"لا تعليق"
عرض للطباعة
"لا تعليق"
آسف
لن أشترك في ذلك
أعرف سعوديين على قمة الذوق والعلم والأخلاق
هل آخذهم بذنب بعض السفهاء أو بعض الظنون
فأنا دائماً أرفض التعميم
لأن الذي يعمم غالباً يكون مخطئ
احلي شيئ في الموضوع ان كل مؤيدينه هم من اعترض علي مقاطعه الدنمارك او امريكا
عموما قبل ما تفكروا في الموضوع فكروا في المنتجات المصريه اللي بتروح هناك برضه :)
حضرتك الرد حاجه بسيطة قوي واي مهندس خصوصا شغال في السعودية هيقولك الكلام ده مهندس مدني
الملك عندهم لقبه ايه
خادم الحرمين الشريفين
يعني ايه خادم الحرمين الشريفين
يعني هو اللي متكفل بكل شئ فيهم
ومش معنى كده اني بهلل لأحد
ولكن والله كفاه خيرا ان يدفع كل سنه حوالي 2 مليار لشركة بن لادن لأدارة الحرمين والتكفل بكل شئ فيهما
كفاه وربنا يجعله في ميزان حسناته
ومش عاوز حد يقول هيا فلوسه يعني
على الأقل بيصرف على مساجد الله وعلى المسلمين اللي بيتمتعوا بالخدمات هناك
كفاه انه يكون وسيله لذلك
ربنا يغفر لنا ويرحمنا
بالله عليكم انا عاوز اسأل سؤال وحد يجاوبني عليه والله بجد
الحرمين لو كانت مصر هيا اللي ماسكاهم بالله عليكم كانو هيبقوا عاملين ازاي
والخدمات ايه اخبارها
ولا الحق والزحمه هنعمل فيها ايه
صحيح انا الللي نقلت الموضوع بس اكيد نقلته علشان عاجبني لأسباب كتيرة
اللي انا شايفه ده خواطر كتير جت في بال الكاتب في اللحظة دي زي فراغ ادمغة الشعب المصري و العربي من الاشياء المهمة و متبعة التوافه....و رخصنا كشعب في الخارج و الداخل ذلنا و هوانا ....و برضه مؤيد للدنمارك قلبا و قالبا...و زعلان لفقدانا هويتنا....و صعبان عليه حال البلد.....و حجااااات كتييييير
انا حسيت ان المقال اعمق بكتير من ما اتصور
*100000000000000000
وشبه المجانية دي اللي بياخد مقابلها هو المطوف مش الحكومة الحكومة بتطبع على الوثيقة وعلى التأشيرة أنها لا تتقاضى أي مقابل من الحاج .
وهناك بعض الرسوم في الحج تكون مقابل تنقل وفرش الخيام وغيرة وبيكون هناك تيكت مجزء عند كل مرحلة يتم قطع الجزء المخصص لكن التأشيرة مجانية .
*10000000000
لي صديق يعمل في السعودية منذ 8 سنوات في هيئة الإغاثة الإسلامية .
وقال لى أن شركة بن لادن كل عام تأخذ مناقصة صيانة ونظافة الحرم بريال سعودي واحد:k41: والله أعلى وأعلم .
وبعدين اللي بيقول هي فلوسه أعتقد هم عندهم الأسرة المالكة لأفرادها نصيب مقسوم من الدخل يعني هي فلوسة وبدل القنوات الفضائية ، والملاهي الليلية ، والليالي البرتقالية ، يقوم مشكوراً بصرفها لوجه خالق البرية .
مثل الوجبات التي يقوم بتوزيعها على الصائمين في شهر رمضان وطباعة المصحف والصرف على أوجه الخير في جميع البلدان الإسلامية
واللهم كافئ المحسنين بالإحسان .
لا و النبي غلابة و صعبانين عليا كمان !!!
قدر خبراء اقتصاديون حجم عوائد الحج خلال العام الحالي 2009 بنحو 20 مليار ريال، وزعت بنحو 35% لقطاع الإسكان، 25% للهدايا والقطع خفيفة الحمل، 28% لقطاع المواصلات، 9% للغذاء، و3% رسوم خدمية.
