الموضوع: هام وعاجل اوبل استرا 2000 (1200 cc)

انا قدامي عربيه اوبل استرا موديل 2000 سيدان الموتور ال 1200 سي سي ومن كلام صاحبها انها تمام وفابريكه جوة ممكن لو حد من الاعضاء الكرام يفيدني
اذا كانت العربيه دي كويسه ولا لا وعيوبها ايه وقطع غيارها متوفرة ولا لا وصيانتها اي حد يصينها ولا لا

وهل قطع غيارها غاليه ولا رخيصه واعطالها كتير ولا اعتماديه

واكشف علي ايه اكتر حاجة ممكن تكون مؤثرة يعني اركز علي ايه فيها

ولو طلعت تمام اشتريها منه في حدود كام

بص لو عربية سليمة ومتصانه وعربية بنت ناس هتتبسط منها قوى عربية محترمة جدا وكل حاجة فيها المانى المانى على ابوه يعيبها فقط ماتورها اللى هوا 1200 سى سى ضعيف شوية على جسم ووزن العربية بتكون طلعته بطيئة نوعا ما بس بالضبط ابتداء من الغيار التالت العربية تسارعها كويس ولو عربية سليمة زى ماقولتلك روح زى ما انت عاوز ومخفش من حاجة ثبات خرافى معاك لـ 170 و 180 كمان والله بلا مبالغه فراملها ولا كلمة عربية محترمة بجد تكيفها جميل جدا ده نبذة باختصار عن العربية
العربية ملهاش عيوب واضحة بس اهم حاجة اكشف عليها كويس وروح لحد تعرفة يكون ثقة وفاهم يكشف على العربية بتأنى ويفلى كل حتة فالعربية متتخدعش باى كيلو تشوفو على العداد مش معنى العربية عاملة كيلو قليل يبقى عربية محترمة بالعكس ممكن تكون طالع عين ابوها وصاحبها ملمعها كدة عشان يخدعك ويزحلقها
قطع غيارها استعمال الخارج وانا اقصد بالتحديد استعمال الخارج مرطرطة ومرمية فى كل حته سعرها غالى سنه لان ده طبيعه الالمانى لانها خامات معمرة جدا الجديد موجود برضو وكتير بس تسئل كثير قبل ماتشترى لان فى انواع كتير مضروبة
خلى بالك موديل 2000 العداد مفهوش rpm وفرش الابواب بيج فاتح مفهاش زجاج كهرباء مانوال عادى
خلى بالك العربية مليانه حساسات عشان كدة قولتلك حد فاهم يكشف عليها مش هقولك متخصص فالاوبل عشان مفيش اصلا حاجة اسمها متخصص فالاوبل بس يكون اتعامل فى عربيات اوبل عشان يكون عارف العيوب والمشاكل المعتادة والمتكررة والمعروفة لو انت من اسكندرية فى ابو الحمد فالمطار وفى كمان البلتاجى فى سبورتنج شارع ابوقير ولو من القاهرة اسئل فالمنتدى فى ناس كتير هتفيدك انشاء الله
بالنسبة للسعر لو العربية مفهاش غلطة وعربية من الاخر كبيرها 55 الف ده سعر كتير بس انا بقولك عربية وهمية
بس فى عربيات بفلوس اقل من كده بكتييييييييييير بـ 40 الف جنيه تخيل للاسف استرا بـ 40 الف بس مشارح والله العظيم صفايح زباله متتركبش
بس مش شطارة انك تشترى عربية رخيصة الشطارى انك تشترى عربية محترمة ونضيفة حتى لو غالية
وربنا يوفقك للخير انشاء الله متستعجلش اصبر

