-
اويل سيل الكرنك :"(
عربيتي سكودا اوكتافيا a5 كنت منزل شكوي انها بتنقط من تحت روحت للميكانيكي النهارده قالي ده من اويل سيل الكرنك ....ايه هو اويل سيل الكرنك و ده تكلفته اد ايه والمصنعيه بتاعت تركيبه واحسن مكان اركبه فين لانه قالي انى هسقط الماتور والفتيس بس قالي روح القاهره لان مفيش حد فى سوهاج بيشتغل فيها
وقالي ممكن تمشي بالعربيه فتره بس تابع دايما الزيت هل ده صح ولا لأ .... لما روحتله قالي دى العربيه مكنش يعتبر فيها زيت انت ربنا سترها معاك ان الماتور مبظش .... هل اقدر اعرف اذا كان فى حاجه فى الماتور الفتره الي فاتت ممكن تكون فعلا باظت ولا اتأكلت اذاي ... معلش اسف جدا على الاطله بس والنبي حد يطمني :"(
-
هو من ناحية انك تمشى بيها أه ممكن بس تشوف مقاس الزيت كل يوم وتزود الناقص حتى العلامة العليا
الى ان تشوف ميكانيكى بيفهم فيها وغير الاولسيه
طالما هتفك هتفك بيقى بالمرة غير اولسه الكامة العلوية لأنه فى الغالب بيكون قرب يبوظ
الكرنك ده الجزء السفلى من المتور اللى ذراع البساتم راكب عليه وبيلف فى حركة بدالية وطبعا لازم من وجود زيت كافى علشان تسهيل الحركة ومتصل خارجيا بطنبورة الترس السفلى اللى بيركب عليه سير الكامة وبيتحكم فى عدم خروج الزيت فى هذا الاتصال اوسليه مطاطى ولما بيفسد بيؤدى الى تسريب الزيت
وطبعا قلة منسوب الزيت خطر عليه وعلى كل اجزاء الموتور
تقبل مرورى
Content Relevant URLs by
vBSEO 3.6.0 PL2