يا شباب لو هدور على عروسه بس بشرط تكون غير راغبه فى الاولاد يا ترى هلاقى بنت توافق ؟
دى أول مره اتجوز فيها وسبب انى مش عاوز اولاد لو قلته مش هنخلص من المجادلات فيه فافضل احتفظ بيه لنفسى
عرض للطباعة
يا شباب لو هدور على عروسه بس بشرط تكون غير راغبه فى الاولاد يا ترى هلاقى بنت توافق ؟
دى أول مره اتجوز فيها وسبب انى مش عاوز اولاد لو قلته مش هنخلص من المجادلات فيه فافضل احتفظ بيه لنفسى
كفاية انهم بيصحوا الواحد من احلى نومة :E_braces[1]:اقتباس:
المشاركة الأصلية كتبت بواسطة خالد الشاذلى
شوفلك واحد مطلقه بسبب انها مش بتخلف او عندها عيال او ارمله
دي هتلاقيها خلاص اشبعت غريزه الامومه و مش عايزه عيال تاني
لكن بنت عاديه تبقي مش عايزه عيال ده مستحيل
عدم الرغبة فى العيال تجعلها تفكر بك السوء--انك عاوز تلعب و بعدين تخلع
دانت اول ما تتجوز بيبتدى العد التنازلى حواليك من اهلك و اهلها لغاية ما تحمل
هو علشان انا مش عاوز اولاد أبقى غلطان
كمثال ما الناس فى اوروبا عايشين من غير اولاد واحسن مننا ميه مره فى كل حاجه ايه اللى يمنع انى أقلدهم فى حاجه زى دى
الاولاد يعنى مش هما سبب النجاح او السعاده فى الحياه أنا شايف انهم مسئوليه كبيره فى بلد زى مصر
ايه المانع أنى ارحم نفسى بقى من المسئوليه دى
صعب جداً تلاقي واحده مش مخلفه ترضى تتجوز حد شارط عدم الخلفه. ولو وافقت هاتوافق كده وكده وبرضو هاتعمل كل حاجه عشان تحمل.
معلش انا اسف دي اسمها هلاوس ماقبل الزواج - بيعني دماغك تودي وتجيب في خمستلاف حاجة زي الضعف الجنسي والبكارة والحمل والولادة المسؤلية والراتب ميكفيش والشيطان ياخدك ويجيبك 20الف مرة
زي مابتقول ان في اوروبا عايشين من غير اولاد ومبسوطين طب مافي مصر عايشين باولاد ومبسوطين جدا ايه علاقة ده بده
كتر التفكير في الشئ بيعقده اكتر
بسم الله الرحمن الرحيم
المال و البنون زينة الحياة الدنيا
صدق الله العظيم
انت متخيل ان ربنا هو الى قايل كدة ، فكر فيها شوية
لو خرجت عن طوع العرف المصري سوف تعلق لك المشانق من الجميع
عرف مصرى !!اقتباس:
المشاركة الأصلية كتبت بواسطة bassem youssef
يعنى انت تروح تتجوز والعروسة تشتر عليك انها متخلفش منك وانت هتوافق عادى ؟
بعيدا عن مشاركات السادة الاعضاء الأفاضل
أرى أن الموضوع اصلا ......من وجهة نظر متواضعة. ....
مخالف لتعاليم الدين الإسلامي الحنيف
حيث أنه شرط عدم الانجاب. ........يخالف أساسا أهد هدف رئيسى من اهداف الزواج الاسلامي. ......
قال صلى الله عليه وسلم (فيما معناه )
تزوجوا الودود الولود فإنى مباه بكم الأمم يوم القيامة
وكنت أحترم رغبتك في عدم إبداء الأسباب. .....واعتقدت ذلك لعلة بك وحملتك على حسن الظن
ولكنك ف التعليقات ضربت مثالا .......؟ لا يستحق حتى عناء الرد
أرجو من حضرتك. ........إعادة التفكير ..........
والله الموفق لكل خير
انت هاتتسلخ يا بوب
على العموم ايوه ينفع - ومش على الملاء - يعنى فى الخباثه
حاول تدور على واحده بتفكر زيك مقتنعه بطريقة تفكيرك - بلاش مبدأ الاصطياد فى الماء العكر مطلقه وارمله وما شابه
فى النهايه احب اقولك على معلومه رفيعه - اللهم لك الف حمد والف شكر - نعمة الاطفال لا تساوى الدنيا وما فيها
لو مكانك هاحاول افكر بمبدأ تانى اللى هو one boy only
اهم حاجه عايزك تكمل كلام فى الموضوع علشان الرجاله تكمل سلخ
ي جماعه عاوزين نرد بس عل سؤاله ....
