الموضوع: عايز نصيحتكم فى مشكلة حصلت وانا مأجر عربية

الاخ اللى داخل يتريق ويقولك هارجع العربيه واخد الفلوس ويقولولى شكرا
يامحترم
انت لما يتخصم منك مبلغ اهلاك شامل للعربية Total loss وتتحاسب عليه على خرابيش يبقى من حقك تعترض
ومعلش يعنى انا مش لاقى فلوسى فى الشارع علشان ميهمنيش السرقة العلنى بتاعة الشركات "العالميه" اللى شغاله فى مصر

المشاركة الأصلية كتبت بواسطة mody2500

رجعت العربيه وطلبوا المبلغ بالكامل واخدوا فعلا 500 دولار
شوف بقى المنطق المتخلف بتاعهم قالك لو التصليح تكلفته اكتر من 500 دولار يبقى هناخد ال 500 دولار كامله وطبعا تقييم التصليح بيكون فى التوكيل مش فى ورشه مثلا
طيب ماهو ال 500 دولار دول مبلغ التحمل على ال total loss للعربيه مش تصليحها وخلاص
انا الصراحه غلطان لانى كنت مفروض اوديلهم العربيه وهى مش نافعه تانى
داخل فى سور وعاجنها ومكسر الفوانيس لان كده كده التأمين شامل وابقى حرقتهم بالفلوس اللى دفعتها

السلام عليكم

حضرتك الصح انك ترجع العربية و تدفع ال 500 دولار اللى هما 3800 جنية تقريبا
تعالى نشوف التلفيات اللى فى العربية
1- تجاريح فى الباب من التروسيكل و دى طبعا مش سطحية
2- تطبيق فى الباب
3- تطبيق فى العتبة
4- خدوش فى الباب بمسامير و دى طبعا مش سطحية
5- خدوش فى الرفرف بمسامير و دى برضه مش سطحية

اولا الشغل اللى فى العربية ده اكيد حيخليها مش فابريكة ده لو كانت فابريكة
ثانيا العربية اكيد موديل جديد نوعا ما ومعنى كده ان الشغل فيها حيتكلف
ثالثا عطلة العربية فى الفترة بتاعتة التصليح
رابعا المعاملات مع شركة التأمين رخمة شوية

عارف حضرتك انك لو كنت مأجر من مكتب عادى كان دفعك فوق ال10000 جنيه وساعتها ولا كنت حتقدر تتكلم .
بصراحة انا شايف ان حضرتك غلطان مش معنى انهم حيخصموا منك مبلغ التأمين على شرط انت وافقت عليه (مع العلم انك مش مظلوم فى الاتفاق ده ) انك تقول انك المفروض كنت كسرت ليهم العربية
كفاية ان كان بالك مستريح انك لو نزلت لاقيت العربية مسروقة او والعه او عربية ركبت فوقيها كسرتها مكنش حد حيكون ماسك عليك ايصال امانة

تكاليف اصلاح العربية علشان تتعمل مظبوط اعتقد حتتكلف حوالى 2500 جنية غير طبعا ان العربية حتكون مش شغالة فى فترة التصليح
وبعدين مبلغ الاهلاك الشامل هو اللى صغير مش مبلغ تأمين الحوادث هو اللى كبير