العربية بتسخن بسرعة ومابتبردش بسرعه افيدوووونى
بعد ماغيرت صبابات للماتور وكله تمام ..وانا ماشى ﻻقيت الماتور غرقان زيت من تحت والعربية مش راضية تبرد وانا على الطريق السريع .والامبير ثابت فى النص مش راضى ينزل زى ماانا متعود على طريق الشروق ..روحت تانى يوم للميكانيكى وقالى ده جوان التكيهات ضرب .وفعلا غيرتو ومبقاش ينزل زيت ..بس وانا مروح ﻻقيت برضه الامبير ثابت فى النص مش راضى ينزل وانا على طريق الشروق وماشى فى السريع والمفروض مقابلنى هواء يبرد الماتور زى ماانا متعود .لكن حسيت ان الماتور سخن .ومش راضيه تبرد.مع العلم ان الميه مش بتنقص والمروحه شغاله تمام ..فى ناس قالولى اغسل الماتور من مكان الزيت الى كان مغرقه..وناس تانيه قالتلى الترومستات وحشه ..وبجد زهقت من تاليف الميكانيكيا والناس عايز حد يقولى رايه فى الموضوع ده...وكمان انا فاصل فيشه المانفول بتاعت البنزين عشان بتبرجل العربيه .ياترى ده غلط..ارجوكم عايز رايكم ضرووورى