فيها عيوب الماروتى و نظرآ لأننى كثير السفر جدآ فإن إستهلاك الوقود و سعة خزان الوقود هى عناصر لا تتأخر فى ترتيب الأولويات عن الثبات و الإعتماديه
3 - و منذ عامين بدأت رحلة البحث عن سياره جديده. ربما تعتقد أننى متردد و لكن صدقنى لا. إن الأمر لا يتجاوز من أنت فيه الآن. أنا أريد نفس ما انت تريده بالإضافه إلى إستهلاك الوقود و سعة الخزان.
4 - الآن و بعد عامين من البحث وصلت لنتيجة أننى لا أبحث عن المستحيل ولكننى أبحث عما لا أملك ثمنه.
5 - حتى 150,000 جنيه لا توجد لديك رفاهية إختيار ما تريد بل يوجد لديك إختيار ما هو موجود و هذا فرق كبير
6 - السيارات التى تقابل كل إحتياجاتى موجوده بالفعل و لكنها أغلى من 150,000 جنيه (مثل السيتروين c4 و السوزوكى sx4 و السوبارو . . إلخ)
7 - لذلك أخى الفاضل و حتى لا تخسر مزيد من الوقت أمامك إختيارين:
1 - الأول أن ترفع سقف الميزانيه حتى تستطيع شراء ما تريد بالضبط و بدقه
2 - الثانى أن ترضى بعيوب أى من ال 301 أو الستيب واى و تتكيف معها مهما كانت
8 - منذ أيام قليله قررت بداية بحث لأفهم لماذا يعشق ملاك السيتروين سى إيليزيه سياراتهم و يبغض بعض ملاك البيجو 301 سياراتهم مع إن الإثنين نفس السيارهو صدقنى أيضآ فشلت فى الوصول لأى إجابه مقنعه.
9 - من فضلك تأكد من مصدر و إثنين و ثلاثه من آداء وكيل رينو لأن الشكاوى منه فى تصاعد مستمر لدرجة أن تحولت رابطة ملاك اللوجان إلى أكبر محارب للوكيل نفسه. و إنتبه من فضلك فإن سياره مثل الرينو بدون وكيل جيد يدعمها هى صداع نصفى مستمر فى رأسك.
هداك الله لأرشد أمرك و أقومه
السلام عليكم ورحمة الله و بركاته
السلام عليكم،
معلش يا جماعة انا محتار ما بين تلات عربيات هما اللى فى ميزاينتي دلوقتى
رينو فلونس 2011 او 2012 الفئة قبل الاخيرة يعنى بدون فتحة سقف
تيريوس 2009 او 2010 فئات مختلفة
بيسان تيدا 2013 هاي لاين
رنج سعرهم كلهم ما بين 100000 و 115000
برجاء الافادة
جزاكم الله خيرا
بسم الله الرحمن الرحيم
اخى الفاضل
مساعدتك تسرنى و لكننى لا افضل ان افتى فى السيارات المستعمله لانها قد تكون فيها خفايا كثيره و لا يعلمها احد.
بصفه عامه (بعيدا عن السيارات و الموديلات المذكوره) فانا افضل الفلوينس فوق النيسان تيدا و ذلك لكبر الفلوينس و عوامل الامان الاكثر و لا افضل التيريوس لانها تفقد الثبات تماما بعد ال 120 كم/ساعه
هداك الله لارشد امرك و اقومه
السلام عليكم و رحمة الله و بركاته
حاول حضرتك تجرب سوزوكي سياز سيارة تستحق الفلوس اللي هتدفع فيها لو عجبتك توكل علي الله