مطلوب استشاره هندسيه فى المبانى
السلام عليكم ورحمة الله وبركاته
عندى مشكله فى تصميم بيت العائله وعايز رأى مهندسين المنتدى
دلوقتى البيت اتبنى سنة 1971 ووالدى رحمه الله كان قال لى انه ساعتها ماديا الدنيا مكنتش مظبوطه وعليه الدور الارضى متخدمش كويس (يعنى الاساسات مش جباره)
فى الفتره ديه الكل كانوا بيعتمدوا على الحوائط والطوب الاحمر بتاع زمان اللى فعلا قوته وتماسكه ملهومش حل - يعنى مبدأ الحوائط الحامله
المشكله ان مدخل البيت عندى ضيق جدااااااااااااااااااا - تقريبا عرض 1.2 متر ويمكن أقل
الشقه اللى فى الدور الارضى غير مستغله من الثمانينات ودلوقتى بسبب شوية مشاكل فى مواسير الصرف تقريبا هاشيل الارضيه كلها وكنت عايز اوسع مدخل البيت
بعد الشرح المستفيض - السؤال كالتالى
عندى عمودين كل عمود 30*30 واصل ما بينهم كمره طولها تقريبا 4.5 وعرضها تقريبا 20 سم بأرتفاع 20 سم برضو
عايز ازرع عامودين جنب كل عمود كتقويه وبرضو عايز اعمل زى كمره تحضن الكمره القديمه بحيث انى لما اشيل الحيطه الدنيا متبقاش معتمده على الكمره والعمدان القديمه فقط
ايه رأيكم فى الكلام ده - هل قابل للتنفيذ ؟ ويتعمل ازاى؟
رجاء الرد لأن السباك هيبدأ شغل بكره ان شاء الله ولازم ابدأ اخد خطواتى بسرعه