المشاركة الأصلية كتبت بواسطة shady.punto

بص لو عربية سليمة ومتصانه وعربية بنت ناس هتتبسط منها قوى عربية محترمة جدا وكل حاجة فيها المانى المانى على ابوه يعيبها فقط ماتورها اللى هوا 1200 سى سى ضعيف شوية على جسم ووزن العربية بتكون طلعته بطيئة نوعا ما بس بالضبط ابتداء من الغيار التالت العربية تسارعها كويس ولو عربية سليمة زى ماقولتلك روح زى ما انت عاوز ومخفش من حاجة ثبات خرافى معاك لـ 170 و 180 كمان والله بلا مبالغه فراملها ولا كلمة عربية محترمة بجد تكيفها جميل جدا ده نبذة باختصار عن العربية
العربية ملهاش عيوب واضحة بس اهم حاجة اكشف عليها كويس وروح لحد تعرفة يكون ثقة وفاهم يكشف على العربية بتأنى ويفلى كل حتة فالعربية متتخدعش باى كيلو تشوفو على العداد مش معنى العربية عاملة كيلو قليل يبقى عربية محترمة بالعكس ممكن تكون طالع عين ابوها وصاحبها ملمعها كدة عشان يخدعك ويزحلقها
قطع غيارها استعمال الخارج وانا اقصد بالتحديد استعمال الخارج مرطرطة ومرمية فى كل حته سعرها غالى سنه لان ده طبيعه الالمانى لانها خامات معمرة جدا الجديد موجود برضو وكتير بس تسئل كثير قبل ماتشترى لان فى انواع كتير مضروبة
خلى بالك موديل 2000 العداد مفهوش rpm وفرش الابواب بيج فاتح مفهاش زجاج كهرباء مانوال عادى
خلى بالك العربية مليانه حساسات عشان كدة قولتلك حد فاهم يكشف عليها مش هقولك متخصص فالاوبل عشان مفيش اصلا حاجة اسمها متخصص فالاوبل بس يكون اتعامل فى عربيات اوبل عشان يكون عارف العيوب والمشاكل المعتادة والمتكررة والمعروفة لو انت من اسكندرية فى ابو الحمد فالمطار وفى كمان البلتاجى فى سبورتنج شارع ابوقير ولو من القاهرة اسئل فالمنتدى فى ناس كتير هتفيدك إن شاء الله
بالنسبة للسعر لو العربية مفهاش غلطة وعربية من الاخر كبيرها 55 الف ده سعر كتير بس انا بقولك عربية وهمية
بس فى عربيات بفلوس اقل من كده بكتييييييييييير بـ 40 الف جنيه تخيل للاسف استرا بـ 40 الف بس مشارح والله العظيم صفايح زباله متتركبش
بس مش شطارة انك تشترى عربية رخيصة الشطارى انك تشترى عربية محترمة ونضيفة حتى لو غالية
وربنا يوفقك للخير إن شاء الله متستعجلش اصبر

شكرا علي رد حضرتك عليا وفعلا كلام حضرتك مقنع جدا وجميل وربنا يسهل انا لسه مشفتش العربيه بس سعر صاحبها كان قالقني هوة واحد من بلدنا وانا لسه هشوف العربيه انهردة وطالب فيها 38 الف دا اللي مخليني قلقان منها وواحد بيقلي لا عادي دا سعرها

مفيش حد عندو معلومه او يفيدني انا خلعت من المشوار ومرحتش واجلتها ليوم الاثنين حد يفيدني قبل ما اروح

ارجو الاهتمام

امبارح رحت اتفرجت علي العربيه الاسترا موديل 2000 ال 1200 سي سي العربيه بسم الله ما شاء الله موتور ناعم جدا وعزل تمام وفعلا طلعت مفهاش ار بي ام ولا ازاز كهربا بس مخلصتش فيها كنت هخلص خلاص لحد ما خدت بالي ان البطيختين اللي بيقفل عليهم البابين اللي ورا راشين ولقيت خرطوم نازل من تحت الرفرف اللي فيه تنك البنزين والخرطوم زي المشطوف بموس او قطر
التكييف تمام والسحب تمام حتي والتكييف شغال بس في حاجة مفهمتهاش
الرخصه مكتوب فيها اصلي ورقم جنبها بقلم ازرق عادي تحت رقم الموتور والشاسيه

