عربيتى مواصفاتها فالكاتلوج كلاتى
VW 501 01
VW 502 00
VW 504 00
ACEA A3a) hCG ACEA A2a)
وهى عامله 125000 كيلو وصوت الموتور عالى نسبيا بعد 2500 على الاربى ام
تنصحونى بزيت ايه
وهل اخلينى فلزوجه 10w40 عشان صوت الموتور
تحياتى للجميع
عرض للطباعة
عربيتى مواصفاتها فالكاتلوج كلاتى
VW 501 01
VW 502 00
VW 504 00
ACEA A3a) hCG ACEA A2a)
وهى عامله 125000 كيلو وصوت الموتور عالى نسبيا بعد 2500 على الاربى ام
تنصحونى بزيت ايه
وهل اخلينى فلزوجه 10w40 عشان صوت الموتور
تحياتى للجميع
http://www.nilemotors.net/Nile/attac...1&d=1442496094
دى صوره من الكتالوج
مواصفات (V W) هي مواصفات فولزفاجن VolksWagen... وحضرتك أكيد عارف إن "شكودا" هي إحدى شركات مجموعة فولزفاجن.
فولزفاجن عاملة لتفسها مواصفات خاصة لزيوت الموتور اللي تتحط في مواتيرها... يعني ما ينفعش أحط أي زيت مش مطابق لمواصفات فولزفاجن
يعني باختصار.. الزيت اللي تشتريه لازم يكون مكتوب عليه واحدة من المواصفات اللي حضرتك كتبتها دي.
فيه تفاصيل عن الموضوع ده هنا:
http://www.nilemotors.net/Nile/3875937963-post8.html
مواصفة VW 501-01 عبارة عن التالي:
زيت بأي لزوجة بدرجة 5W-30 أو 5W-40 أو 5W-50 أو 10W-30 أو 10W-40 أو 10W-50.
الزيوت دي مستوى الجودة بتاعها منخفض ولازم تتغير بسرعة (ما تزودش عن 5000 كم).. والزيوت دي مناسبة أكتر للعربيات اللتي اتعملت قبل سنة 2000.
مواصفة VW 502-00 عبارة عن التالي:
نفس اللزوجات اللي في مواصفة 501
مستوى الجودة بتاعها أحسن.. ومناسبة للعربيات اللي بتشتغل في ظروف شاقة (اللي كلنا بنسوق فيها).. والزيوت دي عالبا هتبقى تخليقية أو نصف تخليقية.
مواصفة VW 504-00 عبارة عن التالي:
زيوت بلزوجة 0W-30 أو 5W-30 بس.
دي زيوت بمستوى عالي (تخليقية غالبا) وموفرة في الوقود.
الرابط ده فيه تفاصيل أكتر عن مواصفات فولزفاجن للزيوت
http://www.nilemotors.net/Nile/3875937964-post9.html
تاني.... ما ينفعش تحط زيت ما يكونش مكتوب عليه رقم مواصفة فولزفاجن ....
بس لو فرضنا إنك كنت مسافر والزيت نقص مثلا واضطريت تجيب زيت تاني علشان تكمل النقص... الكتالوج بيقوللك تقدر تزود أي زيت بس يكون مكتوب عليه كود ACEA A3 (كود ACEA A2 مبقاش موجود دلوقتي).
بس صفحة الكتالوج اللي حضرتك حاططها كاتبة جدولين لمواصفات الزيوت...!!
الحقيقة إن كتالوجات سيارات مجموعة فولزفاجن عموما بتكتب توصيات الزيوت بطريقة معقدة جدا بطريقة تخلي المستخدم مش فاهم حاجة علشان يروح التوكيل من الآخر..!!!
عموما... فولزفاجن عاملة كذا فئة لطريقة صيانة العربية... هتلاقي تفاصيلها مكتوبة عندك في الكتالوج... والمفروض تعرف عربيتك تبع أنهي فئة حسب ماهو بيقوللك في الكتالوج... وغالبا هتلاقي الرمز ده مكتوب إما في كتالوج الضمان أو في كبوت العربية...
