تغيير موتور فيكترا c 2008 من 1600 الى 2200 بفتيس اوتوماتيك عادي

شباب بالنسبة لموضوع تغيير موتور و فتيس فيكترا 2008 بموتور 2200 وفتيس اوتوماتيك عادي كان عندي شوية استفسارات ياريت لو حد يقدر يفيدني فيها:
هل الموضوع ده مفيد فعلا و ليه لازمة وهل هيخلي العربية مافيهاش مشاكل ولا شوية وتلاقي مشاكل ثانية ظهرت؟
عشان انا معايا فيكترا 2008 توبلاين و بفكر اعمل الحوار ده عشان اخلص من مشاكل الفتيس الايزي ترونيك بس متردد, وانا كنت بدأت افكر ابيع العربية فعلا بس ماكنتش عارف اجيب ايه بس لو الموضوع ده بيحل كل مشاكل العربية يبقى الواحد يفكر فيه.
و برضو عايز اعرف ايه اللي بيتغير غير الموتور والفتيس؟
و بيتكلف كام تقريبا؟
وبياخد وقت اد ايه؟
و هل في حد في القاهرة بيعملة؟
و هل في حد عامله بقاله فترة يقولي ايه الاخبار معاه؟
و في الاخر رأيكم اعمل الحوار ده ولا ابيع العربية واحط الفلوس اللي كانت هتتدفع في التعديل واجيب عربية تانية؟
اسف للاطالة وارجوا الافادة.....

بيع و حط فلوس التعديل و اشترى عربية تانية
انت حتعمل حاجة نادر جدا ما يكون حد عملها فنادر ما يكون حد عنده خبرة فى الموضوع
المكنة الجديدة حتكون قطع غيارها نادرة جدا
التعديل بينزل ثمن العربية
و انت حتكبر ال سعة اللترية يعنى استهلاك اعلى و ضراءب اعلى بكتير
و كله دا اسمه تعديل و انت و حطك

انا كنت بفكر اجيب الموديل ده فممكن حضرتك توضح ايه مشاكل الفتيس و الاداء بتاعوا عامل ايه و التوكيل موقفه ايه من المشاكل دي . انا بسمع ان لو الصيانات بتاعته اتعملت مظبوط مبيظهرش فيه مشاكل و ان المشاكل لو ظهرت بتبقي تغير اسطوانه و ديسك وبس والكونترول اعطاله نادره

قطع غيار ال 2200 مش نادرة ... ده مرمي في الحرفيين .. معظم انصاص الفيكترا سي اللي بتيجي 2200 اصلا و في شوية قطع غيار جديدة نزلتله .. زي البوجيهات و الفلاتر و بعض الجوانات و سير الكاتينة جنزير

هات نص بحوالي 20 الف و بيع حاجتك القديمة موتور و فتيس و كنترول و خد اللي انت عايزه من النص وبيع الباقي ... هتلاقي نفسك كسبان و لا اكنك صرفت حاجة

لكن لو رحت عند ميكانيكي اقل واحد هيطلب منك 15 الف و ياخد حاجتك اللي لو بعتها تطلعلك ب 18 و 20 الف .... ما بالك بقى هو بياخد الموتور و يبيع وش سلندر لوحده .. بلوك لوحده .. الدينامو و المارش و الكنترول بتاع الفتيس هيقسمه و يبيع جزء ميكانيكا لوحده و بورده لوحدها و الفتيس ممكن يفكه كمان و يبيعه قطع ... طبعاً كسبان من وراك حوالي من 45 ل 50 الف جنيه و ده اللي مبهدل الاوبل في مصر .. جشع التجاااار و الصنايعية

01007461491 انا مغير عربيتي واقدر افيدك ان شاءالله

أ،ا خلاص داخل فموضوع تغيير الموتور من 16600 ل 2200 سي سي الاسود (direct injection)

دورت على اني اشتري نص و ابيع الموتور بتاعي و الباقي من النص اللي هشتريه، لقيت الموضوع صعب جدا و مش بتاعي لأني ذي المعظم مننا مش متخصص و كمان الموتور اللي هتستعمله من النص ملوش ضمان غير كلام البايع بس.

عموما، أنا عرفت اسماء كتير بيشتغلوا فالقصه دي (الشيخ هيثم فالحرفيين، محمد عبد الراضي فصقر قريش المعادي، و أحمد عبد الراضي أخوه فزهراء المعادي قدام توكيل نيسان)، كلهم بيتكلموا ف 17 الف لكن بيرسى الموضوع فالأخر على 15:16 ألف، انا استقر رأيي على الشيخ هيثم لأن الراجل مغير موتور لزميل لي فالشغل من شهرين و هوو مبسوط جدا بيه و الشيخ هيثم قال له جرب عربيتك و لو ليك أي ملاحيظ الموتور بتاعي و أنا أركبلك غيره.، دا غير ان هيثم نفسه مغير عربيته لنفس الموتور و كمان مغير شكلها للشكل الأوربي بس أنا بفضل الشكل بتاعنا إحنا.

بالنسبه لقطع الغيار مرترطه فالحرفيين لأن كل الإنصاص اللي بتيجي من بره 2200 سي سي، يعني اسهلك تلاقي قطع الغيار الاستيراد أسهل من الموديل بتاعنا ال 1600 سي سي.

و على فكره أنا بدور دلوقتي على تعديل الشكمان لعلبتين علشان انا قريت إنه بيحسن أداء الموتور جدا و كمان شكله أكتر من رائع، بس لسه بدور و يا ريت لو حد يعرف حاجه عن الموضوع ده يفيدني.

أنا طولت فالرد، بس الموضوع يستحق...العربيه دي تحفه و تستحق مكانه أكبر بكتير من اللي هي فيه.

http://i130.photobucket.com/albums/p...P1010468-1.jpg

هيغيره وياخد القديم

حاول تكلمني وهفيدك كتير 01007461491