ونقلت جريدة "الاقتصادية" في تقرير للصحفي خميس السعدي اليوم الأحد 7-12-2008 عن الخبراء توقعاتهم حول حجم إنفاق الحجاج والعوائد الناتجة عنه بناء على الإجراءات التي شدد في تطبيقها خلال العام الجاري، الأمر الذي سيدفع جميع الراغبين في أداء الفريضة إلى الانخراط تحت مظلة شركات ومؤسسات الحج، وبالنظر إلى الارتفاع الذي شهدته أسعار المواد الاستهلاكية الذي يزيد الآن على الفترة نفسها من العام الماضي بنحو 30%، وبعدد الحجاج الذين قدر أن يبلغوا نحو ثلاثة ملايين ما بين نظامي وغير نظامي، ملمحين إلى أن أكثر الجنسيات إنفاقا على الحج هي الدول ذات التكاليف العالية.
عودة للأعلى
http://www.alaswaq.net/articles/2008/12/07/19992.html
علشان تعرفوا احنا بندخلهم قد ايه
بس أنا لما أشتري صنع في السعودية
أحسن مليون مليار من صنع في بلاد الصهاينة الأمريكان
اتفق معك بشدة
الأخ صاحب الموضوع ::: بالنسبه لمقاطعة المنتجات السعوديه علشان معاملة الكفيل ( السيد ) للمصرى ( العبد ) على حد قولك .. أنا رأيى إن المصرى هو اللى عمل فى نفسه كده وهو اللى راضى بده بدليل إنه بيستكبر يغسل أطباق ويبيع جرايد فى مصر أو يرضى بأى شغلانه أحسن من قعدته فى البيت ولما بيسافر أوروبا بيمسح الأرض هناك ومش علشان محدش شايفه لأ علشان فيه عائد مجزى يعنى بيرضى بالبهدله ( من وجهة نظره ) علشان الفلوس .. وده برضه اللى بيحصل فى السعوديه ودول عربيه تانيه .. ومش معنى كده ان كل المصريين بره بيتعاملوا بطريقه مش كويسه ولكن أنا بتكلم عن اللى بيتعاملوا بره بطريقه مش كويسه وراضيين .. وناس تقول ماهو سافر بره علشان مش لاقى ياكل فى مصر وطبعا ده مش سبب لتحمله هذه المعامله بره مصر ولو فرضنا انه بيستحمل ده علشان اكل العيش ( على حد قوله ) فأظن إنه كفايه سنتين ثلاثه أو أربع سنين ويرجع إنما تلاقى واحد مسافر 10 أو 15 سنه ومستحمل وده لأنه عنده استعداد يتبهدل علشان الفلوس ..
ولو فيه مقاطعه للمنتجات السعوديه يبقى الشخص اللى اتبهدل فى السعوديه لما يرجع مصر يبقى يقاطع اللى هو عايزه مش هو ياخد على قفاه بمزاجه واحنا اللى نقاطع منتجات دوله إسلاميه ...
وكل سنه وانتم طيبين بمناسبة عيد الأضحى المبارك ..
يا عمو يا حبيبى
انا اعرف ناس كتييير اوى بيقعدوا بالعشر سنوات وال 15 سنة ومبسوطين ومرتاحيين هناك وكونوا ثروات تتعدى الملايين - بيبنوا فلل
- بيتاجروا فى اراضى
- بيبنوا عمارات ويبيعوا الشقق
وغير ذلك
وبردة مش عاوزين يرجعوا ومش مستكفيين
كل مرة يقول كمان سنتين ولما سالت احدهم قالى انه مش هيعرف يعيش بنفس المستوى فى مصر
لان هناك تقدر بمبلغ بسيط تمتلك شقة فخمة وتمتلك احدث سيارة وتلاقى افخم المولات والهيبرات وتشترى اجود المنتجات والماركات العالمية بكافة اشكالها بارخص الاسعار (بدون غش او خداع)الامانة هناك شئ لا يوصف فعلا
ولو فيه عيب فى المنتج تفاجأ بذهول ان البائع بينبهك ليه !!!