وده ملخص للتصنيفات دي:
1- فئة الصيانة المرنة (QG1)
دي فئة الصيانة الطويلة.. وعلشان تشتغل صح لازم العربية يبقى فيها مكونات فترات الصيانة الممتدة extended servicing interval أو (ESI)... والمكونات دي عبارة عن:
وعموما.. الكمبيوتر بيحسب الوقت المناسب لتغيير الزيت بناء على طريقة السواقة والأحمال الحرارية اللي الزيت اتعرضلها
* فيشة لتركيب شاشة عرض فترات الصيانة المرنة
* حساس مستوى زيت الموتور
* مؤشر لتآكل تيل الفرامل
2- فئة الصيانة الثابتة (QG0 أو QG2)
دي فئة الصيانة بمدد زمنية أو مسافات ثابتة (اللي احنا متعودين عليها).. ومقسمين العربيات لقسمين:
QG0 دي الفئة اللي مفيهاش مكونات الـ(ESI)
QG2 دي الفئة اللي فيها مكونات الـESI بس مش مشغلينها.
ملخص الرغي الكتير قوي ده هو التالي:
اشتري زيت يكون عليه رقم مواصفة الزيت المكتوبة في الكتالوج .. ودول موجودين كتير قوي.. يكاد يكون مفيش زيت تخليقي مش مطابق لمواصفات فولزفاجن...
وغير الزيت حسب جدول الصيانة بتاع QG2 المكتوب في الكتالوج.
...
بس صفحة الكتالوج اللي حضرتك حاططها كاتبة جدولين لمواصفات الزيوت...!!
الحقيقة إن كتالوجات سيارات مجموعة فولزفاجن عموما بتكتب توصيات الزيوت بطريقة معقدة جدا بطريقة تخلي المستخدم مش فاهم حاجة علشان يروح التوكيل من الآخر..!!!
[/size]
...[/quote]
Typical German car , every simple thing intentionally complicated
كلام حضرتك وافى جدا وطبعا كنت قريت لحضرتك شويا فموضوع الزيوت
الى فهمته من حضرتك ان الزيت الي اشتريه لازم يبقى مكتوب عليه علامه الااتحاد الاوربى
ACEA A3
وعلامه
VolksWagen
فالكاتلوج كلاتى
VW 501 01
VW 502 00
VW 504 00
وافضلهم هو
تحياتىاقتباس:
مواصفة VW 502-00 عبارة عن التالي:
نفس اللزوجات اللي في مواصفة 501
مستوى الجودة بتاعها أحسن.. ومناسبة للعربيات اللي بتشتغل في ظروف شاقة (اللي كلنا بنسوق فيها).. والزيوت دي عالبا هتبقى تخليقية أو نصف تخليقية.
مش شرط يكون مكتوب عليه كود الـACEA.. إنما لازم يكون مكتوب عليه أحد أرقام مواصفات فولزفاجن المكتوبة في كتالوج عربيتك..
على سبيل المثال.. الزيت ده مخصص لسيارات فولزفاجن/أودي/شكودا/سيات... لإنه مفيش عليه أي مواصفة غير مواصفة فولزفاجن فقط
،،Shell Helix Ultra Professional AV-L 5W-30 - Shell Global
أتوقع إنك تلاقيه في مصر.
...
سؤال اخيرق
هل المناسب لعربيتى بعد عدد الكيلوهات المقطوعه التى تعدت ال 125000
الحراره العاليه فى مصر
هل مناسب لها لزوجه
5w-30
5w-40
10w-40
VW 502 00
5w-30
5w-40
VW 504 00
اختيار اللزوجة راجع في الأساس لطريقة استخدامك للعربية... مش لعدد الكيلومترات المقطوعة...
لو بتستخدم العربية بدون أحمال ( يعني مفيش أوزان تقيلة أكتر من 300 كيلوجرام.. ولا بتقطر عربيات.. ولا بتطلع في مرتفعات كتير زي المقطم مثلا )... في الحالة دي خليك في اللزوجات الخفيفة زي 5w-30 أو 10w-30.. واللزوجات دي هتحسن السحب وتقلل استهلاك البنزين.
أما إذا كنت بتحمل العربية كده.. فالأفضل تروح على اللزوجات الأعلى.. زي 5w-40 أو 10w-40 أو 5w-50
موضوع الحرارة ما تحطهوش في دماغك مادام مش مذكور في الكتالوج.
...
لو لسه قلقان من ناحية اللزوجة المنخفضة.. أرشحلك الزيت ده
5W-50 Oil | Mobil 1 Peak Life 5W-50
ده زيت تخليقي من موبل 1 .. واخد اعتماد VW 501
...