عايز نصيحتكم فى مشكلة حصلت وانا مأجر عربية

**Bassem Youssef** · 17-09-2015 09:32 PM

قدر الله و ما شاء فعل و الحمد لله انها بسيطه

هتروح المكتب تحكيلهم ايه اللي حصل و احتسب ال 500 دولار كأنهم زكاه عن صحتك مثلا

**MOTOR HEAD** · 18-09-2015 02:25 PM

المشاركة الأصلية كتبت بواسطة mody2500

ياخى انت محسسنى انى باحاول استهبل عليهم او انصب على شركة الايجار
انا كنت عايز اؤجر عربية فى اكتر حاجه مضمونه فى مصر ومفيهاش تمضى على ايصالات امانه بكامل مبلغ العربية زى باقى المكاتب التعبانه دى

وكمان انا اجرت قبل كده بره مصر ومفيش الكلام ده كله حتى مبلغ التأمين مايعادل 250 دولار فى عربيات اعلى بكتير من اللى هنا

هو دا فعلا اللى انت بتحاول تعمله بتنصب و بستهبل

هتعد تحكى كتير و تقولى اجرت قبل كده بره مصر و مبعملوش كده
هرجع اقولك تانى ..هو كان فى حدغصبك توافق على كده !!

اللى اوله شرط اخره نور -_-

**devil_storm** · 19-09-2015 06:22 AM

متعملش حاجه في العربيه و سلمها ذي ما هي، سواء حياخدو كل ٥٠٠ دولار او حيرجعو جزء منها

**Mody2500** · 27-09-2015 03:43 AM

شكرا يارجاله وربنا يسترها ان شاء الله

**ibrahim sallam** · 27-09-2015 04:01 AM

مشكلتك لو عملتها هتبقى مشكلتين

الاولى انهم يرفضو اللي عملته في العربيه وبالتالي يلزموك بالمبلغ المتفق عليه

الثانيه الوقت اللي هتتعمل فيه العربيه مش هيبقى قليل زي ما انت حاسب او متوقع

يبقى انت تريح دماغك خااالص وساعة التسليم تقولهم حصل كده كده في العربيه

وهما يقدرو المبلغ اللي هيتصرف عليها وياخدووه حسب الاتفاق وانت في الاثناء ديه تبقى تسال ممكن تكلفك كام

كلها ولو لقيت انهم بيستعبطو في تقدير الخبطات ابقى كلمهم كلام ناشف وقولهم اد كده اللي هو المبلغ اللي

عرفته من الصنايعيه حتى لو اخدو زياده شويه مش مشكله اهو لدل العطله ووقفة الصنايعيه

**wael30003** · 27-09-2015 06:53 AM

انا عايز اقولك حاجة مهمة جدا جدا
انا موقفى زيك انا نازل مصر وبفكر الف مرة قبل ما استاجر سيارة
عشان ممكن تحصل لك حاجة ما لكش دخل بيها خالص
زى اللى حصل لك
انا رأيى ٥٠٠دولار تدفعهم احسن من وصل الامانة والكلام الفارغ
وانت اكيد كنت متوقع يحصل حاجة
بس قلت ربنا يسترها ......وربنا ما استجبش لدعائك ....
اللى حصل لك متوقع بس احتمال حدوثه كان ضعيف شوية
لكن متوقع حدوثه ...وانت دافع الفلوس التامين ومتوقع انها ممكن ما ترجعش ...
يعنى انت ما اتفاجئتش.......انت بتنفذ العقد .....
وانا رأيى اللى يدخل عش الدبابير يستحمل لسعهم ......
وال٥٠٠دولار هم دول لسعة الدبابير .....
لازم تستحمل وما تكونش زعلان كمان لانك متوقع حدوث ده

**Mody2500** · 29-09-2015 01:36 PM

رجعت العربيه وطلبوا المبلغ بالكامل واخدوا فعلا 500 دولار
شوف بقى المنطق المتخلف بتاعهم قالك لو التصليح تكلفته اكتر من 500 دولار يبقى هناخد ال 500 دولار كامله وطبعا تقييم التصليح بيكون فى التوكيل مش فى ورشه مثلا
طيب ماهو ال 500 دولار دول مبلغ التحمل على ال total loss للعربيه مش تصليحها وخلاص
انا الصراحه غلطان لانى كنت مفروض اوديلهم العربيه وهى مش نافعه تانى
داخل فى سور وعاجنها ومكسر الفوانيس لان كده كده التأمين شامل وابقى حرقتهم بالفلوس اللى دفعتها