والامان هناك على اعلى مستوى (لا توجد كمثال اى حوادث لسرقة السيارات كمثال)
وتجد محال كثيرة بتكون مفتوحة وخاليه من الحراس
والمنتجات لو رخصت بترخص فى نفس الاسبوع او الاسبوعين على المنتجات كلها
دا غيير تخطيط الطرق والشوارع والنظافة على اعلى مستوى (لايوجد مايسمى بعسكرى المرور) والسرعات على الطرق منطقية (مش 90 على طريق السفر اللى يستحمل 160)
وغيرها من الاسباب المقنعة
بعيد عن التخبيط
بخصوص المقاطعة عموما: لو ناوى تقاطع منتجات دولة نبقى عاملين حسابنا من رد الفعل اللى هيشمل مقاطعتها هى كمان لمنتجاتنا على الأقل
بالاضافة لقدرتنا على توفير البديل للمنتج المقاطع
وبصراحة إحنا معرفناش نقاطع أى حاجة فى أى وقت وفىأحلك الظروف هنيجى على منتجات السعودية القليلة أصلا!
بصوا يا جماعة ..
فى الأخر إحنا أخوة ..
و الحاجات دى الحكومة تتدخل فيها ..
و ى أصلا غلطة الحكومة إللى خلت المصرى مالوش ثمن ...
بس لازم الحكومة المصرية تاخذ موقف بس من جانب أخوة..
لأن كلنا فى الاخر واحد
بغض النظر عن " ياعمو ياحبيبى " وإن ده طبعا أسلوب مش كويس ..
إنت لو قريت المشاركه بتاعتى كويس كنت فهمت اللى أنا أقصده .. أنا كتبت بالمشاركه "ومش معنى كده ان كل المصريين بره بيتعاملوا بطريقه مش كويسه ولكن أنا بتكلم عن اللى بيتعاملوا بره بطريقه مش كويسه وراضيين"
يا باشمهندس وليد مقصدش اسلوب وحش معاك ولا حاجة
انا بقول "يا عمو يا حبيبى" كمجمل لاى شخص مش لحضرتك يمكن انت فهمتها ليك عشان جت بعد مشاركتك
وكل عام وانت بخيير
فعلا يا Ticoxx معاك الف حق و حق في كل اللي قلته انت و كانك بتتكلم عن لساني و ناس هنا مع احترامي ليهم لسه بيقولوا اشقاء هاها فعلا ما هو الاخ يبهدل اخوه و يذله حقه ما هو اخوه الكبير اللي بيصرف عليه انا مش فاهم اشكال وسخة في الشارع قدامة من هناك محملة بغضب و حقد و طائفية لا مثيل لها علي الاطلاق احنا فين يا جماعة في طهران و لا جدة و لا القاهرة اللي كانت زي مدن اوروبا للاسف مفيش فايدة في الكلام..
و انا اول واحد يقاطع المنتجات السعودية و اي منتج سعودي مش هشتريه.
و انا طبعا مش مقطاع و لا هقاطع المنتجات الدنماركية.
احنا لا كابول و لا طهران
و في نفس الوقت لا امستردام و لا باريس
زي ما تقول كده احنا زي الي رقصو ع السلم
ياااااااااااه
الشباب مسلم ولا مش مسلم
اصلكو لما تقاطعوا السعودية يبقى انتو مقتنعين ان المقاطعة سلاح للضغط أوللتعبير عن الرأي على أضعف شكل ...
و فخركم بعدم مقاطعة الدانمارك (اللي سبت الرسول الكريم لو تعرفو) يعني حاجتين لا ثالث لهما ان الشباب لا يدين بالإسلام ...أو مسلمين من منازلهم .
لو مش مسلمين يبقى الموضوع عادي رأيكم و انتو حرين فيه لأن واضح اننا على دين مختلف
انما الكلمتين اللي جايين دول نقف عندهم لو مسلمين أو غيرمسلمين ...
هي الأشكال الوسخة (على حد تعبيركوا) اللي هي ايه ؟؟؟
و الفكر العرعري القبيح ده يطلع ايه برضو ؟؟؟؟؟
ربنا يهدينا جميعا
تم الحذف لتجاوز قواعد وقوانين المنتدى- الادارة 4
دبي – الأسواق.نت
قدر خبراء اقتصاديون حجم عوائد الحج خلال العام الحالي 2009 بنحو 20 مليار ريال، وزعت بنحو 35% لقطاع الإسكان، 25% للهدايا والقطع خفيفة الحمل، 28% لقطاع المواصلات، 9% للغذاء، و3% رسوم خدمية.
