انا بكرة امي ايوة انا بكرة امي جدااا
عارف انة عنوان صادم جدااا
بس ارجو اي حد بيقراء ما يستعحل ويكمل الموضوع للاخر
المشكلة جذورها من زمان
زمان امي كانت كويسة معي جدا وطيبة لاقصي حد وانا كنت بحبها جدا وفعلا كنت بحس بالامان في وجودها
دة كان لغاية الثانوي وبعد ما دخلت الجامعة كل حاجة اتغيرت
اية السبب الله واعلم
طول عمري وانا طموح وبحب اشتغل علي نفسي لما دخلت الجامعة كنت في حالي قوي
ما بتكمل مع حد يادوب من الجامعة للبيت لاني كمت في كلية نظرية سهلة ومكنتش بحضر كتير
المهم في الفترة جالي مرض غريب في القولون بسبب العصبية والضغط النفسي
اتغيرت حياتي تماما بقا لي نظام معين في الاكل زمان كان ممكن اكل اي حاجة شطة فلفل اي حاجة
انما بعد كدة وبعد المرض دة بقي الاكل عندي محدود وحاجات معينة يادوب شوية ملح علي الاكل فقط
لحد هنا الامور تمام بمرور الوقت امي هي اللي كانت بتطبخ لي
في الاول طلبت منها تعمل اكل مخصوص لي عشان موضع القولون ومن غير شطة او فلفل
تمام كانت بتعمل بعد كدة مرة واحد بتقولي بعد كدة اعمل انت لنفسك قولتها بس انا ما بعرف اطبخ
قالتي مليش دعوة طب انا في الجامعة وعندي مذاكرة قالتي اتصرف انا مش خدامة دي كانت اول مرة تكلمني كدة اتصدمت جدا وقولت عادي ممكن متعصية او حاجة
بعد كدة تاني يوم قالتي معلش اصل كنت متعصبة شوية من حاجات في الشغل هاعملك اللي انت عاوزة قولت تمام
بقي الحال متقلب مرة كويسة معي جدا جدا ومرة تكون بتجر شكلي وعايزة تعصبني وخلاص
اضطرت اكمل علي كدة المهم قبل الامتحان بيوم وانا قاعد بذاكر في اخر سنة الساعة 1باليل
فاتح نور الغرفة وقاعد بذاكر اجدها بتصرخ تقولي اقفل النور عايزة نام مرة واحد بدون اي مقدمات ؟؟؟؟؟؟؟؟؟؟؟؟؟؟؟؟؟؟؟
قولت انا امتحان بكرة اذا مرة واحد اتفاجا بتفتح شباك الشقة وتصرخ علي الجيران الحقوني الوالد هيضربني دة بلطجي محدش عارف يعمل معة حاجة حد يلاحقنا ..
كل دة وانا متنح مش عارف بتعمل كدة لية ؟؟؟؟
طبعا بقي منظري زبالة طلعت بلطجي وبيضرب امة وعامل مشاكل وكل دة عشان قاعد بذاكر
هوبة تقوم نازلة رايحة القسم وجايبة امين شرطة وتقولة اعملة محضر بيضربني !!
يقوم امين الشرطة واخدني علي القسم الساعة 2 باليل واحنا في مش في القاهرة في محافظة من الاقاليم وهناك امناء الشرطة بيتعاملوا مع اي حد علي انة بلطجي يقوم مدخلين في غرفة مع بلطجية ومجرمين مدة 3 ساعات لغاية ما الجيران قالولها حرام عشان الوالد ومستقبلة وكدة دة وانا عندي بكرة امتحان والساعة كانت 5 الفجر والامتحان الساعة 9 الصبح
طبعا رجعت البيت وانا منهار مصدوم واعتذرت عن الامتاحانات وضاعت عليا السنة
ودخلت في حالة نفسية زفت 3 شهور لدرجة اني وصلت 40 كيلو
وتقولي احسن عشان تحرم تعنادي يارب تفشل وتفضل بالثانوية العامة ومفيش فلوس للجامعة
من ساعتها وانا كرهتا كرة شديد وايقنت انها الد اعدائي في الدنبا واي نجاح بعملة
بيضايقها روحت اشتغل واصرف علي نفسي يادرو مرتب ضئيل جداا
يكفي مكصاريف الجامعة لغاية ما خلصت الجامعة وطبعا روحت بعدها اقدم علي شغل
وكلنا عارفين ان الشغل والانترفيوهات بتكون صعبة علي الرغم من كدة عرفت اشتغل في اماكن الي حد ما كويسة وبدات اقبض كويس واعتمد علي نفسي
الشغل اللي انا كنت فية كان في حاجات المفروض ان اخلصها في البيت
فكنت بروح اشتغل عليها وهنا بقي يبدا العذاب
ياابني اقفل النور ياباني حرام عليك عايزة انام
وهي اصلا مش بتكون عايزة تنام ولا حاجة مجرد التنغيص علي مش اكتر
لغاية ما حصل موقف كرهني فيها الي ابعد حد
دخلت وانا شغال قامت ماسكة اللاب توب كسرتة في الارض
انا اتعصبت لم اتمالك نفسي وكانت خناقة كبيرة
ومن ساعتة سيبت البيت ومشيت وعد علي الكلام دة حوالي 6 سنوات
والحمد الله الي حد ما ربنا كرمني وعشيت لوحدي حيا هادئة بعيد عنها
حتي اول امس كلمني ابويا قالي امك تعابنة وعايزة تشوفك
روحت قالتي معلش انا عارفة اني كنت بتضايقة سامحني
وقولتيها عمري ما هاسمحك
ابداا
امبارح امي ماتت ايوة ماتت
وانا مش عارف احزن عليها ولا لا
انا مش زعلان ومش فرحان احساس غريب ودة مش جحود ولا اني عاق ولا حاجة بس احنا بشر ودة رد فعل طبيعي للمعاملة اللي شوفتها طبعا في عذات كتير شوفتها منها مش هاعرف اوصفة بس فعلا الست دي سبب لي اساء كتيرة كتير جداا
بس نفسي اعرف لية كانت بتعاملني كدة