-
الزيت اكتر من سنة
انا بحط زيت ١٠٠٠٠ فى التوكيل عريبتى نيسان صنى الشكل الجديد انا مبخرجش بالعربية كتير و اخر مرة غيرت الزيت كان من سنة هل الزيت لازم يتغير بعد سنة حتى لو مكملش عدد الكيلوات و ممكن اغيره فى مكلان غير التوكيل اؤرجو الافادة لانى لو رحت التوكيل هغير زيت بس من غير عمل صيانة لان لسه علىيها شوية شكرا
-
الزيت له مده ياباشا حتي لو ممشتش عدد الكلوات لازم بيتغير بعد مده معينه بس قد ايه تحديدا انا معرفش
بس لو حضرتك مبتخرجش كتير وبتعد اقل من 10000 في السنه يبقي هات زيت 3 او 5 بس بلاش 10
-
يفضل تغييره كل سنه.
اعتقد بيكون مكتوب علي العلبه.
-
الزيت بيتأكسد طالما دار فى العربية حتى ولو نص ساعة ويفضل تغييرة بعد سنة ..دا غير اننا لما بنغير ما بنبصش على تاريخ انتاج الزيت الجديد ..برغم ان الى معروف عند المصنعين ان صﻻحيتة سنة من تاريخ التعبئة.. دة منتج كيميائى علية إضافات بتحدد مدة تشغيلة طبقا لتجارب وسمعة كل شركة منتجة.. ولة صﻻحية حتى لو ما استعملش زية زى اى منتج بمعنى انة يفضل يكون مر علية اقل من ست شهور من تاريخ اﻹنتاج كحد أقصى ..دا غير ان طريقة التخزين بتفرق فى الحفاظ علية زى التعرض لأشعة الشمس المباشرة فى مخزن غير مكيف ممكن يعمل تفاعل بين الزيت والعلبة البﻻستيك يغير الخواص..انا برة شفت زينت تويوتا فى علب صفيح زى علب السمن كدة الواحدة كيلو .. دة غير ان الكميات الكبيرة بتنزل فى براميل صفيح عمرها ما تيجى فى براميل بﻻستيك..دا غير اننا بنعكعك فى حاجتنا لما نزود زيت الفتيس أو زيت الكارونة برة التوكيل لأنك مش بتكون متأكد هيحط زيت من نفس النوع والجريد وﻻ ﻻء.. وممكن يحصل منة مشاكل تفاعﻻت كيميائية نتيجة ﻻختﻻف الإضافات بين الزيت القديم والمضاف..تكون نتيجتها مواد شمعية تتراكم تحت التروس أو رغاوى فوم تعمل زيادة فى الضغط يضرب ال اويل سيﻻت ويعمل ترشيح زيت على برة.. ويعمل عيوب اصﻻحها مكلف..
-
-
صلاحية الزيوت قبل فتح العبوة بتبقى مكتوبة عليها.. هتلاقي تاريخ إنتاج وتاريخ انتهاء... وغالبا بتبقى في حدود 3-5 سنوات..
بالنسبة لتخزين الزيت.. فما أعتقدش إن الحرارة بتبوظ الزيت.. لإن الزيوت بتتعرض لحرارة في الموتور أعلى من حرارة الشمس بكتير... ولو العبوة مقفولة كويس .. تبقى محمية ضد الرطوبة.. لإن الرطوبة هي أكتر ما يفسد زيوت المحركات..
وببساطة... ارجع لكتالوج عربيتك... هتلاقي جدول الصيانة مكتوب فيه مدد التغيير لكل شيء... ودايما هتلاقيه كاتب بالطريقة دي على سبيل المثال:
12000 كم / 6 أشهر
36000 كم / 18 شهرا
120000 كم/ 60 شهرا
يعني التغيير بيتم بالمسافة أو المدة الزمنية.... أيهما أسبق.
أغلب كتالوجات السيارات بتنصح بتغيير الزيت عند 10 آلاف كم أو سنة... بس ده في حالة القيادة المثالية... اللي فيها تشغيل للسيارة كل يوم لمشاوير طويلة في شوارع رايقة والجو ربيع وبسرعات هادية ما تزيدش عن 120 من غير تحميل للعربية بأي أوزان تقيلة أو قطر لسيارات أخرى.
طبعا ده ما بيحصلش مع حد فينا...
علشان كده.. اللي بيحصل معانا ده بيسموه حالات القيادة الشاقة (للزيت)... وهنا كل الكتالوجات بتقوللك غير الزيت بسرعة.. يعني 5000 كم أو 6 شهور.
لو الزيت اللي بتستخدمه تخليقي 100%.. ممكن يطول معاك لحد سنة.. مش أكتر.
بس الأهم من مدة تغيير الزيت .. إنك تكون بتحط الزيت المناسب فعلا لموتور عربيتك... مش الزيت المناسب لعربيات ناس تانية.
أنصحك تقرا الموضوع ده:
http://www.nilemotors.net/Nile/341680-a.html
...
Content Relevant URLs by
vBSEO 3.6.0 PL2