ونقلت جريدة "الاقتصادية" في تقرير للصحفي خميس السعدي اليوم الأحد 7-12-2008 عن الخبراء توقعاتهم حول حجم إنفاق الحجاج والعوائد الناتجة عنه بناء على الإجراءات التي شدد في تطبيقها خلال العام الجاري، الأمر الذي سيدفع جميع الراغبين في أداء الفريضة إلى الانخراط تحت مظلة شركات ومؤسسات الحج، وبالنظر إلى الارتفاع الذي شهدته أسعار المواد الاستهلاكية الذي يزيد الآن على الفترة نفسها من العام الماضي بنحو 30%، وبعدد الحجاج الذين قدر أن يبلغوا نحو ثلاثة ملايين ما بين نظامي وغير نظامي، ملمحين إلى أن أكثر الجنسيات إنفاقا على الحج هي الدول ذات التكاليف العالية.
و مالوا برضه!! اصل همة فاتحينها سبيل
انا مش مؤيد للكلام اللى قالوه بس ليا تعليق على الموضوع ده
الدنمارك لم تسب رسول الله انا مش عارف ليه الخلط ما بين رسام و مابين دوله و بعدين ده جريده واحده اللى نشرت واحنا بالغوغائيه العربيه خلينا بقيت الصحف نشرت فى تحدى بعد ما قلنا هنقتل اللى رسم ده نوع من التخطيط الاهبل البدائى بدل ما نحتوى مشكله نصعد الموضوع بغوعائيه ونحرق كام علم و شويه هتافات و ملصقات الا رسول الله- صلى الله علبه وسلم - واغلبيه اللى لازقينها تصرفاتهم اصلا عار على الاسلام
بالنسبه للسعوديه الكلام هنا عن سياسه دوله تجاه ابناء بلدك و ليس معامله اشخاص و لذلك المعادله مختلفه
ف المقارنه بين الوضعين نوع من خلط الاوراق
حسبنا الله ونعم الوكيل
-10000000000000000000000000000
-1000000000000000000000000000
ممكن نعرف إجابة هذه الأسئلة ؟؟
هو لما الجريدة نشرت الرسوم وتعدت على معتقدي الديني مش ده خرق للحريات ؟
ولما حصل إن الموضوع تخطي حدود الدولة ( الدنمارك ) واظهرت جميع الدول الإسلامية إمتعاضها الشديد ( على المستوى السياسي الرسمي ) ورفضت الحكومة الدنمركية تقديم إعتذار رسمي بحجة الحرية الشخصية في التعبير .
مش ده برضة سياسة دولة ؟؟؟؟؟؟
ولما قام كاتب إنجليزي بالتشكيك ( مجررررررد التشكيك ) في محرقة اليهود ( الهولوكوست أو الهولوجوست من الهجس ) حكم عليه بالسجن ثلاث سنوات ومصادرة كتابه .
مش هي دي برضة حرية التعبير وعدم التدخل في الحريات عند الغرب التي تذرعوا بها لعدم تقديم أي إعتذار بدعوى الحرية ؟؟؟؟؟
أين الحرية ؟؟
وبعدين هل صاحب الموضوع أو المعلقين على الموضوع بوجوب مقاطعة المنتجات السعودية على علم بجوانب الموضوع وهل علموا إذا كان المصري المهان مهان فقط في السعودية أو في أي دولة أخرى ؟؟؟
وهل سبب إهانة المصري هو ذات الشخص أم حكومة بلدة ؟؟
وهل سبب إهانة المصري خارج بلده هو نفس سبب إهانته داخل بلده ؟؟؟
وهل لا يوجد مصري يعتز بكرامته خارج بلده ؟؟؟
وهل لا يوجد مصري تربطه روابط وثيقة بأناس محترمين وعلى قدر عالي من الأخلاق في أي بلد أخرى ؟؟
وما هو سبب أحترام ( أو خوف ) الدول الخليجية من الرعايا الفلبينيين أو ( الخادمات الفلبينيات ) إلا وجود سفارة قوية ترعى شئونهم ؟؟؟؟؟
أرجوا من السادة الأعضاء المحترمين الحذر من أصحاب الأهواء وأن يدرؤا الفتن وعدم الإنزلاق في هذا المنحدر ودراسة الأمور من جميع جوانبها (الإيجابية منها والسلبية ) .
