اقتباس المشاركة الأصلية كتبت بواسطة eslamrace مشاهدة المشاركة
اظن مشروع كويس جدا طالما الارض ملك حضرتك حاول بس تتقلل تكاليفك بانك تعمل كل حاجه بنفسك بعيدا عن الشركات المتخصصه"بالرغم انها افضل واكثر احترافيه" بمعنى النجيل الصناعى له ناسه اللى ممكن ييجوا يركبوه ويظبطوه وتقدر تفاصل معاهم وتاخد افضل سعر وكذلك العارضات والاناره ممكن حضرتك تشوف الخامات اللى بتتعمل بيها ايه وتجيب صنايعى ينفذهالك بتكاليف اقل والاضاءه اى كهربائي حتجيبله الكشافات اللى تعجبك وهو حيركب ومش حتتكلف مصنعيه كتير اما غرف الخدمات تقدر انت تنفذهم بأقل التكاليف وافضل الديكورات من غير شركه تطلع منك مصلحه
ده بالنسبه للتأسيس

بالنسبه للتشغيل حضرتك اهم حاجه الدعايه والخدمات شويه اعلانات على النت والجرايد الدعائيه وتجيب تلاجات عصائر ومياه فى المكان وكخدمه افضل لو تقدر تتفق مع شخص معاه عربيه فان انه فى حاله احتياج اشخاص لوسيله مواصلات توفرهالهم بمقابل معقول حتكون تغلبت على البعد النسبي للمسافه لانك حتتعامل مع شباب مش حيفرق معاهم المسافه طالما فى وسائل مواصلات وخدمات كويسه

بس خللى بالك الموضوع برضه الشغل فيه مواسم يعنى فى الصيف غير الشتاء وشهر رمضان غير باقى الشهور
ادرس الموضوع وقلل التكاليف وابتدى وواحده واحده الموضوع لو مشي ابدأ طور ولو لا قدر الله ممشاش تقدر تأجر الارض لحد او تبيع الاصول الثابته وتقلل خسايرك
تحياتى .
بشكر حضرتك جدا علي المداخله المفيدة
والارض الحمد لله ٥ قراريط ملك وابعادهم كويسه ١٩ في ٤٦ متر
وانا فكرت في موضوع اني اعمله بنفسي بس مقلق شويه انه ميطلعش بالمستوى المطلوب :)

انا حاليا ارسلت للمحافظ علي اساس اني اعمل نادي اجتماعي واكبر المساحه وطلب بياناتي عشان احتمال المشروع المحافظة تدعمة بشرط يشارك يشارك فيه مجموعة من الشباب وجاري دراسة الموضوع وربنا يسهل ويوافقوا علي التراخيص لان الارض زراعيه وهي دي تعتبر المشكله