موقع لبيع المواقع !!!

**khaled_sabry** · 15-09-2015 04:48 PM

السلام عليكم
انا مبرمج مواقع asp.net خبره 10 سنوات تقريبا
طبعا كأى موظف مش عاجبنى الشركه اللى شغال فيها - و حاسس كأنى بزرع فى ارض غير ارضى
غير ان التقدم الوظيفى فى المستويات المتقدمه بيبقى صعب و يعتمد اكثر على المهاره الاجتماعيه
غير ان الدنيا اللى بتغلى كل يوم و سوق العمل اللى اصبح غير مستقر

فعندى فكره او امل انى اعمل مشروع يدر دخل كافى للمعيشه الكريمه
فنظرا لتخصصى بتمنى ان يبقى عندى موقع على النت يحققلى كده
المشكله انى ماعنديش الوقت الكافى لبرمجة الموقع ده
و جربت انى اعين فريلانسر لعمل فكره موقع كانت فى خيالى و فعلا نفذو الموقع لكن مش بالشكل المطلوب اللى كنت اتمناهه و بمستوى تقنى سيئ جداا و خسرت فلوسها على الفاضى

فهل حد يعرف مواقع بيبيع مواقع او برامج معموله بال .Net technologies
و تكون برامج قابله للربح من خلالها لما تتشهر فى المستقبل
بحيث تبقى وسيله تحسين دخل فى الاول على الاقل

**7oda** · 15-09-2015 04:53 PM

جبت الفريلانسر منين

**khaled_sabry** · 15-09-2015 05:02 PM

المشاركة الأصلية كتبت بواسطة 7oda

جبت الفريلانسر منين

فيه مواقع كتير
اللى اسعتملته كان اسمه - مستقل
بس المشكله اللى حصلتلى انى كنت عاوز حد يعملى موقع و انا اقدر اكبره بعد كده
لكن نتيجه انى مش قاعد مع الفريلانسر ده فعمل شغل دون المستوى رغم انه بيحقق الاهداف اللى انا قولتهاله
لكن التفاصيل و الاداء كان زى الزفت
علشان كده الطريقه دى لو عاوز تتبعها حتبقى كويسه معاك لو مش ناوى تكبر الحاجه اللى مطلوبه

**7oda** · 15-09-2015 05:30 PM

جرب مواقع الفريلانس الدولية زى
elance
upwork
هتلاقى ناس محترفة اكتر

**khaled_sabry** · 15-09-2015 07:57 PM

ماهو انا عاوز دلوقتى اشوف الحاجه قبل ما اطلبها
بدل ما اقعد اتفق مع حد و يطلع عيني عقبال مايفهم و ياعالم هل حيعملمها زى ما انا عاوز و لا لاء

**Secret-Man** · 15-09-2015 11:11 PM

انت حسب فكره المشروع لو جاهزه اشتغلها Clone افضل واسرعه وريح دماغك

مشاكل ASP.net كتير وعايز حد ايده فيه طول الوقت وسيرفراته مكلفه شويه وBugs كتير زى مانت عارف

ده رايى ولك حريه الاختيار

**bekatcho** · 16-09-2015 12:16 AM

عندك
طبعا الموقع العالمى http://flippa.com/ لبيع وشراء المواقع
وعندك منتتدى ترايد نت فية قسم بيع وشراء موقع عربية بس اغلب الى معروض تعبان جدا والى حلو طالبين ارقام فلكية مجموعه ترايدنت العربيه لخدمات الويب | استضافه تصميم برمجه

**Ramy Omran** · 16-09-2015 12:21 AM

متابع

**absaab** · 16-09-2015 03:15 AM

ممكن توضح اكتر ؟

هل تقصد انك تشتري أي موقع تربح من خلاله عن طريق الإعلانات مثلا وتزود دخلك ؟

ولا محتاج تقدم خدمات في تخصصك عن طريق الموقع ؟

نصيحتي بما انك مبرمج مواقع asp.net وخبرة 10 سنين انك تقدم خدمة برمجة المواقع بشكل حر
يعني تشتغل مع نفسك وتعمل دعايا لنفسك اما عن طريق موقع خاص بيك أو تكون فريلانسر وتقدم خدماتك عن طريق المواقع ودي أرباحها بتكون خيالية بس المهم انك تعرف توظف خبرتك صح

خاصة أن المواقع اللي بتعتمد على asp.net في الغالب هي المواقع الحكومية والمؤسسات الرسمية يعني هيكون دخلك جيد منها

بس ياريت توضح اكتر أو تقول فكرة مبسطة عن المشروع اللي بتفكر فيه علشان اقدر أفيدك اكتر

**khaled_sabry** · 16-09-2015 05:59 AM

المشاركة الأصلية كتبت بواسطة Secret-Man

انت حسب فكره المشروع لو جاهزه اشتغلها Clone افضل واسرعه وريح دماغك

مشاكل ASP.net كتير وعايز حد ايده فيه طول الوقت وسيرفراته مكلفه شويه وBugs كتير زى مانت عارف

ده رايى ولك حريه الاختيار

هو معلشى بس ازاى اعمل Clone لمشروع ؟
مافهمتش اول سطر ده تقصد بيه ايه

المشاركة الأصلية كتبت بواسطة absaab

ممكن توضح اكتر ؟

هل تقصد انك تشتري أي موقع تربح من خلاله عن طريق الإعلانات مثلا وتزود دخلك ؟

ولا محتاج تقدم خدمات في تخصصك عن طريق الموقع ؟

نصيحتي بما انك مبرمج مواقع asp.net وخبرة 10 سنين انك تقدم خدمة برمجة المواقع بشكل حر
يعني تشتغل مع نفسك وتعمل دعايا لنفسك اما عن طريق موقع خاص بيك أو تكون فريلانسر وتقدم خدماتك عن طريق المواقع ودي أرباحها بتكون خيالية بس المهم انك تعرف توظف خبرتك صح

خاصة أن المواقع اللي بتعتمد على asp.net في الغالب هي المواقع الحكومية والمؤسسات الرسمية يعني هيكون دخلك جيد منها

بس ياريت توضح اكتر أو تقول فكرة مبسطة عن المشروع اللي بتفكر فيه علشان اقدر أفيدك اكتر

انا مشكلتى فى انى اشتغل فريلانسر هى اولا ان العميل فى احيان كتير مابيبقاش عارف هو ايه
يعنى مثلا ممكن واحد يقولك عاوز برنام لادارة ال hr فى الشركه بدون ذكر تفاصيل
و بعد ماتطلع عينك يشوف اللى انتا عملته و يقولك تعديلات ممكن تخليك تهد شغلك و تبنيه من اول و جديد
ثانيا مشكلتى فى ال Design نفسه ن زوقى وحش فى الالوان
فبالتالى اللى نفسى فيه ابقى شغال فى مشروع واحد كبير بتاعى انا و كل شويه اكبر فيه بمزاجى