ملحوظة : عند كتابتي لهذا التعليق لم يكن في ذهني شخص أو عضو بعينه ولكن أردت التنبيه ليس إلا
أولا
أنا مش مع مقاطعة الدانمارك بالشكل المتبع حاليا ليس لقبولى بما حدث ولكنني لا أرى المقاطعة هي الحل .
ثانيا
السعودية الحكومة لا تختلف عن السعودية الشعب كثيرا خصووووصا في معاملة المصريين
ثالثا
الموقف من الدانمارك هو هو الموقف من الرسام (خليه يرسم ماجين دافيد كده و عليها تراب بس وشوف حكومته هاتولع فيه ولا لأ ).
رابعا و هو الأهم
لست أنا من خلط الأوراق و انما أنا رديت عندما تفاخر البعض بمقاطعة السعودية و عدم مقاطعة الدانمارك العزيزة .
و مازالت الأسئلة بدون إجابة
الشباب ده : مصري
ولا علاقة بالدين هنا بأي حاجة ابدا احنا مصريين و ده يكفينا كصفة و سبب لحبنا لبلدنا
مش عارف الناس مكبرة الموضوع ليه وقالبه الدنيا
خلى مصرتحترم رعاياها والمشاكل هتخلص
وابقوا قابلونى لو احترمتنا
ربنا يباركلهم
وطبعاً لابد أن نقرن بهذا الكلام المليارات التي تنفق لخدمة الحرمين ولتوسعة الحرمين
وطول عمر الحرمين مكان عظيم لإجتماع أعداد كثيرة من الناس
والناس بتشتري برضاها وبالتالي أحوال الحرمين الإقتصادية عالية دائماً وهذا شيء يسعدني شخصيا لأن مكه والمدينة أرضان مقدستان لي كمسلم
وطبعاً هذا الشيء يغيظ الكفار وأعداء الإسلام أن تكون مدن الحرمين من أقوى المدن الإقتصادية
لكن ليموتوا بغيظهم
فيا ريت حضرتك لا تنخدع بهذا الغيظ وتنساق وراءه
الأشكال اللي قصدتها عارفة نفسها و انا مش هكرر كلام الأستاذ اللي فتح الموضوع اقرا الموضوع تاني و حضرتك تفهم قصدي و هو كتب عن الاشكال دي بإستفاضة.
أما الفكر العرعري فده يرد عليه اللي كتبه انا صحيح عندي رد و فاهم قصده بس برضه هو يوضح وجهة نظره.
انا مش عايز اخش في مهاترات تخص او تسئ لحد لاني مش عايز اي عداوة في الموقع لاني بحب الموقع ده و مش عايز ادخله و انا متضايق او اني يكون اي حد متضايق مني بس انا حسال حضرتك كام سؤال و ارجوك تجاوبني.......
الحجاب من اين جاء؟؟
هل كان موجود في مصر الستينات و السبعينات و ما قبلها ام لا أيام ما كنا بنلبس احسن و افخر و اكثر الموديلات حداثة في العالم؟؟
هل أصبح الناس مسلمون فجأة؟؟
الإسدال و النقاب
و لا تقول لي زي اسلامي فتلك النوعيات من الملبس هم من اصل عرقي و قبلي لا علاقة له بأي دين ايا كان.
الإسدال مثلا عراقي صرف.
النقاب سعودي ايضا و قادم من القبائل السعودية و من الزي السعودي كحال العباية الخليجي التي تقبل عليها الفتيات بكثرة و هي ليست من أزيائنا المصرية او حتي تشابهها بس تعرف ليه انتشرت الملابس دي لاننا بغبغانات نقلد و بس لكن ده جاي منين او ايه اصله منعرفش و منفهمش ده لبس بيلبسوه الشعب الفلاني يبقي كويس و و لا بقي لينا شخصية و لا غيره و من حق الناس تذلنا و تبهدلنا ايوة احنا بقينا مجرد توابع و بس تعرف لو بنات مصر كلهم يرجعوا يلبسوا ملاية لف حيبقي احسن من كدة علي الاقل زي مصري 100%
بس عامة مفيش فايدة يا مصر خلاص و يا خسارة يا الف خسارة......
