-
ارجو المساعدة
ازيكوا يا جماعة انا الحمد لله جبت الماروتي وبقت بسوق كويس الي حد ما بس لسة عندي مشكلة الركنة مبعرفش اركن خالص كل يوم واحد يركنلي العربية والله مكسوفة من نفسي وكمان في مشكلة لما بدور العربية بتاخد وقت علي ما بتدور مش عارفة المشكلة فين مع ان العربية زيرو غيركده العربية كويسة اوي وسواقتها مريحة جدا وكمان مش ضيقة من جوة زي ما كنت فاكرة معلش طولت عليكوا وشكرا علي مساعدتكوا
-
الف مبروووووك ياسارة
ربنا يرزقك خيرها ويكفيكى شرها
-
-
مبرووووووووووووووك ياسارة اما حكاية الركنه حاولى تقدريها دى سهله اوى بس قدرى مسافتها
-
مبارك عليكي العربية
شوفي يا ستي موضوع الركنة ده فعلا من اكتر الحاجات اللي ممكن تضايق حد بيسوق جديد
هي المسألة مسألة اعتياد مش أكتر
عموما
لو عايزة تركني موازية للرصيف
بتطلعي بعربيتك قدام جنب العربية اللي هاتكني وراها
و تجيبي الريفيرس
و تبدأئ ترجعي ورة سنة سنة
لحد ما بوز عربيتك يوصل لنص العربية اللي مفترض تبقي قدامك في الركنة
و بعدين تلمي العجل علي الأخر "يعني تحودي الدركسيون في نفس اتجاه الرصيف للأخر " و ترجعي بضهرك سنة سنة
لحد ما تلاقي بوز العربية بتاعتك وصل لأخر العربية اللي قدامك .. إبدئي تعدلي العجل تاني و إرجعي
مبروك كده ركنتي
حاجه اتنصحت بيها لما كنت باتعلم اركن .. ما اتعافاش و أوسع لنفسي ... ولو فيه مشكلة اطلع قدام شوية .. و أخد وقتي
و مع الخبرة
هتلاقي نفسك زي الفل
تحياتي
وربنا يباركلك فيها
Content Relevant URLs by
vBSEO 3.6.0 PL2