انا مخلصتش في البيعه وسبتها علشان شكيت ان العربيه مغيرة نص او شنطه علي الاقل
وغطا الكبوت مبيقفلش علي الاكصدام الامامي بحط ايدي كلها من تحت غطا الكبوت وهوة مقفول مش عارف ليه

رايكوا ايه في الكلام دة يا خبراء الأوبل

افيدوني افادكم الله

وفي قدامي عربيه استرا 2005 العربيه جميله بس يعيبها بطانات الابواب مكسرة بس دي كامله ازاز كهربا وار بي ام 1400 سي سي بس اللي مخوفني منها ان فيها بارومه في السقف من عند الازاز الخلفي والتابلوة مبهدل شويه وفيه كام حته مكسورة
موضوع البارومه دا يعيب ولا لا ولو هجيب بطانات الابواب تمنها كام

بس هيا سقف وشنطه مرشوش ومكشفين اوي وموضوع البارومه دا قالقني هيخليني ارش السقف

ممكن حد يفيدني موضوع البطانات دا يتكلف كام وموضوع السقف دا عادي اوديها لبهيجي يظبطها عادي ومش هيبقي فيه مشكله ولا بلاش منها ؟؟؟؟؟


صحيح كنت هنسي وفرش الكراسي مقطع وهربد والسفنج طالع ومقطع والتكييف مش شغال والسنتر بيعلق والازاز بيعلق وتقيل

بص انا رأى اخلع من العربيتين دول خالص اول عربية دى شكلها عاملة مصيبة رشة من الداخل وشكلها مشغولة قوى وممكن تكون عاملة حادثة ولا حاجة ومغيره حاجة ورخصة العربية متريحش
والعربية التانية شكلها متهانة ومفحوتة واضح من كلامك ان العربية من الداخل مشخللة على الاخر اخلع منها على فكرة العربية اللى بتكون بالشكل ده هتلاقيها لسه فيها مفاجات وبلاوى مش باينه وعلى فكرة عشان تشترى الحاجات دى غالية وهتكلفك كتير
استنى ودور على مهلك عشان تشترى عربية محترمه
دى نصيحتى والرأى فالاخر ليك اكيد

المشاركة الأصلية كتبت بواسطة shady.punto

بص انا رأى اخلع من العربيتين دول خالص اول عربية دى شكلها عاملة مصيبة رشة من الداخل وشكلها مشغولة قوى وممكن تكون عاملة حادثة ولا حاجة ومغيره حاجة ورخصة العربية متريحش
والعربية التانية شكلها متهانة ومفحوتة واضح من كلامك ان العربية من الداخل مشخلله على الاخر اخلع منها على فكرة العربية اللى بتكون بالشكل ده هتلاقيها لسه فيها مفاجات وبلاوى مش باينه وعلى فكرة عشان تشترى الحاجات دى غالية وهتكلفك كتير
استنى ودور على مهلك عشان تشترى عربية محترمه
دى نصيحتى والرأى فالاخر ليك اكيد

فعلا كلام حضرتك منطقي انا رحت امبارح شفت العربيه وخدتها كشفت عليها عند سمكري حبيبي قالي العربيه مشدودة زرجينه كانت عامله حادثه عامله طرقعه للفلتو بتاع الركبه اليمين وداخله لحد تحت باب السواق بس مشدودة زرجينه والشنب راشش والبارومه طلعت في السقف من قدام ومن ورا وفي الكبوت وفي الصاج اللي تحت ارضية العربيه
وهتصرف كتير غير ان الفتيس بيتش في النقلات وبياخد المرشدير بصعوبه جدا والدبرياج عالي جدا والشكمان مخروم والايرباج ضارب والمكنه خفيفه شويه والتابلوة مكسر والزراير واقعه والازاز والمرايات الكهربا واقعين العربيه مفهاش حاجة عدله وفي الاخر السمسار اللي جايبها يقلي انتا مش بتاع شرا دي عربيه 2005 لازم تلاقي فيها حاجات وتظبيطها لنفسك بقي انشاله تصرف عليها قد تمنها قلتله لا متلزمنيش