الموضوع: مهمة البحث عن اكسارا نضيفه مطلوب الاخ fepsceasar

واكيد مش هجيب الاوتوماتك معرفش ليه بس كل الناس بتقول ابعد عن الاوتماتك ف الاكسارا 1 بالذات مش عارف ليه مع ان محدش عارف سبب ههههههههههههههههه هموت واعرف السبب

وهل كل الاكسارا زي بتاعت ابن خالتي الدركسيون تقييييييل والدواسات البنزين والدبرايج تحس انهم تقااااااال اوي ولا دي نتيجة اهمال 6 سنين او 7 سنين بدون صيانه ههههههههه

وبما ان حضرتك اخصائي اكسارا واضح طبعا ممكن تفيدني اجيب اكسارا 1 ولا 2 احسن وياريت معلش انا اسف اني هتقل علي حضرتك مثلا مثال علي قطع الغيار مثلا المساعدين في ال1 بكام وال 2 بكام الحاجات دي روقني يعني علشان يبقي عندي خلفيه كويسه عنها وشكرا

المشاركة الأصلية كتبت بواسطة fepsceasar

يا باشا انا مش اخصائي ولا حاجة
انا مستخدم عادى للعربية لمدة 6 سنين وهى ما شاء الله عربية محترمة وثبات رائع والتكييف مالوش تاثير على السحب ..هحاول اجاوبك ولو نسيت حاجة فكرني لانك كاتب السؤال على كذا مشاركة
اولا تكشف على الكهربا ان ما فيهاش كباري كتير والضفيرة كويسة ..وفى مركز اسمه اوتوسرفيس وفى واحد اسمه ابراهيم يوسف والشيخ على يفصصولك العربية
الحمد لله ما واجهتنيش مشكة في توفير قطع الغيار .. أسعار المساعدين امامي من 450 إلى 650 الطقم اتنين جديد وفي انواع تركي وتونسي واتحاد اوروبي زى ما انت عاوز ممكن تسال عند جمال البدري في التوفيقية ..يمكن اكسارا2 اغلى فى حدود30 %
ما قابلتنيش فيها غير المشكلة الهبلة بتاعت الفبرة ودى اى حد بتاع فبر يعملهالك وممكن لو دى الازمة اقولك على واحد يعملهالك تبقى تمام ..او تجيب الفريم ده استيراد ..الحاجة التانية كان خرطوم بتاع السخن لاغيته والتكييف بقى بارد بس ولا قيت عربيات كتير لاغية السخن فكبرت دماغي الحقيقة ولاغيته وخلاص.
اكسارا 1 قطع غيارها ارخص ومنتشرة اكتر اكسارا2 افضل لو هتجيب اوتوماتيك لانه نفس فتيس بيجو 307 والسي4 .. كان في حد قالى ان ممكن الفتيس بتاع اكسارا2 يتعمله تعديل ويركب في اكسارا 1 بس ما بحبش اللعب في الحاجة ..لذلك اكسارا1 مانيوال انا شايفها ممتازة ..وما كنتش بتكلفنى اكتر من الصيانة الدورية
طبعا سعر اعادة بيع قليل وبالتالى انا شايفها افضل قيمة مقابل سعر وبصراحة افضل من الاكسنت القديمة ولانوس 1
الباور خفيف مش تقيل خالص والدبرياج اكيد عند ابن خالتك عاوز يغير سلك الدبرياج ولا حاجة كده لان انا ما صدفتنيش المشكلة دى الحمد لله ..البنزين يعتبر تاتش ههههه مش تقيل خالص
الفوانيس اظن الواحد ديبو جديد في حدود 250 جنيه وموجودين فى التوفيقية ..
تحت امرك واعذرني لو نسيت حاجة
الفوجات الاتنين جديد في حدود 250 - 300 وشكلهم حلو بيرسم العربية

شكرا لاهتمام حضرتك يعني دواسه البنزين والدبرياج والدركسيون مش تقال يبقي تمام طمنت قلبي والف شكر لرد حضرتك مقدامكش واحدة حلوة بقي ههههههه تبقي عملت معايا الصح

واسف إذا كنت ازعجت حضرتك

انا عمال اشوف عيوب ومميزاتها واعمل عنها بحث قبل ما اجبها وسمعت عنها مشكله الفرامل بتزحف هل دا حقيقي ولا اي كلام ؟؟؟

المشاركة الأصلية كتبت بواسطة fepsceasar

لا اى كلام فى الهجايص مش للدرجة دى بس عموما فرامل اكسارا2 افضل من اكسارا1 ..وده كلام سماعي
دور يا باشا براحتك واكشف كويس على العربية علشان تنبسط منها
ربنا يوفقك فى حالة كويسة لللاسف ما اعرفش حد بيبيع عربية كويسة لو عترت فى حاجة هبلغك

الف شكر ياباشا وتعبينك معانا ومعلش اذا كنت تقلت علي حضرتك


سؤال اخير معلش انا اسف انا شفت اكتر من اكسارا 1 وهيه واقفة بحس انها معووجه علي الجنب اليمين هل دا عيب بيتصلح ولا لا ولو تعرف معلش عيب ايه يعني لو العربيه فيها العيب دة اجبها عادي ويتعمل ؟؟؟؟؟