أرجو اني كلامي ميزعلش حد و الإختلاف في الرأي لا يفسد للود قضية.
أنا مؤيد لسلاح المقاطعه 100% دول شوية عالم زباله وكلامي من أرض الواقع أنا بشتغل هنا بقالي 3 سنين وكنت عايش مع والدي ووالدتي هنا من إبتدائي لغاية ثانوي يعني دول عشرة 20 سنه من عمري بس أنا صابر عليهم لغاية ماأوصل للي أنا عايزه وأقسم بالله إني إن شاء الله هحج تاني وأعمل عمره قبل ماأمشي عشان ماأعتبش البلد دي تاني وأحب أوضح نقطه للأخوه اللي زعلانين على أن السعوديه بقت بتصدر لنا منتجاتها ماهو لازم تعرفوا أن كل المصانع دي مديرينها وعامليها ليسوا سعوديين بل بنسبة 90 % مصريين يبقوا هما برضه ماعملوش حاجه لو مشيوا الأجانب من عندهم يضيعوا لأنهم فشللللللللللللله يبقوا مش متفوقين لا إقتصاديا ولا أخلاقيا ولا دينيا حتى معلش أنا بتكلم من أرض الواقع وعشرة السنين مع ****** دول .
___________
لقد خالفت القاعدة رقم 9 بند "ب" من قواعد المنتدى لذا وجب حصولك على "إنذار" مع عدم تفعيل عقوبة الايقاف تخفيفاً للعقوبة على أن تشدد العقوبة عند ارتكاب مخالفات اخرى.
(إ.م.2)
الحجاب هو فكرة دينية لا تقتصر على الدين الإسلامي فقط .
كان موجود في الستينات و السبعينات بشك قليل و غير منتشر
و كنا بنلبس احسن موديلات باريس و لندن (مش بتاعتنا برضه)
و لحد دلوقتي في محجبات بيلبسوا من باريس بس بيتعبوا على ما يولفوا اللي يرضي رغبتهم في الاحتشام والكلام ده انا عارفه على يدي مش كلام و خلاص .
الناس طبعا ما أصبحوش مسلمين فجأه ...بس الزي المحجب بدأ ينتشر لربطه بالحشمة بشكل أكبر من ربطه بالتدين .
الموضوع لن يفسد الود ما دمنا بنتناقش بشكل مهذب زي ما حضرتك بتعمل .
تقبل ودي
الحجاب جاء بالأمر المباشر من الله تعالى في الدين الإسلامي في القرآن الكريم
وبالتحديد في الآية 59 من سورة الأحزاب
طبعاً أي مسلم لازم يؤمن بالكلام ده لكن لو أي ديانة أخرى مش هتفرق معاه وموضوع ميخصوش أساساً
كان موجود بنسبة بسيطة نتيجة للأمية الدينية في ذلك الوقت
وكان جميع النساء في الأرياف يرتدون الحجاب حتى المسيحيات
لو تعرف حد كبير في السن في الريف ممكن تسأله
وإسمحلي أقتبس من كلامك وأقول كان أغلب الناس في المدن المنفتحة كالبغبغانات يقلدون أكثر الموديلات حداثة في العالم
لا
الناس مسلمون في مصر منذ 1409 سنة هجرية
لكن هناك فترات يحدث بها أمية دينية
ويظن البعض من أهل المدن أن مصر كلها كانت بالميكرو جيب الأمريكي
وكأن جهلهم بحال أهل الريف يعطيهم الحق بمحوه من التاريخ
والبنطلون الجينز الملزق الزي يظهر أكثر مما يخفي أمريكي صرف
وبخصوص قول حضرتك إن فيه حجاب عراقي وفيه حجاب سعودي وغيره
أقول لحضرتك إن الإسلام لم يحدد زي أو شكل للحجاب ولكنه وضع ثلاث شروط لأي زي ليصبح إسمه حجاب حتى لو كان شوال
وهذه الشروط هي:
* لا يشف ما تحته
* لا يصف ما تحته
* لا يكون زينة في حد ذاته
ولو هناك امرأة إرتدت أي نوع من الملابس تنطبق عليه هذه الشروط فهو حجاب
وطبعاً الأزياء تتطور والبدلة التي نرتديها اليوم ليست كأختها من مئة سنة
