لو لقيت عربية ملاكى شغالة تاكسى تركبها؟؟؟؟؟؟

**Terrible_DaRsH** · 20-11-2008 02:06 AM

ركبت مرة ملاكى على انها تاكسي بالصدفه !!
بوقف العربيه لان لونها اسود زى التاكسي وركبت وكان معايا طربيزة كمبيوتر ولما جيت انزل الرجل قالى اللى تدفعه...
وبعد ما نزلت ببص بالصدفه لاقيتها ملاكى !!!!
وعلى فكره يا جماعه وانا بقول للسواق عايز كام مردش خالص وقالى اللى هتجيبه استغربت جدااا هو فى احترام كده !!! بعد ما نزلت بقي لاقيتها ملاكى .
يمكن الناس دى بتعمل ربح اضافى من غير ترخيص مثلا ...
او بيحاولوا يشتغلوا شغله اضافيه من غير ما يرخصوا العربيه تاكسي ...
بس على فكرة دول هيبقوا ارخص من التاكسي ومش هيبجحوا معاكم خالص علشان ميروحوش فى داهية ..

**abdelaziz-waleed** · 20-11-2008 02:38 AM

احنا عندنا هنا في حدائق حلوان معظم العربيات التاكسي ملاكي وعربيات حديثة جدا
لانسر 2007 وفيرنا وجين 2
العربيات ديه معظمها بيكون اصحابها شارينها بالتقسيط وبيأجروها لشركات او مكاتب
وبعد انتهاء مدة العقد بيضطر يشغلها تاكسي علشان يجيب قسطها
طبعا ما بيتكلمشي كتير في موضوع الاجرة علشان ما يروحشي في داهية
وبيفضل ماشي جنب الحيط لغاية ما يكمل اقساط العربية
بس بصراحة الناس ديه افضل من التاكسي بمراااااااااااااااااااااح ل

**Hosam_Optrawy** · 20-11-2008 03:34 AM

المشاركة الأصلية كتبت بواسطة Rafraf

ana mara f shab msh tmam kda :D

w2ef w by2oli msh 3ayz taxi

otlo enta malk

2ali asli sh3'al taxi w mat5afsh w bta3

ana aked ertbakt w oltlo la ana mstni wa7d sa7bi

kant honda civic 93 hatchback:D

w kant el sa3a 1 blel w labs nadert shams

f olt ya3am bla mlaki bla 5ara 5lena fl toxosa

:k48::k48::k48::k48::k48:

**dr.nemo** · 20-11-2008 04:04 AM

تحتى فمكة بيعملوا كده وسعوديين كمان
وبيبقوا احسن من التكاسي لانهم عرفين البلد اكتر

اهل مكة ادرى بشعابها

**ahmed1981** · 20-11-2008 10:37 AM

المشاركة الأصلية كتبت بواسطة Nour_Peugeot

لا طبعا انا اش عرفني ده ايه

و كمان لو لقدر الله حصلت مش كله و جيت تعمل بلاغ هتقوله كنت راكب عربيه ملاكي هيقولوك معا نفسك

حد اجبرك تركب ملاكي

هي الاجره و بس

فعلاً
لو أي مشكلة حصلت فإنت راكب بمحض إرادتك في سيارة خاصة
وتخيل لو المشكلة حصلت واللي راكب بنت

الأجرة أكثر أمناً

**K.LOTFY** · 20-11-2008 10:53 AM

الموضوع ده كان في السعودية عادي بالنسبة لي تلاقي واحد معاه تويتا هايلكس او عربية عادية بيوقفلك و يوصلك و أغلب الناس بتركبه لأنه بيكون أرخص من التاكسي يعني لو مثلا مشوار بعشرين ريال هو ياخد عشرة.

بس هنا مجربتش الحوار ده وأنا اصلا بلاقي تاكسي بالعافية وفين وفين لما واحد يرضى يوقف أصلا أو يوصلني.

المشاركة الأصلية كتبت بواسطة yasserwin

انا لسا من شوية فى عباس العقاد شايف ماتريكس ملاكى وحاطط عليها من فوق اللمبة بتاعت التاكسى ومشغلها

أنا شوفته برضه من فترة ولاقيته وقف و اتنين نزلوه منه وبيحسبوه كان لونه أسود و ملاكي و حاطط اللمبة دي بس كنت متزاول مش فاهم ده اية يعني

**أحمد سالم** · 20-11-2008 11:17 AM

انا عندى فى المقطم عربيات ملاكى على الزيرو لانسر والله 2008 وفيزنا
عاملين ليهم موقف جنب الميكروباص وشغالين تماموكل الناس بتركب معاهم
الحلو فى الموضوع ان العربيه بتوصلك ارخص من التاكسى
ده لو التاكسى وقف اصلا

**MOON5** · 20-11-2008 11:21 AM

اعتقد ان الموضوع ده منتشر فى معظم الدول العربيه وخصوصا فى السعودية
انا مش شايف اى مشكلة الا اذا كان الراكب بنت بمفردها غير كده عادى جدا لانك ممكن تركب عربيه مكيفه وحديثة جدا وتدفع مبلغ بسيط بدون اى مجادله مع السائق الى فى الغالب بيكون محترم وعايز يزود دخله بالطريقة دى ومش عيب ابدا:k49: