قدر الله و ما شاء فعل و الحمد لله انها بسيطه
هتروح المكتب تحكيلهم ايه اللي حصل و احتسب ال 500 دولار كأنهم زكاه عن صحتك مثلا
عرض للطباعة
قدر الله و ما شاء فعل و الحمد لله انها بسيطه
هتروح المكتب تحكيلهم ايه اللي حصل و احتسب ال 500 دولار كأنهم زكاه عن صحتك مثلا
متعملش حاجه في العربيه و سلمها ذي ما هي، سواء حياخدو كل ٥٠٠ دولار او حيرجعو جزء منها
شكرا يارجاله وربنا يسترها ان شاء الله
مشكلتك لو عملتها هتبقى مشكلتين
الاولى انهم يرفضو اللي عملته في العربيه وبالتالي يلزموك بالمبلغ المتفق عليه
الثانيه الوقت اللي هتتعمل فيه العربيه مش هيبقى قليل زي ما انت حاسب او متوقع
يبقى انت تريح دماغك خااالص وساعة التسليم تقولهم حصل كده كده في العربيه
وهما يقدرو المبلغ اللي هيتصرف عليها وياخدووه حسب الاتفاق وانت في الاثناء ديه تبقى تسال ممكن تكلفك كام
كلها ولو لقيت انهم بيستعبطو في تقدير الخبطات ابقى كلمهم كلام ناشف وقولهم اد كده اللي هو المبلغ اللي
عرفته من الصنايعيه حتى لو اخدو زياده شويه مش مشكله اهو لدل العطله ووقفة الصنايعيه
انا عايز اقولك حاجة مهمة جدا جدا
انا موقفى زيك انا نازل مصر وبفكر الف مرة قبل ما استاجر سيارة
عشان ممكن تحصل لك حاجة ما لكش دخل بيها خالص
زى اللى حصل لك
انا رأيى ٥٠٠دولار تدفعهم احسن من وصل الامانة والكلام الفارغ
وانت اكيد كنت متوقع يحصل حاجة
بس قلت ربنا يسترها ......وربنا ما استجبش لدعائك ....
اللى حصل لك متوقع بس احتمال حدوثه كان ضعيف شوية
لكن متوقع حدوثه ...وانت دافع الفلوس التامين ومتوقع انها ممكن ما ترجعش ...
يعنى انت ما اتفاجئتش.......انت بتنفذ العقد .....
وانا رأيى اللى يدخل عش الدبابير يستحمل لسعهم ......
وال٥٠٠دولار هم دول لسعة الدبابير .....
لازم تستحمل وما تكونش زعلان كمان لانك متوقع حدوث ده
رجعت العربيه وطلبوا المبلغ بالكامل واخدوا فعلا 500 دولار
شوف بقى المنطق المتخلف بتاعهم قالك لو التصليح تكلفته اكتر من 500 دولار يبقى هناخد ال 500 دولار كامله وطبعا تقييم التصليح بيكون فى التوكيل مش فى ورشه مثلا
طيب ماهو ال 500 دولار دول مبلغ التحمل على ال total loss للعربيه مش تصليحها وخلاص
انا الصراحه غلطان لانى كنت مفروض اوديلهم العربيه وهى مش نافعه تانى
داخل فى سور وعاجنها ومكسر الفوانيس لان كده كده التأمين شامل وابقى حرقتهم بالفلوس اللى دفعتها
يا اخي الفاضل الحمدلله انك رجعتها وخلاص واشتريت نفسك ووقتك ودماغك من وجع الدماغ والعطلة
ويعوض عليك ربنا
وحضرتك كنت متخيل انك هترجع العربيه فيها مشاكل وهتاخد الفلوس كمان ويقلولك شكرا
علي فكره نسبه كبيره من مكاتب الايجار بيكون مكسبها من التعويض اللي بتاخده منك لو خبطت العربيه ........نسبه كبيره من هذه المكاتب عارفه انك يستحيل تقدر تحافظ علي العربيه في شوارع مصر ..فعشان كده حجزوا الفلوس لانك هتتخبط هتتخبط