الموضوع: بكرة امي جدا ايوة

screenplays screenplays are you here ?

مش عارف انا الناس اللي بتسخر من الموضع
كل واحد عندة حاجات في نفسيتة بتاثر علية

واية اللي بيقول فليم هندي يعني انا داخل اكتب قصة من دماغي هستفاد اية يعني مش فاهم في مسابقة قصة قصيرة احنا
واضح ان في ناس ما بتقدر الاوجاع النفسية للاشخاص
ودة اللي خليني اصلا ابعد عن التعامل مع الناس كلها
وانا عارف ان اول حاجة هاسمعها دي امك حرام عليك ومش عارف اية
والله عارف كل الكلام دة بس لية استحمل اساء لية اعيش في عذاب نفسي عمري كلة
لية ما اعرفش انجح في حيايتي عشان امك ؟؟؟


واعيش بعيد ولا اخلتط بحد ولا اكلم حد بسبب اللي شوفتة من الناس
في حياتي الناس لا تقدر مشاكل اللي قصادهم سخرية واستهزاء وضحك وهوبة الموضوع بقي فليم هندي
وانا داخل اكتب قصة من دماغي علي اساس اني قاعد فاضي
واللي بيقول مشاركتي قليلة فعلا لان مش من هوايتي ادخل علي منتديات واكتب كتير الا في الشديد القوي


انا مش معقد واعترف اني كنت غلطان مع بسفي حاجات بسيطة
اي حد ممكن يعملها يعني اتعصب شوية ارفع صوتي وفي حدود اللياقة لا بشتم ولا بعمل حاجة
موقف ابويا تقريبا ابويا شخصيتة مش قوية في البيت كان ماشي علي عوم والديتي وخلاص

انا عارف ان الموضوع صادم ان شخص يكرة امة طانا زعلان من نفسي ان وصلت كدة لان دة حاجة غير سوية وتوثر علي مفسية البني ادم
لكن احنا بشر ولينا رد فعل
ممكن تكون والدتي كان عنجها مشاكل نفسية الله واعلم اللي اعرفة انها كانت كويسة مع الناس كلها
وعادية جدااا انا بحاول استرجاع اية اللي حصل
لان الموضع عدي علية فترة طويلة

بجد انا مش عارف لية كانت تبتعمل كدة
يعني لو قالتي معلش كان عندي مشاكل مضايقني اعزرني كنت تفهمت وعادي جداا
لان انا دماغي ضربت من التفكير اقسم بالله ما كنت بانام الليل لية بتعلملي كدة
نفسي اعرف لية

امي من النوع اللي لو عملت وانا مش واخد بالي حاجة ممكن تكون ضايقتها
تكتم في نفسها ومرة واحد يقوم سلوكها متغير ناحيتي

طب لو كنت ضايقتمك قوللي اية اللي عملتة

والنسبة لموضوع النور
البيت عندنا واسع
وانا قاعد بعييد عنها بس هي عارفة اني بحب اذاكر والنور مولع فكانت حجة وخلاص
اني اقفل النور عشان فاتورةةالكهرباء لدرجة ان قولتها انا هادفع فاتورة الكهرباء

انا عارف ان في امهات بتعمل حاجات افظع بكتير مع اولادهم ويمكن امي بالنسبة لهم تكون ملاك

وهي كانت دائما تقولي انا بحبك الله واعلم بشعورها واكيد مفيش ام تكرة اولادها
بس هو لية دائما اجرح انسان وبعد كدة اقولة انا بحبك

بردوة عايز اقول الي داخل يضخك ويقول فليم هندي ويسخر
واللي يقول مخدرات انا مري في حياتي مما شربت سجارة وانا من النوع اللي بيخاف علي صحتة
يعني انا مش عيل عاق بشرب برشام وبعمل كدة عشان امي ما كانت بتعطيني فلوس
ولا اني داخل اهلس شوية وشارب سيجارة حشيش اتقوا الله

يااستاذي في حاجات صغيرة مشاكل ممكن تكون تافهة ولاتذكر
لكن بمرور الوقت بتكبر وتكون جبل خصوصا لو واحد زي شخصيتي انا في عيب
ان انا لا انسي الاساءة ابدا مش عارف لية عيب في شخصيتي اعترف بة

الموضوع اثر في جدا
لدرجة انا اعترف ان ممكن يكون عندي عقدرة من الجواز لذلك انا مقرر اعيش حياتي وحيدة حتي الموت
لاني مش عايز اجوز واخلف اطفال وانا عندي مشاكل نفسية اخليهم في الاخر يكرهوني او يكونا غير اسوياء نفسيا


اخيرا انا اسف ان تطفلت علي المنتدي بالقصة اللي مكون تكون غريبة في نظر البعض
بس انا زي ما قولت عايش لوحدي ومش عندي اختلاط باي حد ولا حتي اصدقاء
فيمكن اللي خليني اكتب كدة اني كنت عايز افضض شوية ويمكن كنت متاثر نفسيا باللي حصل

واخيرا انا مش هادخل تاني علي الموضع لاني عايز انسي اللي حصل \ة
وربنا يرحم امي ومش عايز افتكر لها حاجة وحشة
وفعلا الموضوع عنوانة صادم لكن امي ماتت من فترة وكنت قايل انة مش فارق معي
لكن بدات فعلا اشعر بالخزن عليها
لاني ادركت اني مش هاشوفها تاني ابدا يمكن قبل كدة لما كانت عايشة كنت متصور اني بكرة جدااا
لكن لما ماتت بجد الموضوع احتلف شوية

وربنا يعلم اني بحاول اسماحها
ويمكن اكون غلطان يمكن تكون هي غلطانة انا مش عارف
انا هانسي الموضوع دة تماما واركز في حياتي
واسف مرة اخري علي هذا الموضوع