لا طبعا الواحد ما اتكعبلش ابدا في عروسه او بنت قريبه او زميله عمل بتفكر في كده - ده لو واحده مستقله بذاتها قوي و متربيه برره مثلا ممكن اقصى حاجه تقولك انا بفكر ااجل الخلفه تلات اربع سنين علشان استمتع ب حياتي و دول نوادر اساسا ..مش هاتلاقيهم كتير في مجتمعنا ......
ولو دخلت على واحده و قالتلك انا موافقه عل كده ..... اكيد بتسرح بيك او عندها ظروف تخليها ترضي بيك عل طول او شايفاك عريس لقطه و ماتتسبش .. الخ - بس في دماغها ناويه تخلف بعد 48 ساعه طبعا ........
ربنا ييسرلك الحال
اقتباس:
المشاركة الأصلية كتبت بواسطة Samah AbdAllah
أه عرف و على فكرة العرف مش ملزم لحد
اصل السعادة ملهاش كتالوج ,, كل واحد يسعد نفسه زى ما هو شايف
المهم ان صاحب الموضوع يكون متأكد من دلؤقتى ان سعادته ف عدم الخلفة before its too late
بكره تغير رأيك وتقول عاوز أخلف
اصل دي سنه الحياه
ايه دخل العرف بانك تخلف ولا متخلفشاقتباس:
المشاركة الأصلية كتبت بواسطة monamize4
هو اى حاجة نلزقها فالعرف وخلاص
هى الناس بتتجوز وتخلف في مصر بس !!
غير ان الامومة غريزة عند كل بنت .....فيه كام رجل اتجوز على مراته او طلقها لانها مش بتخلف ؟؟
بلاش نقول عرف بس
محدش بيخلف مجاملة لحد
نصيحه
الانسان ميحاولش يقاوم الطبيعه عامه لان ده دايما بيكون خيار مكلف علي كل المستويات وبيحتاج ميكونش بيقوم بيه لوحده
الاولاد بيجوا بالتفاهم يعني انت عشان تقنع بنت انها متعملش فرح اللي هو اكيد حلم حياتها
لازم يكون عندك مبررات قويه و بدائل تعويض
مينفعش تقول انا مش عايز وخلاص
كذلك الاولاد
واضح انك عندك فكر لوحدك مش في الموضوع ده بس لاكن علي المستوي الإنساني مفيش مشكله
بس انت كده مينفعكش جواز الصالونات
انصحك تحاول تدور وسط الناس القريبين منك فكريا
لو في سبب طبي ده قصه اخري ( حاجه وراثيه تنتقل للابناء )
نصيحه لازم تعمل خطه احتياطية في حال انك مقدرتش تروض الطبيعه وقررت يكون عندك اولاد سواء برضاك او غصب عنك
المهم تكون مقتنع عشان تعرف تقنع غيرك
وكل فوله ولها كيال
ربنا يسعدك ويهني ايامك
وفعلا العرف السئ في مصر ان الوسط المحيط بيمارس ضغوط رهيبه علي المتزوجين حديثا
مش علي مستوي الاهل فقط لاكن علي كل دوائر الاتصال الاجتماعي
بنفس درجه التوحش اللي بتمارس علي البنت البي لسه متجوزتش
ياله شدي حيلك
مش حنفرح بيكي بقه
عقبالك
وطبعا بدرجه اقل علي الولد
تحياتي
احييك على تفكيرك
الموضوع فى مصر نمطى متسلسل
تتخرج
تشتغل او ممكن مش تشتغل
تتجوز
تخلف
تربى
تطلع معاش
لو فكرت خارج النمط هتتعذب فلازم تستحمل
لو مش عايز اولاد فيه جوانب ايجابية للموضوع
هيكون معاك فلوس اللى بتتصرف عليهم ومدارسهم وتربيتهم
هترتاح من المسئولية
تسافر تروح تيجى مش مرتبط بمواعيد الدراسة
السلبيات
لو كبرت ممكن محدش يشيلك ، بس فى زماننا برده ممكن تخلف ومش يعرفوك
ممكن تحس بالوحدة
لازم يكون فيه تفاهم كبير بينك انت وزوجتك لان ممكن تفكروا فى الانفصال بسهولة لو مشكلة كبيرة
زن واسئلة من ناس مالهاش دعوة بيك فى العائلة او الشغل
وعلشان تعرف
الراجل بيحس بالابوبة وغريزتها بعد ما يخلف لكن الست قبل ما تخلف وهى تحس بيها
علشان كدة صعب تلاقى بنت تقبل طلبك
ممكن تفكر فى بنات عندها ظروف صحية تمنعها من الانجاب بس فكر وادرس هل ده يؤثر على اختلالات الهرمونات عندها او العلاقة الخاصة .