وأيضا الملاية اللف تطورت وأصبحت عباية
لكن بالنسبة لمسألة الزي الرسمي المصري ال 100 %
طبعا ليس الميكرو جيب بتاع الستينات في مدن مصر وإنت نفسك قلت أنه زي عالمي
لو بتبحث عن الزي المصري الأصيل ممكن أدلك تلاقيه فين
في ناس جمعت صور فوتوغرافية لمصر قبل أكثر من مئة سنة
وهناك صور مرسومة لحال مصر من رسامين عالميين ترجع لأكثر من مئتي سنة وأكثر
بص فيهم كويس
هتلاقي الستات المصريات وأكرر المصريات يلبسون عباية سوداء وغطاء على الوجه (برقع)
وتجد الرجال جميعهم بالجلاليب وعلى رؤسهم عمم
وبعض الصور هتلاقي فيها شوية خواجات لابسين بدل زي اللي أنا وإنت بنروح بها الأماكن الرسمية
ولو لم يتسنى لك الأمر لرؤية تلك الصور عليك ببعض الأفلام الوثائقية عن عصر ما قبل الثورة وسترى ما أقصدة
قصدك إن كان فيه حجاب زمان إسمه الملاية اللف
عموماً هذا إجابه منك لسؤالك الثاني الذي قمت أنا بالإجابة عليه من قبل
وطالما حضرتك قبلت الزي المستورد الذي قلده المصريون في المدن مثل البغباغاوات على حد تعبيرك في الستينات وهو الميكرو جيب والميني جيب وغيره
فلنعامل أي زي آخر يقلده الناس في الحاضر بنفس المعاملة حتى نصبح منصفين
وأنا لا أدعو لتقليد أحد معين ولكن أدعو لعدم تحميل أي مقلد الكثير من اللوم (العباية السعودي أو الإسدال العراقي) مع التغاضي عن المقلد الآخر (بنطلون جينز أمريكي ملزق في الجلد يجسم العورات) وغض الطرف عنه
وكأن الهدف هو مهاجمة طرف معين وفقط
وختاماً تأكد تماماً بكامل الود لحضرتك
وواضح من كلام حضرتك ثقافة الحوار الهادىء
ونحن نعترض فقط على بعض المشاركين في هذا الموضوع الذين إكتفوا بإلقاء السباب هنا وهناك
الاستاذ احمد
بجد رد فى غايه الاناقه والجمال
الله يفتح عليك
كلام و تحليل ممتاز
بجد مكنتش متوقع اننا نكمل اسلوب الحوار بالشكل الجميل ده انا كتبت الرد اللي فات ده و انا متأكد اني دي تقريبا اخر مرة ادخل الموقع مش عشان حد هيمنعني بس حقنا للدماء :049:.
بس بجد الطريقة بتاعتكم تشجع الواحد علي ابداء الرأي سواء كان صح او غلط بس المهم اني مفيش مصادرة علي الرأي و ملقتش حد قال لي (لحد دلوقتي) أنت كذا......... او كذا.........
و حتي لو حد قال كفاية عليا الردود المهذبة اللي قريتها و اي حد هيجرح بعد كدة مش هيفرق معايا.
و بجد بشكرك يا أستاذ أحمد 1981 علي مجاملتك الرقيقة الجميلة و تأكد اني اللي بيسب و خلاص هو انسان دماغه فاضية من جوة و كل اللي جواه حقد و غل لفئة معينة عايز يشوهها و يسبها و خلاص و تأكد اني إن شاء الله عمر الحوار بيننا ما حيوصل للسب ابدا لاننا كمان داخلين في الاصل نتكلم في حاجة كلنا بنحبها و اجتمعنا عليها و هي العربيات بغض النظر عن اي دين او شكل او لون و كمان عمر ما مستوي الحوار بيننا كناس محترمين و مثقفين حيوصل إلي السباب لأني كل واحد دينه غالي عليه مهما كان حتي لو كان اللي قدامي ده دورزي و لا بوزي فأكيد هحترمه لاني ده معتقده اللي اعتنقه و بقي منهجه في الحياة فأكيد هيكون بيدافع عنه بشتي الطرق.
و شكرا مرة تانية لسعة صدركم.