محتاج نصيحة عاجلة من خبراء اللابتوب.

**a_tantawy7** · 20-11-2008 12:45 AM

السبلم عليكم يا شباب,
الموضوع بأختصار أني عايز أشتري لابتوب, واستخدامي ليه معظمه أعمال مكتبية (يعني word,excel).يعني عايز حاجة تقضي الغرض و في نفس الوقت مفيهاش مشاكل.
المهم لاحظت أن فرق السعر سببه أساسا أن الأنواع الرخيصة (من 2600 ل 3000 جنيه.) بيبقى الprocessor سليرون, الأنواع الأغلى (من 4000 جنيه وطالع.) بيبقى core 2 due .
السؤال بقى:
ايه الفرق بين ال processor السليرون وال core 2 due ؟
أحد الأعضاء في موضوع سابق حذر من اللبتوبات اللي ببروسيسور سليرون وقال أنها بتسخن بسرعة وكفائتها بتقل بعد فترة بسيطة من الاستخدام, هل الكلام ده صحيح؟ أرجو النصيحة واللي عنده معلومة ميبخلش بيها, وجزاكم الله خيرا.

**a_tantawy7** · 20-11-2008 12:50 AM

عفوا, السلام عليكم

**ahm3d ham>ed** · 20-11-2008 12:51 AM

والله انا مابنفهمش فى الهارد وير لكن معاية لاب توب توشيبا ستا لايت كنت جايبة 3999من كارفور من3شهور وشغال علية ليل ونهار وزى الفل وبطاريتة حلوة و

وير ليس
ويب كام
1جيجا رام
شاشة 15و4بوصة
هارد 160
البروسوسر كور2 دي
مش فاكر كام
اللون سيلفر
فعلا الجهاز دة بتاع شغل شاااق

**Mohamed_Ibiza** · 20-11-2008 01:15 AM

ياباشا dual - core احدث

وانابرضه مفهمش اوي بس اللي اعرفه انه الاحدث

وانا معايا الاب توب بتاعي hp g 7000

كنت جايبه معايا من النمسا وشغال برضه عليه 24ساعة بقاله معايا 4 شهور و زي الفل

**ashraflotfy1** · 20-11-2008 09:47 AM

السلام عليكم يا a_tantawy7
بالنسبة للبروسيسورات عموما اللى بيفرق بين واحد و الثانى عوامل كتيرة منها
1- السرعة و تقاس حاليا بالجيجا هرتز و كلما علت السرعة كلما تحسن الأداء
2- الكاش ميمورى و دى عبارة عن ذاكرة صغيرة خاصة بالبروسيسور و وظيفتها تحسين الأداء و السرعة و كلما زادت كلما تحسن الأداء و هى التى تفرق بين البروسيسور السيليرون الذى لا يحتوى على كاش مسمورى أو تكون صغيرة مثلا 128 أو 256 أو 512 كيلوهرتز و البروسيسور الدوال كور و الذى يعتبر 2 بروسيسور يعملان معا و السرعة تكون عالية جدا الى جانب احتواءه على كاش ميمورى عالية جدا 3 ميجا هرتز مثلا
طبعا الفرق فى السعر عالى يصل الى 5 أضعاف الثمن و أكثر و السيليرون من انتاج شركة انتل مثل الدوال كور أو الكور 2 ديو الى جانب شركة AMD التى تنتج أنواع جميلة جدا و ممتازة من البروسيسورات و أسرع من الانتل و أرخص سعرا و الشركتان هما الأشهر و الأقوى و هما أمريكيتان
الذى يفرق معك هو الاستعمال يعنى استعمال ورد و اكسيل و أغنى و مالتىميديا على خفيف يبقى السيليرون خاصة حالة الميزانية معاك. مش فارقة هات الدوال كولا أو AMD تحفة و مالهوش مشاكل و أسرع من انتل و أرخص و السلام ختام

**fady.bekatcho** · 20-11-2008 10:01 AM

بصى انا معايا dell vistor 1000
كنت جايبة بحوالى 4600 من 5 شهور شغال معايا ليل نهار بمعنى الكلمة وما اشتكاش
بروسوسر 2
1 جيجا رامات
كارت شاشة اب تو 512
120 هارد

ويرلس

بس ما فهوش بلوتوث ولا ويب كام ودا عيبة

هو دلوقتى ثمنة نزل وبقى حوالى 3700 او 3900 مش فاكر اوى

**Dr Ahmed** · 20-11-2008 11:05 AM

حضرتك جاوبت بالفعل

إحتياجات مكتبية أساسا ثم أى إحتياجات تانى فرعية = سيليرون بلا أدنى خوف وبيستحمل كل حاجة زيه زى غيره

نصيحتى بس تدور على كمبيوتر بطاريته 6 خلايا على الأقل ويستحسن 8

معظم الموجود سيليرون بطاريته 4 خلايا فقط = ساعة ونصف تقريبا شغل ، إلا لو كنت دايما هتشتغل بجوار مصدر كهربائى

فى الكمبيوترات العادية مريت بالتجربة دى وعندى بنتيوم وديوال كور وكور 2 ديو ، والتلاتة نفس الأداء فى استخداماتى ماعدا فى برنامج موفى ميكير وسرعة نسخ الملفات

**a_tantawy7** · 20-11-2008 04:41 PM

مشكورين جميعا على الردود, وأنا غالبا هجيب حاجة toshipa أو hp ببروسيسور celeron لأن بجد الكاشات ناقصة جدا اليومين دول.
جزاكم الله كل خير.

**نور القمر** · 20-11-2008 07:28 PM

اختيار موفق ومبروك مقدما

الموضوع: محتاج نصيحة عاجلة من خبراء اللابتوب.

LinkBack

أدوات الموضوع

عرض

-

-

-

-

المواضيع المتشابهه

نصيحة عاجلة

خبراء اللابتوب .. ساعدونى

الي خبراء اللابتوب ارجو التسعير

محتاج نصيحة عاجلة من خبراء اللابتوب.

مطلوووووووووب نصيحة عاجلة

الكلمات الدلالية لهذا الموضوع

المفضلات

المفضلات

ضوابط المشاركة