ناوي أشتري كروز 2016 إن شاء الله ... محتاج مساعدتكم في إستفسار هااااااااام جداً
السلام عليكم ؛
بإذن الله نويت شراء شيفروليه كروز 2016 ، وعندي إستفسار مهم عن الفتيس ..
كنت راكب فيات جراند بونتو 2010 من الزيرو ، وهي عربية ممتازة في فئتها خصوصاً المانيوال منها ، لكن الأتوتو كانت (إيزي ترونيك) ودة فتيس غير مخصص لمصر بسبب الزحام والجو الحار في الصيف فكان بيحتاج صيانات مكلفة مادياً كل 40 الف كم تقريباً ...
سمعت كثيراً إن الكروز الجديدة فيها موتور وفتيس أوبل أسترا ... وسمعت كذلك كثيراً إن أوبل أسترا الفتيس بتاعها إيزي ترونيك ... فخايف يكون فتيس الكروز إيزي ترونيك !!! ..... هل الكلام دة دقيق ؟؟
وللعلم الفتيس الإيزي ترونيك غير ال (تيبترونيك) تماماً اللي موجود في أغلب السيارات ، لأن فكرته قائمة على طاقم دبرياج بتاع الفتيس المانيوال العادي ، وبتحس فيه بنقلات المانوال بالظبط وبتحس بترييحة بين النقلات كأن العربية بتنخ كدة ، وكمان لما بتشيل رجلك من على الفرامل في بداية التحرك العربية مبتتحركش نهائياً ، لازم تدوس على دواسة البنزين علشان تبدأ تتحرك !!!! ....
فهل الكلام دة في الكروز الجديدة ؟؟
وعموماااااااااً في أي شكاوى من الفتيس الجديد بتاعها ؟؟
وهل من نصائح بشأن الكروز الجديدة عموماً أو عيوب مشهورة عنها ؟؟
أرجو الإجابة من الملاك ، وعن تجربة ... وشاكر لكم مقدماً ..